избранныхъ, и въ чѣпяхъ златыхъ и серебряныхъ въ гремячихъ, и въ чистомъ и въ цвѣтномъ платвѣ и въ саженьѣ, и во всякомъ нарядѣ конномъ, и пѣшимъ отъ Москвы за 15 версть и больши; а гостемъ, и посадскимъ людемъ, и всему народу Московскаго Государства велѣлъ встрѣтити за городомъ, за посадомъ, съ хлѣбомъ и съ солью. А какъ Панъ Юрій съ своею дочерью, съ Панною Маринкою, въѣхали въ Китай Городъ въ Никольскіе ворота, и Ростригѣ Гришкѣ бысть радость велія; велѣлъ въ тѣ поры по накрамъ (?) и по литаврамъ бити, и въ трубы трубити въ разные, и въ сурны играти во многія. И ѣхалъ Сендомирской съ Панною съ Маринкою площадью гораздо тихо, а въ тѣ поры, для прелести, игра была многая немѣрная до тѣхъ мѣстъ, какъ вошли въ Кремль Городъ, а на Фроловскихъ воротѣхъ по тому жъ была игра въ музыки, а поставлены были подъ накры и подъ сурначе многія трубы, отъ Никольскихъ воротъ ко Фроловскимъ воротамъ, подлѣ церквей. А у Сендомирскаго воеводы, у Юрья Мнишка, и у дочери его, Панны Маринки, въ полку Литовскіе люди, и Поляки, и Люторы, и иные многіе, тако жъ играли ѣдучи, били по накрамъ и по литаврамъ, и въ трубы, и въ свирѣли, и въ Венгерскія дуды, и въ рожки, и въ иныя многія игры Литовскаго и Польскаго обычая играли 179 И егда вниде въ Россійское Государство, въ царствующій градъ Москву, изъ Литвы Сендомирской Воевода, Юрья Мнишекъ, и приведе дочь свою, Люторку Панну Маринку 180, а съ нимъ пріидоша изъ Литвы многіе Воеводы, и Гетманы, и СтаРосты съ Каштеляны и Рохми ву пришедъ 186 182 184 стры съ ротами, и множество Ляховъ и Литвы съ женами и съ дѣтьми. И повелѣ имъ давати Рострига кормы великіе; а идучи изъ Литвы пустошилъ грабленіемъ и всякимъ насильствомъ дорогу Смоленскую. И пріиде подъ Царствующій градъ Москву на Свѣтлой 185 недѣли въ четвергъ, а съ ними пріиде посолъ о великомъ градѣ Смоленскѣ и о Сѣверскихъ городѣхъ, что ихъ Рострига отсулилъ будучи въ Литвѣ, что хочетъ тѣхъ градовъ отдать ему, Королю, въ то время, какъ будетъ на Московскомъ Государствѣ 185. А на Москповелѣ и Литву и Ляховъ ставити по большимъ Боярскимъ, и по Княжескимъ дворамъ, и по подьячимъ, и по Владычнымъ, И гостинымъ и торговыхъ людей, по большимъ, и по добрымъ, и по богатымъ дворам. И бысть мятежъ великой, и крикъ и вопль многъ, и изъ дворовъ добрыхъ 187 людей метаху и выбиваху насильно, на дворѣхъ же имаху всякіе запасы, и грабляху до конца, и насиліе бысть великое всѣмъ добрымъ людемъ 188 По Велицѣ же дни, на четвертой недѣли, въ четвертокъ, Маія въ 8 день, на праздникъ Святаго Апостола и Евангелиста Іоанна Богослова, противъ праздника Великаго Святителя и Чюдотворца Николая, женися злый еретикъ, Гришка Отрепьевъ понялъ Люторскія вѣры дѣвицу 191, Юрьеву Дочь Сендомирскаго, Мариху a по Руски Марину и вѣнчася , съ нею въ Соборной церкви Успенія Пресвятыя Богородицы съ некрещенною въ Православную Вѣру; вѣнча же его возлюбленникъ его и единомысленникъ, Игнатій, названной Патріархъ Московской, ро 189 190 193 , 192 , 194 домъ Цереградецъ, Греченинъ, что былъ на Рязани. И внидоша за нею многіе Литовскіе люди Во Святую церковь, Ляхи, и Люторы, и Калвинцы, и иныхъ многихъ вѣръ люди, и Римскаго закону