terquam in Quadragesima: et dicitur Canticum Cantemus, et Orationes secretæ, et cætera propriis locis notata.

De Dominica Officium numquam prætermittitur, quin suo die fiat. Si igitur cum Dominica concurrit aliquando Officium de aliquo Festo, vel B. Mariæ Virginis, vel alicujus Apostolorum, vel Sancti Patroni, etiam Sancti Ambrosii; fit de Dominica, translato, ut iufra, Officio de Sancto, qui in Dominicam inciderit.

Si vero, ut supra, aliqua Solemnitas Domini in Dominicam incidit; fit de illa Solemnitate cum Commemoratione Dominicæ exceptis Solemnitatibus Sanctissimi Nominis Jesu, et Purificationis, quando incidunt in Dominicas Septuagesimæ, etc. ut supra §. 2. At vero Dominica, quæ Nativitatem Domini sequitur, interdum transfertur, et aliquando vacat, ut propria Rubrica indicat.

Dominicæ aliquæ sunt interdum vacantes, de quibus scilicet aliquando Officium prætermittitur, quia illæ interdum desunt: et hæ sunt, quæ inter Epiphaniam et Septuagesimam, quæ inter Pentecosten et Decollationem Sancti Joannis Baptistæ, et quæ inter Decollationem et primam Dominicam Octobris cadunt.

Cum una solum Dominica inter Epiphaniam et Septuagesimam incurrit, Officium fit de ultima tantum Dominica Septuagesimæ proxima, et reliquæ vacant.

Si vero Dominicæ duæ inter illud temporis spatium interjectæ sunt; Officium fit de prima Dominica, et ultima, sexta scilicet, (nisi in eam incidat Festum Sanctissimi Nominis Jesu, tunc enim fit Commemor. Dominicæ sextæ); reliquæ vero vacant.

Si vero tres pluresve sunt; de his ordine fit Officium, ita ut ultima numquam vacet.

De reliquis præterea Dominicis inter Pentecosten et Festum Decollationis Sancti Joannis Baptistæ fit etiam ordine Officium, scilicet usque ad Dominicam, quæ post Decollationis Festum cadit. Quod si ex his aliquæ supersunt aliquando, illarum item vacat Officium. Si quæ autem Dominica, quæ inter Decollationem et Dominicam primam Octobris incurrit, umquam supererit; ultima tantum vacat.

S. 4. De Officio Solemni Sanctorum.

De Festis Sanctorum fit Officium, aut Solemne, aut non Solemne; Solemne fit, cum duæ Vesperæ, priores scilicet pridie Festi, secundæ autem in Festo, dicuntur, nisi sit concursus æqualis, aut majoris Solemnitatis præcedentis, vel sequentis, ut infra in Rubrica De Concursu. Et in Matutino item dicitur Antiphona ad Crucem, Orationes secretæ et Canticum Cantemus cum sua Antiphona.

Quod tamen Canticum, Antiphona, Oratio prior secreta omittitur, cum Festum in Sabbatum cadit.

Officium Solemne fit in Festis Beatæ Virginis Mariæ, quæ inter Solemnitates Domini enumeratæ non sunt: in Festis Sanctorum Archangelorum et Angelorum Custodum in Festis Sanctorum Apostolorum et Evangelistarum, Doctorum Ecclesiæ tam Græcæ

:

quam Latina; et in Festis, quibus in Calendario apponitur hæc vox, Solemne. Sic etiam in Festo Patroni unius, vel plurium alicujus loci, vel Titularis Ecclesiæ, vel in Festis Sanctorum alicujus Ecclesiæ, quorum Corpora, Insignesve Reliquiæ in illa Ecclesia reconduntur, etiam si prædicta Festa in Calendario non sint descripta: Reliquiæ autem Insignes sunt, Caput, Brachium, Crus, aut ea pars Corporis, in qua Martyr passus est, modo sit integra et non parva.

Officium Solemne celebratur eo die, quo cadit; nisi contingat illud transferri, ut dicitur infra in Rubrica De Translatione.

