S. 34. De Completoriis. Completoria (ut etiam Psallendæ ) dicuntur in Vesperis et in Matutinis. In Vesperis Dominicarum, et Solemnitatum, duas Psallendas habentium, dicuntur quatuor Completoria: duo, quæ sunt Regnum tuum etc., et Benedictus es, Domine, post primam Psallendam: reliqua duo Quoniam tu illuminas, et iterum Benedictus es, post secundam Psallendam. Si vero Vesperæ unam tantum Psallendam habent; in iis duo tantum Completoria dicuntur; nempe Quoniam tu illuminas etc., et Benedictus es etc. Quod si non habent Psallendam, ne Completorium quidem habent. In Matutinis autem Solemnitatum, et Dominicarum, duas Psallendas habentium, duo item Completoria dicuntur: unum, Dominus in cœlo post primam Psallendam: alterum, Sit splendor post secundam Psallendam. In Vesperis de Festis Sanctorum dicuntur post Psallendam Completoria duo: unum Sancti tui, Domine etc., alterum Benedictus es etc. præterquam in Festis Beatæ Virginis Mariæ, SS. Archangelorum et Angelorum Custodum; quibus, loco Completorii Sancti tui, dicitur Quoniam tu illuminas. In Matutinis vero Beatæ Virginis, SS. Archangelorum et Angelorum Custodum, dicitur Completorium Sit splendor. In Matutinis Sanctorum et Feriarum, dicitur unum solum Completorium: quod pro ratione Festi, aut feriæ, varium est, ut suo loco descriptum extat. In Vesperis ferialibus unum item Completorium; quod semper idem dicitur post versus in Baptisterio, scilicet Benedictus es, Domine etc. præterquam in Sabbatis, in quibus duo dicuntur ; unum Quoniam tu illuminas etc., alterum Benedictus §. 35. De Gradualibus. es, Domine. Gradualia Responsoria dicuntur ad Matutinum in Feriis Quadragesimalibus; præterquam in Sabbato Sancto. Quæ Gradualia diversa sunt, prout in Feriis singulis notata sunt. Dicuntur autem ab initio Quadragesima usque ad Dominicam Olivarum postquam dictum est duodecies Kyrie eleison: tum subsequitur immediate Graduale: deinde dicitur . Dominus vobiscum. In hebdomada vero Authentica statim post Hymnum dicitur Graduale, deinde duodecies Kyrie eleison. §. 36. De Versu Kyrie eleison. In Matutinis, post singulas Antiphonas Psalmorum, aut Can ticorum, dicitur Kyrie eleison ter; præterquam in Sabbato Sancto; et post Antiphonam ad quatuor Versus in Baptisterio. Duodecies item dicitur post Hymnum ad Laudes, in Hebdomada autem Authentica post Graduale. Dicitur etiam ter in Matutino post unumquodque Completorium, ter item ante Versum Benedicat etc.' Pars Est. C In Vesperis vero ante omnes Orationes dicitur Kyrie eleison ter, præterquam ante Orationem, quæ immediate dicitur post Responsorium in Baptisterio. Dicitur etiam ante Versum Benedicat etc. nec præterea umquam. Duodecies autem dicitur ad Vesperas in fine, tempore Quadragesima, usque ad quartam Feriam in Authentica; præterquam in Sabbatis et in Dominicis: duodecies item in duabus Feriis de Exceptato, et in feriis secunda et tertia Litaniarum. Ad Primam dicitur ter post Versum Exurge Christe: ter ad Horas, post Capitulum: et ter etiam ante Benedicamus Domino, singulis Horis: ad Completorium dicitur ter post. Custodi nos etc., et ante . Benedicat etc. Non dicitur Kyrie eleison in Officio Mortuorum, neque ab Hora sexta in Parasceve usque ad Horam nonam Sabbati inclusive. §. 37. De Hallelujah. Hallelujah semper dicitur ad singulas Horas, ut locis suis notatur; præterquam a Vesperis Sabbati ante Dominicam primam Quadragesimæ usque ad Missam Sabbati Sancti exclusive. Tempore Paschali semper dicitur Hallelujah in fine singularum Antiphonarum, Responsoriorum, Versiculorum et Psallendarum: quæ quoties repetuntur, toties in fine additur Hallelujah; excepto triduo Litaniarum. §. 38. De Officio Defunctorum. Quoties fit de Feria, recitantur semper Laudes Defunctorum post Laudes feriæ, et Vesperæ itidem Defunctorum post Vesperas feriæ; in feriis autem Quadragesimalibus superadditur unum Nocturnum, videlicet Primum feria secunda et quinta, Secundum feria tertia et sexta, Tertium feria quarta, et Sabbato, cum suis Responsoriis propriis inter Lectiones, ut in calce Breviarii; quod Officium recitatur semper in Quadragesima usque ad Sabbatum in Traditione Symboli inclusive. Si autem in Sabbato fiat de Feria, tunc non recitantur Vesperæ pro Defunctis. Omittitur autem Officium Defunctorum una cum Vesperis, tota hebdomada Authentica item in omnibus feriis Paschalibus, etiam triduo Litaniarum, et feria sexta, et Sabbato hebdomadæ quartæ et quintæ Adventus denique in omnibus feriis de Exceptato, et in Vigilia Nativitatis Domini , usque ad Epiphaniam inclusive. Die Festo Omnium Sanctorum post Vesperas diei, recitantur Vesperæ pro Defunctis; si autem Commemoratio omnium Fidelium Defunctorum incidat in Dominicam, recitantur Vesperæ Defunctorum post Vesperas Dominicæ; in Commemoratione vero prædicta recitantur tria Nocturna cum Laudibus Defunctorum et Oratione propria et unica: Fidelium Deus omnium etc. S. 39. De Officio parvo Beatæ Virginis Mariæ. Officium parvum Beatæ Virginis, in Metropolitana, et in aliis Ecclesiis, ubi ea consuetudo fuerit, non dicitur in Feriis de Exceptato, nec sexta Feria, et Sabbato 4 et 5 hebdomadæ de Adventu, in Vigilia Epiphaniæ, aut Nativitatis Domini, nec in Quadragesima: nec in Dominicis, et Solemnitatibus Domini, aut Octavis: nec in Festis Sanctorum Solemnibus, nec triduo Litaniarum. Reliquo autem omni tempore, sive de Feria fiat, sive non, semper dicitur; præterquam ad Vesperas Sabbati. Cum dicitur in Choro, singulæ Horæ singulis Horis Officii diei postponuntur. Et tunc, dicto . Benedicamus Domino, statim absolute inchoantur dictæ Hora Beatæ Virginis. Extra Chorum vero dicitur pro opportunitate temporis. S. 40. Quando sit sedendum, standum, et flectenda genua in Choro. Cum recitantur Psalmi, Antiphonæ, Responsoria, ac Lectiones, sedendum est, præterquam cum enunciatur Evangelium, aut feria sexta in Parasceve recitatur Evangelica narratio Passionis Domini in Matutino; tunc enim standum est. Item est standum, cum recitantur Hymni, Antiphona ad Crucem, Psalmus directus, cum dicitur . Benedictus es Deus, Cantica Benedictus Dominus Deus Israel, et Magnificat, et Nunc dimittis Domine, Epistolellæ ad Horas cum suis Responsoriis brevibus, item ad Lucernaria, ad omnes Orationes, Psallendas et . Kyrie eleison, ad preces Completorii in omnibus Sabbatis totius anni จ demum toto tempore Paschali, præterquam triduo Litaniarum et ad Preces Prima et Completorii, si fiat de Sanctis. Porro flectuntur genua ad omnes Preces et Orationes Horarum, si fiat de Feria, ad Preces atque Orationes Officii Defunctorum, stante tamen Hebdomadario ad Orationes: cum inchoatur Hymnus Te Deum laudamus, usque ad . Te Dominum confitemur, inclusive, et ad versum Te ergo quæsumus famulis tuis etc.; ad versus Hymni Quadragesimalis in Completoriis Quadragesima Tuos guberna servulos, quos sanguine mercatus es: in Hymno de S. Cruce, etiam tempore Paschali, flectuntur genua ad eos versus: 0 Crux, ave, spes unica etc.; item ad primos quatuor versus Hymni: Veni, Creator Spiritus, etiam in die Pentecostes, et per Octavam. In Hymnis pariter Corporis Domini flectuntur genua ad illas sedes carminum: O salutaris Hostia etc., et Tantum ergo Sacramentum etc. In Hymno autem Adventus standum est, etiam ad illud carmen: genu curvantur omnia; quod præstandum est etiam ad Cap. ad Sextam, ad Responsoria brevia ad Nonam in die Natalis Domini, itemque ad Psallendam Joseph conturbatus est etc. tunc enim . Verbum Caro factum est etc. non est in textu proprio; quod in |