Панове въ саблѣхъ, и въ магиркахъ, какъ кто ходить по своей Вѣрѣ, и жены ихъ, и Божіимъ образомъ ругалися, и прикладываючися цѣловали во уста, и безчинствоваху во Святѣй церкви. Сами Лихове у Святыхъ образовъ преклоняхуся, и спали, а иные и лежали во время Святаго пѣнія, а жены ихъ безчинствоваху мочью въ церкви; не бѣ бы зрѣти скверно и смрадно отъ поганыхъ беззаконниковъ по его еретическому Ростригину наученію 195. Да на его жъ беззаконной свадьбѣ, для поруганія Святымъ Божіимъ церквамъ, по три дни игра всякая была, и по накрамъ били на площади, на струбахъ, что поставлены были по его Ростригину велѣнію для той игры съ трубы, отъ Соборныя церкви и до Архангела, противъ самыхъ церковныхъ дверей и образа Пречистыя Богородицы, что въ кіотѣ надъ дверьми, и крикъ, и вопль, и всякой безмѣрной неподобной говоръ, и игра на папертѣхъ и около церкви была многая. И паки про ѣзжали и сажалися съ коней на самой паперти у Соборнаго храму. Да для оскверненія Православныхъ Христіанъ, по его Растригину велѣнью, на его свадьбѣ, на другой день, въ пятницу, ѣли еству мясную, телята нарядныя и иныя разныя яди Литовскаго и Польскаго Люторскаго обычая и Вѣры, а приспѣшники 196 всякіе были Литовскіе же 197 О велико Божіе милосердіе и долготерпѣніе! Како тогда не сни 198 , де огнь съ небеси и не позже того сквернующаго и безчествующаго Во Святѣй Божіей церкви, Во время Святаго пѣнія! Что 199 не восплачемъ и что не возрыдаемъ всѣ Православные Христіяня таковомъ И великомъ нашествіи поганыхъ на Святыя Божія церкви, и на все Православное Христіанство? И многіе люди, вѣдуще сія, плакахуся тайно. И совершивъ свою пагубную свадьбу окаянный еретикъ Гришка, совѣтъ составляеть со единомышленники своими съ Литовскими Воеводы, и Старосты, и Гетманы, и Рохмистры, и съ Дворяны съ Королевскими, и со всѣми Поляки, и съ Ляхи, и съ Угряне, о разореніи Святыхъ Божіихъ церквей и о потребленіи Православныхъ Христіанъ, и убіеніи Православныхъ Россійскихъ Бояръ и Великихъ Воеводъ, и о иманіи, и вязаніи Бояръ же и Воеводъ, и гостей, и о побіеніи всѣхъ Православныхъ Христіанъ Царствующаго града Москвы, которые не учнутъ въ Латинскую Вѣру присягати. И уложивъ злый еретикъ, Гришка Отрепьевъ, совѣтъ свой, и росписати повелѣ, которому Литовскому Воеводѣ убити котораго Боярина, какъ будетъ выѣздъ за городъ, на потѣху, за Стрѣтенскіе ворота, и изъ наряду стрѣлати, и въ тѣ поры Рострига повелѣ убити Князя Ѳеодора *200 Ивановича Мстиславскаго Михаилу Рожанскому 201 Князя Василія Шуйскаго Князю Константину Вишневецкому, Князя Ивана Шуйскаго Пану Скляцкому, Князя Василья Ивановича съ братьею Паномъ Буерскимъ, да Ротмистру Доморацкому, а всѣхъ Бояръ двадцать человѣкъ большихъ людей, а иныхъ Бояръ перевязавъ свести велѣлъ въ Польшу къ Королю, и Дво- 205 го живыхъ на той стрѣльбѣ за родомъ не были, и послѣ той стрѣльбы нарядъ весь стоялъ за городомъже на готовѣ къ стрѣльбѣ же. И увѣдаша же Московскаго Государства Бояре совѣтъ и умышленіе злаго еретика на Христіанскую Вѣру, и на нихъ Бояръ, и на все Православное Хри Во 114 году, по Велицѣ дни 205 возопиша ко Господу Богу въ молитвахъ, и оскорбѣшася о Христіанствѣ, и