§. 5. De Festis Sanctorum Officium non Solemne habentium.' Officium non Solemne de Sanctis fit, cum priores Vesperæ tantum dicuntur pridie diei Festi; nisi concursus majoris Solemnitatis aliter postulet, ut dicitur in Rubrica De Concursu.

In Matutino etiam omittuntur hæc: Antiphona ad Crucem : Oratio secreta Deus, qui populum, et Canticum Cantemus cum sua Antiphona.

De quibus vero Sanctis Officium fit non Solemne, iis non est apposita vox, Solemne.

Sanctorum præterea solemne Officium non habentium Festa alia habere Officium proprium dicuntur, alia vero commune.

Habere autem proprium Officium dicuntur, cum de his in Breviario, præter Lectionem et Orationes, extat aliqua Antiphona vel Psallenda, vel Responsorium, vel sunt tamquam proprii hujus Ecclesiæ; ut in sequenti Rubrica dicitur.

Cum de proprio aliquæ partes Officii desunt, aut cum nihil plane extat, tum vero de Communi sumuntur: pro ratione Festi diei.

§. 6. De translatione Officii Sanctorum.

De Sanctis Officium Solemne (etiam si nihil proprium habeat) transfertur, cum eorum Festa, aut in Solemnitates Domini, aut in Dominicas, aut in Feriam sextam, et Sabbatum quartæ et quinta Hebdomadæ de Adventu ( nisi Rubrica de proprio aliter indicat) aut in Ferias de Exceptato, aut intra Octavam Pascha Resurrectionis, aut in tres Ferias solemnes Litaniarum, aut in Octavas Epiphaniæ et Pentecostes, incidunt.

At vero de Sanctis, intra Octavam Nativitatis Domini incidentibus, utpote S. Stephano Protomartyre, S. Joanne Evangelista, SS. Innocentibus et S. Thoma Cantuariensi, Officium numquam transfertur ; etiamsi eorum Festa in Dominicam Octavæ inciderint.

De Sanctis præterea Officium solemne habentibus intra Octavam Corporis Domini incidentibus, Officium transfertur, nisi Festa sint Nativitatis S. Joannis Baptista, Sanctorum Apostolorum Petri et Pauli, S. Barnabæ Apostoli, et SS. Protasii et Gervasii et Sancti Patroni in propria Ecclesia.

Quæ tamen Festa si in Solemnitatem ipsam Corporis Domini

aliquando cadunt, eorum Officium in sequentem diem transfertur cum commemoratione Octavæ.

Si vero in diem Octavæ, non transfertur Officium; sed fit de illis cum Commemoratione Octavæ.

De Sanctis item aliis, qui scilicet vel proprium Officium habere dicuntur, vel tamquam proprii sunt hujus Ecclesiæ, Officium, quemadmodum de Solemnibus dictum est, transfertur, ut de S. Romano Martyre, Sancta Cæcilia Virgine et Martyre, S. Clemente Papa et Martyre, Sancto Julio Presbytero, Sancto Blasio Episcopo et Martyre, de Translatione S. Nazarii, Sanctis Sisinio, Martyrio et Alexandro Martyribus, SS. Cantianis Martyrib., Sancto Vito Martyre, Sancto Juliano Martyre, S. Paulino Episc., Sancta Martha, SS. Machabæis, de Invent. S. Stephani, SS. Donato et Carpophoro Martyrib., S. Hippolyto, S. Eusebio Martyre, SS. Mammete et Agapito Martyrib., S. Alexandro Martyre, S. Genesio Martyre, SS. Cornelio et Cypriano Martyrib., Sancta Euphemia, S. Mauritio et Sociis Martyribus, SS. Cosma et Damiano Martyrib., SS. Vitale et Agricola Martyribus.

De Sanctis vero aliis, Officium Solemne proprium, aut quasi proprium non habentibus, numquam transfertur: sed tantum de his fit Commemoratio, si, ut supra, inciderint; quemadmodum in Rubrica De Commemorationibus dicetur. Si autem venerit in diebus, in quibus de simplici nulla fit Commemoratio, eo anno non fit de eo amplius.

