Page images
PDF
EPUB

Vota mea Domino reddam coram omni populo eius: pretiosa in conspectu Domini mors Sanctorum eius. O Domine, quia ego servus tuus: ego servus tuus, et filius ancillae tuae.

Dirupisti vincula mea: tibi sacrificabo hostiam laudis, et nomen Domini invocabo.

Vota mea Domino reddam in conspectu omnis populi eius: in atriis domus Domini, in medio tui Jerusalem.

Gloria Patri etc. Sicut erat etc.

Psalmus 129. De profundis clamavi ad te, Domine: Domine, exaudi vocem meam.

Fiant aures tuae intendentes: in vocem deprecationis meae.

Si iniquitates observaveris, Domine: Domine, quis sustinebit?

Quia apud te propitiatio est: et propter legem tuam sustinui te, Domine.

Sustinuit anima mea in verbo eius: speravit anima mea in Domino.

A custodia matutina usque ad noctem: speret Israel in Domino.

Quia apud Dominum misericordia: et copiosa apud eum redemptio.

Et ipse redimet Israel: ex omnibus iniquitatibus eius.

[blocks in formation]

Antiph. repet. Ne reminiscaris, Domine, delicta nostra, vel parentum nostrorum, neque vindictam sumas de peccatis nostris. (Alleluja.)

Kyrie eleison! Christe eleison! Kyrie eleison ! Pater noster etc..

V. Et ne nos inducas in tentationem, etc.

V. Ego dixi: Domine, miserere mei,
R. Sana animam meam, quia peccavi tibi.
V. Convertere, Domine, aliquantulum,
R. Et deprecare super servos tuos.

V. Fiat misericordia tua, Domine, super nos,
R. Quemadmodum speravimus in te.
V. Sacerdotes tui induantur iustitiam,
R. Et Sancti tui exsultent.

V. Ab occultis meis munda me, Domine,
R. Et ab alienis parce servo tuo.
V. Domine, exaudi etc.

V. Dominus vobiscum etc.

Oremus. Aures tuae pietatis, mitissime Deus, inclina precibus nostris, et gratia sancti Spiritus illumina cor nostrum, ut tuis mysteriis digne ministrare teque aeterna caritate diligere mereamur.

Deus, cui omne cor patet et omnis voluntas loquitur, et quem nullum latet secretum; purifica per infusionem sancti Spiritus cogitationes cordis nostri, ut te perfecte diligere, et digne laudare mereamur.

Ure igne sancti Spiritus renes nostros et cor nostrum, Domine, ut tibi casto corpore serviamus, et mundo corde placeamus.

Mentes nostras, quaesumus Domine, Paraclitus, qui a te procedit, illuminet, et inducat in omnem, sicut tuus promisit Filius, veritatem.

Adsit nobis, quaesumus Domine, virtus Spiritus sancti, quae et corda nostra clementer expurget, et ab omnibus tueatur adversis.

Deus, qui corda fidelium sancti Spiritus illustratione docuisti; da nobis in eodem Spiritu recta sapere, et de eius semper consolatione gaudere.

Conscientias nostras, quaesumus Domine, visitando purifica, ut veniens Dominus noster Jesus Christus, Filius tuus, paratam sibi in nobis inveniat mansionem. Qui tecum vivit et regnat in unitate Spiritus sancti Deus per omnia saecula saeculorum. Amen. Ego volo) celebrare Missam et conficere Corpus

1) Gregorius XIII. Pontifex maximus concessit cuilibet dicenti ante Missam hanc et sequentem Orationem, quinquaginta annorum Indulgentiam.

et Sanguinem Domini nostri Jesu Christi iuxta ritum sanctae romanae ecclesiae, ad laudem omnipotentis Dei totiusque curiae triumphantis, ad utilitatem meam totiusque curiae militantis, 1) pro omnibus, qui se commendaverunt orationibus meis in genere et in specie, et pro felici statu sanctae romanae ecclesiae. Amen.

Gaudium cum pace, emendationem vitae, spatium verae poenitentiae, gratiam et consolationem sancti Spiritus; perseverantiam in bonis operibus tribuat nobis omnipotens et misericors Dominus. Amen.