начаша межъ себя совѣтовати втайнѣ, какъ отъ врага отъ еретика избыти. И присовокупиша себѣ православныя Вѣры воиновъ избранныхъ, Царскихъ Дворянъ и служилыхъ людей изо многихъ розныхъ городовъ, а паче всѣхъ Бояръ радѣніе за Православную Христіанскую Вѣру и промыслъ на еретика на Ростригу Бояръ: Князя Василья, да братьвъ его, Князя Дмитрея, да Князя Ивана Ивановичевъ Шуйскихъ. И прислаша они втайнѣ ко всему народу, и торговымъ, и чернымъ людемъ Царстующаго града Москвы, глаголюще: Мы убо готовы пострадати за Святыя церкви и за Православную Христіанскую вѣру, а вамъ бы тако же съ нами быти готовымъ со оружіемъ на, богоотступника и на еретика, на Гришку, такоже и на поганыхъ разоряющихъ Православную Христіанскую вѣру, въ тѣ поры, какъ ударять въ колокола у церквей и въ набаты. Се нынѣ, братіе, смертію живота купимъ, да аще постраждемъ, то и вѣнецъ непобѣдный 206 воспріимемъ; аще ли спасены будемъ, то вѣра Христіанская непорочна и славима будетъ во вѣки. Еже слышавше Христіане отъ благочестивыхъ Князей радѣніе о Православной Вѣрѣ, и возопиша со слезами ко Всемилостивому Спасу и всю нощь, ожидающе реченнаго звону. 210 , 209 И въ субботу пятыя 208 недѣли по Пасцѣ, свитающу утру и восходящу солнцу, и бысть ведрено, и пріидоша во градъ къ Соборной и Апостольской церкви Князи Шуйскіе, Князь Василей и Князь Дмитрей, и вшедше въ Соборную церковь Пречистыя Богородицы, и предъ честною иконою падше, со слезами моляхуся, глаголюще: Помози намъ, Госпоже, Богородце Христіаномъ на онаго еретика! И на тотъ часъ изшедше изъ церкви и воскликнувше Православныхѣ воиновъ и стечахуся къ нимъ воины въ доспѣсѣхъ и съ самопалы, и съ копьи, и пойДоша въ домъ Царскій, къ Ростригѣ, и начаша его въ хоромѣхъ искати; онъ же окаянный нача бѣгати съ совѣтники своими и въ полатѣхъ запиратися и битися; благочестивій же Князи повелѣша ударити въ колокола, первое у Святаго Пророка Иліи въ рядѣхъ, потомъ же по Ильинской улицѣ у Святыхъ церквей, такоже въ Соборѣ у Пречистыя Богородицы, потомъ же И въ набаты градные, тако же и по всему Царствующему граду Москвѣ у всѣхъ Святыхъ Божіихъ церквей. и въ честныхъ монастырѣхъ, и бысть звонъ великъ, и шумъ, и крикъ. И пойдоша Московскій народы и все Православное Христіанство, конные и пѣшіе, Князи, и Боляре, и Воеводы, и Дворяне, и Дѣти боярскіе, и Дьяки, и всѣ Приказные люди, гости же, и торговые, и черныхъ слободъ, и всякіе люди, и стрѣльцы и пушкари, и Боярскіе люди, съ нарядомъ, и самопалы, и съ копьи, и съ рогатины, въ доспѣсѣхъ, и въ латѣхъ, и въ шеломахъ, и со всякимъ браннымъ оружіемъ, и глаголюще другъ другу: Богъ на помощь и сила Пречистыя и Преславныя Госпожи Бородицы! Пресвятая Богородица. помогай намъ! И поступиша на поганую Литву, и побивающе ихъ по улицамъ, и по переулкамъ, и по рядомъ, и по хрестцамъ, и по дорогамъ, гдѣ кто кого застигъ, сѣкуще, и колюще, и побивающе ихъ всякими обычаи. Князь же Иванъ Шуйской, скачюще на конѣ по площади, къ рядомъ вопіяше: Отцы и братія, Православною Христіанскою вѣрою побѣждайте враговъ своихъ Христіанскихъ! И тогда Православные Христіане, скачуще и рыщуще по всему граду, лко львы рыкающе, яко серны побивающе, поганыхъ еретиковъ. Поганіи же Ляхове и Литва противъ Божія помощи стояти и противъ Православныхъ Христіанъ сотворити не возмогоша Ничто же. И слышаше окольніе слободы того Царствующаго града Москвы звонъ великъ и шумъ во градѣ, и прискакаша многіе люди изо всѣхъ слободь черныхъ, овій на конѣхъ, а иніи на колесницахъ, а иніи пьши, со оружіемъ и со дреколіемъ, многое множество побивающе Литву, и имѣніе ихъ разграбиша до нага, и побѣдиша ихъ до конца. Благочестивій же Князи и Бояре, и все Христолюбивое воинство, изымаша злаго еретика, Гришку 211 L 214 215 BO за курганы, и тамо сожгоша его въ его Замышленье, въ древянномъ адѣ. Благочестивій же Князи, и Бояре, и Воеводы, всѣ выѣздиша изъ града и ста ша ѣздити по улицамъ и по дворамъ, гдѣ Литва стояла, и елицыхъ засташа живыхъ, тѣхъ не дающе убивати Христіаномъ, но имаше ихъ, посадиша ихъ въ крѣпости за приставы. Се же бысть побѣда и одолѣніе на враги и еретики Православнымъ Княземъ, и Боляромъ, и Воеводамъ, и всему Православному Христіанству, лѣта 7114 году, Маія въ 17 день, въ субботу на память Святаго АнДроника пятые недѣли по Пасцѣ, и біяху Литву со втораго часа дни до девятаго часа. А того жъ дни, съ утра рано, напередъ приходу въ городъ Кремль всякихъ чиновъ людей, желая пострадати за Православную Вѣру дьякъ Тимофей Осиповъ, иде на обличеніе вора Гришки, не устыдя лица своего и не пощадѣвъ себя и до смерти. И пришедъ къ Срѣтеніюҡъ Ростригинымъ хоромамъ 216 за сторожу, гдѣ стояли Нѣмецкіе люди, Арцыры съ протазаны, и алабарники съ алабарды, и учать того вора Ростригу обличати, что онъ назвался Царевичемъ, Димитріемъ Іоанновичемъ Углодкимъ, и пишетъ себя въ титлахъ И и въ грамотахъ Цесаремъ, непобѣдимымъ Самодержцемъ. И то слово Господу нашему Ӏисусу Христу противно и грубо, а онъ, воръ, еретикъ, подлинной Рострига, Гришка Отрепьевъ, ругатель Христіанскія Вѣры. И за то отъ того злочестиваго ругателя Тимофей убіенъ бысть, и сѣченъ саблями, сверженъ съ сѣней на землю, гдѣ нынѣ житницы стоятъ; тѣло же его страдальческое взято съ честію 217 и погребено у Архангела 218 Гавріила, въ Бѣломъ Городѣ 219, въ Патріаршей слободѣ. И снидеся весь народъ Царствующаго града МоскВы въ Соборную и Апостольскую церковь Успенія Пресвятыя Богородицы, Бояре и Воеводы, и Христолюбивое воинство, и всѣ Православные Христіане, по всѣмъ Свя= тымъ церквамъ падоша вси на землю предъ иконою Пресвятыя Богородицы, со слезами молящеся: • Пресвятая Владычице Богородице, Всемилостивая Заступнице ! Умоли, Госпоже, Сына своего и Бога нашего, Ӏисуса Христа; избавила, Госпоже, градъ нашъ Москву отъ злаго еретика и отъ поганскихъ нахожденій, и отъ ихъ разоренія, днесь радуемся. И изходя изъ церкви, цѣловаху другъ друга съ радостію, и бысть веселіе и тишина BO всемъ Царствующемъ градѣ Москвѣ. Благочестивый же Князи и со Боляры повелѣша трупія мертвыхъ носити изъ града къ убогимъ домомъ И на полѣ копати ямы, и полотнами покрывати, и погребсти ихъ. И слышавше, что побито пять воеводъ Польскихъ, да два воеводы Литовскихъ, да три старосты Грацкихъ Польскихъ же, шесть Гетмановъ Литовскихъ 223 восемь Бурмистровъ Угорскихъ 221 220 , 224 222 , , три Ротмист |