Si aliquod Festum Solemne, in quo adnotata est alicujus Sancti Commemoratio, transferatur, non tamen illius Sancti Commemoratio in illo adnotata transfertur; sed dicta Commemoratio fit eo die, quo incidit.

Cum autem Officium de Sanctis transferri contigerit, transfertur in diem proxime sequentem, qui non impediatur alio Officio quod transferri non debet, nisi vel Officii (ut de Exceptatis) vel temporis sequentis (ut Quadragesima) ratio aliter postulet.

Verum de Assumtione, et Nativitate, aliisque Festis Beatæ Virginis Mariæ, de Sanctis Archangelis, Angelis Custodibus de Nativitate Sancti Joannis Baptistæ, de Festo Sanctorum Apostolorum et Evangelistarum, Sancti Laurentii, de Ordinatione Sancti Ambrosii et de Sanctis Patronis, in Dominicam incidentibus, Officium trasfertur in proximam secundam Feriam, quocunque Officio, etiam solemni, non tamen pari impeditam.

Si plura Officia transferenda erunt, prius transferatur Solemne quam proprium. Inter plura Solemnia, quod est dignius semper prius celebretur; alioquin, si sunt æqualia, ordine Calendarii transferantur. De quo autem Sancto Officium transfertur, si Solemne est, etiamsi transferatur, Solemne item fit.

Et quoniam ex antiquo ritu perpetuoque usu Ecclesiæ Ambrosianæ de Sanctis Quadragesimæ tempore in ea fieri non solet; eorum Sanctorum, qui in Quadragesimam incidunt, Officium transfertur in illum certum diem perpetuo constitutum, qui in Calendario

ascriptus est, exceptis Officiis Sancti Honorati et cæterorum Sanctorum solemnium in mense Februario subsequentium, quorum Officia in Quadragesimam occurrentia transferuntur post Octavam Paschatis.

festi

Quorum Sanctorum Officium perpetuo translatum est, etiam dies transferuntur in diem Officii, præter Festum Annunciationis et Sancti Joseph, et præter Festa, quæ a populo universo coluntur; si unum excipias Festum Sancti Matthiæ Apostoli. S. 7. De Concursu Officii.

Concursus Officii dicitur, cum Vesperæ secundæ concurrunt cum Vesperis primis sequentis Festi.

Si quando Vesperæ secundæ de Solemnitate Domini concurrunt cum primis Vesperis de quocumque Sancto, vel Solemni vel non Solemni; fiunt illæ de Solemnitate Domini cum Comnfemoratione Sancti sequentis,

Si Vesperæ secundæ (etiam de Octava Corporis Domini) concurrunt cum primis Vesperis de quocumque Sancto, etiam So-' lemni, fiunt de Octava cum Commemoratione Sancti, de quo postridie fit præterquam si Festum sequens sit Nativitatis Sancti Joannis Baptistæ, vel SS. Apostolorum Petri et Pauli, vel Sancti Barnabæ Apostoli, vel SS. Martyrum Protasii et Gervasii; tunc enim fiunt de Sancto, cum Commemoratione Octavæ, ut supra dictum est in §. de Translatione.

Vesperæ de Dominica concurrentes cum primis Vesperis de Solemnitate Domini, fiunt de Solemnitate Domini cum Commemoratione Dominicæ.

Si vero cum primis Vesperis de Nativitate Domini, vel de Epiphania, Lectiones earum Vesperarum de more dicuntur in Collegiatis Ecclesiis ad Missam Conventualem die Sabbato; Vesperarum autem Officium fit in Dominica sine Commemoratione Dominicæ.

Si vero cum Vesperis Sancti Solemnis concurrerint, fiunt de Dominica; de Sancto autem Solemni fiunt die Sabbati præcedentis. At vero si cum Vesperis de Sanctis non Solemnibus, Proprium, aut Commune habentibus; Vesperæ fiunt de Dominica cum Commemoratione Sanctorum.

