RUBRICÆ

GENERALES

S. 1. Quot modis fiat Officium Divinum.

Divinum Canonicarum Horarum Officium fit, aut de Solemnitatibus Domini, aut de Dominicis, aut de Sanctis, aut de Feriis, ut loco suo exponuntur.

§. 2. De Solemnitatibus Domini, et earum Officio.

Solemnitates Domini hæ sunt: Nativitas Domini et Octava ejus; Epiphania et Octava ejus, intra quam est etiam Reditus Christi; Festum Sanctissimi Nominis Jesu; Purificatio; Pascha Resurrectionis et Octava ejus; Inventio S. Crucis; Ascensio; Pentecostes et Octava ejus; Festum Sanctissimæ Trinitatis; Festum Corporis Domini cum Octava; Visitatio Beatæ Virginis Mariæ; Transfiguratio Domini; Exaltatio Sanctæ Crucis; Dedicatio Ecclesiæ, etiam Minoris.

In his Solemnitatibus ad Matutinum, loco Decuriæ, dicuntur Cantica, Hymnus Te Deum laudamus, Antiphona ad Crucem. Canticum Cantemus, et Orationes secretæ, ut hæc et reliqua locis suis distincte notata sunt.

Harum Solemnitatum Officium fit, etiamsi illæ cadant in Dominicam præter Solemnitatem Sanctissimi Nominis Jesu, quæ si aliquando incurrit in Dominicam de Septuagesima, illius Officium transfertur in sequentem diem. Quod idem servatur de Festo Purificationis, quando illud cadit in dictam Dominicam de Septuagesima, aut de Sexagesima, aut Quinquagesima. Benedictio vero et distributio candelarum et processio fit ipso die Dominico, in quem Solemnitas cadit. Si vero in alias Dominicas incidunt, fit de illis cum Commemoratione Dominicæ.

§. 3. De Dominicis.

Fit de Dominicis Officium: vel proprium, ut de Dominicis in Adventu, et in Quadragesima, et Dominica post Nativitatem: vel Commune, ut a Dominica secunda Pentecosten post ad Do

usque

minicam primam de Adventu. Dominicæ autem, quæ inter Pascha Resurrectionis, et Pentecosten incidunt, Paschale Officium habent, ut suo loco notatum est. Aliæ autem Dominicæ habent Officium partim Proprium, partim Commune, ut Dominicæ post Epiphaniam, in Septuagesima, Sexagesima et Quinquagesima.

In Dominicis dicuntur semper Cantica, vel hyemalia, vel æstiva, pro ratione temporis, Hymnus Te Deum, exceptis Dominicis de Adventu et de Quadragesima: item Antiphona ad Crucem, præ