Concurrentibus Vesperis de quarta Feria triduanarum Litaniarum cum Sancto Solemni, aut non Solemni ; fiunt Vesperæ de Sancto. Secundæ Vesperæ Sancti Solemnis si concurrunt cum Vesperis primis de Solemnitate Domini, fiunt de Solemnitate cum Commémoratione Sancti, præterquam in primis Vesperis majorum Solennitatum, in quibus nulla fit Commemoratio, ut infra in

Rubrica De Commemoratione.

Si quando secundæ Vesperæ alicujus Sancti Solemnis, cujus Festum in Sabbatum cadit, concurrunt cum primis Vesperis de Sancto item Solemni, de quo in secunda proxima Feria fiet; peraguntur Vesperæ in Sabbato de Sancto, de quo fiet in eadem feria secunda, cum Commemoratione Sancti, cujus festus dies agitur in Sabbato.

Quod si rursus secundæ Vesperæ Sancti Solemnis concursum habent cum Vesperis Sancti non Solemnis, nec Proprium habentis, cujus Festum in Dominicam incidit; Vesperæ illæ secundæ fiunt de Sancto, qui celebratur in Sabbato, cum Commemor. Sancti sequentis, Quoties item Sancti non Solemnis Festum cadit in Dominicam, Vesperæ fiunt de Sabbato, et non de Sancto (quia, cum Festum suo die non habet Officium, nec etiam debet habere primas Vesperas), de illo autem, qui cadit in feriam secundam, fit Commemoratio in Vesperis Dominicæ.

Si rursus Vesperæ secundæ de Sancto Solemni, de quo fit in Sabbato, concurrunt cum primis Vesperis de Solemnitate Domini in Dominicam incidente, et cum Vesperis item primis Sancti Solemnis, de quo fiet in feria secunda; Vesperæ primæ in Sabbato fient de Solemnitate Domini cum Commemoratione Sancti, de quo fit in Sabbato; Commemoratio autem Sancti, qui celebratur in illa feria secunda, fiet in Vesperis secundis de Solemnitate Domini, Si præterea Vespera de Dominica in Adventu concursum habent cum Vesperis cujuslibet Sancti, etiam Solemnis, de quo fit in feria secunda; fiunt Vesperæ de Dominica cum Commemoraratione Sancti sequentis.

In Sabbato enim de Adventu fieri non possunt Vesperæ de Sancto nisi fuerint de Sanctis Ambrosio, Andrea Apostolo, Conceptione et Præsentatione Beatæ Virginis Mariæ, Sancti Gabrielis Archangeli ac Sancti Patroni in propria Ecclesia (non autem si est Capella, etiam insignis). De his enim fient in Sabbato tam primæ quam secundæ.

Quoties etiam Vesperæ secundæ de Sancto Solemni concurrunt cum aliis de Sancto non Solemni, etiam Proprium habente, fiunt de Solemni cum Commemoratione Sancti non Solemnis.

Si concurrunt tamen duæ Vesperæ Solemnes de Sanctis: Vesperæ de sequenti dicuntur cum Commemoratione Sancti, qui præsenti die celebratur, nisi aliter Rubrica, ut infra, indicat.

In hoc tamen Concursu habeatur ea ratio, quæ mox exponitur his descriptis regulis.

Vespera de Beata Maria Virgine (sive primæ, sive secundæ ) cum aliis de quocumque Sancto concurrentes, semper de illa fiunt, cum Commemoratione de Sancto concurrenti, præterquam primæ Vesperæ de Conceptione, in cujus Festo secundæ fiunt de S. Ambrosio cum Commemoratione Conceptionis.

Idem servatur in Vesperis de aliquo Apostolo, concurrèntibus cum alio quocumque Sancto.

Vesperæ item de SS. Martyribus Protasio, Gervasio, Nabore, Felice, Nazario, Celso et Victore, anteponuntur Vesperis de quocumque alio Sancto, vel Martyre, vel Pontifice, vel Confessore, vel Virgine. Item de SS. Carolo Episc. et Conf., et Maria Magdalena Matrona. Item in Festo Omnium Sanctorum, SS. Archangelorum, Angelorum Custodum, S. Laurentii Mart. et S. Josephi.

Pars Est.

B