Praxes applicandi fructum Missae pro petentium diversitate.

Formatam intentionem offerendi sacrificium praeprimis qua latreuticum et eucharisticum sequitur intentio, ante Missam formanda, applicandi fructum eiusdem pro petentium diversitate.

1. Si Missa petatur in colore alio quam nigro: Fructum sacrificii, quod iam celebrare intendo, Corpus et Sanguinem D. N. J. Chr. consecrando, applico primario et principaliter ad intentionem dantis eleemosynam, et illi vel illis, cui vel quibus dans eleemosynam eundem fructum applicari voluerit.

2. Si Missa petatur pro defuncto, vel pro defunctis: Fructum sacrificii, quod iam celebrare intendo, primario et principaliter applico ad intentionem dantis eleemosynam, et illi vel illis defuncto vel defunctis, cui vel quibus fructum huius sacrificii applicari voluit dans eleemosynam. Quod si ille defunctus non indigeat, vel illi defuncti non indigeant, ad ulteriorem intentionem dantis eleemosynam applico; et tali ulteriore intentione non formata, vel illa locum non habente, conformiter praesumptae

1) In multis formulis huius Orationis hic inserta sunt verba et patientis et; P. Maurel in collectione Romana eadem non invenit.

intentioni applico illi vel illis, cui vel quibus dans eleemosynam specialiter et quocumque modo obligatus est. His non existentibus eiusdem proximioribus consanguineis indigentibus; si nec tales existant, ipsimet danti applico.

3. Si Missa fundato sit: Fructum sacrificii, quod iam celebrare intendo, primario et principaliter applico ad intentionem fundatoris, et si (uti ordinarie praesumitur) sibi applicari voluerit, ipsi applico; quodsi ipse non indigeat, nec ille nec illi, cui vel quibus applicari voluerit, et si nec ille nec illi, indigeat vel indigeant, cui vel quibus fundator est quocumque modo obligatus, tunc his deficientibus applico eius proximioribus consanguineis defunctis, et his non existentibus, eiusdem proximioribus consanguineis vivis.

4. Si Missa applicanda est propriae celebrantis parochiae: Fructum huius sacrificii, quod iam celebrare intendo, applico primario et principaliter ovibus a divina providentia curae meae concreditis; dignare ergo, o Jesu, pastor supreme, peccatores ad te convertere, iustos iustificare adhuc et in accepta iustitia eisdem largiri perseverantiam; infirmos reddere incolumes ecclesiae tuae sanctae, vel si salus animarum incolumitatem corporis recuset, ad mortem sanctam eosdem praeparare; tentatis cum tentatione dare proventum, ut possint sustinere; afflictis consolationem; in quacumque necessitate constitutis auxilium et liberationem; in uteris maternis existentibus Baptismum; omnesque omni benedictione et gratia replere; ovesque cum pastore ad felicem tandem aeternitatis portum perducere.

Formatae intentioni principali addatur conditionate secundaria: Secundario, si possim, et in quantum possum absque dispendio illius vel illorum, cui, vel quibus fructum sacrificii huius principaliter applico, pariter applico eundem curae meae concre

ditis, parentibus meis, benefactoribus, quibus quocumque modo obligor, morientibus et morituris illis et istis ... defunctis etiam istis vel illis ...

Eodem modo offero hoc sacrificium ad laudem et gloriam totius curiae triumphantis, utque Sanctorum virtutes et merita magis magisque innotescant viatoribus, hique aemulentur charismata meliora. Offero pro ecclesia militante, ut Jesus Christus dignetur eamdem pacificare, custodire, adunare, regere et ampliare, iracundiae suae flagella ab eadem removere ; sacerdotes sanctificare et ipsosmet hostiam sanctam offerentes in sacrificium et victimam acceptare, domnum Apostolicum, Episcopos, omnesque animarum rectores iustitia induere, ut exemplo simul doceant et verbo; domos illas, in quibus vitae clericalis fundamenta ponuntur, clementissime protegere, regere et conservare, alumnosque earundem sapientia et gratia replere, ut omnigena virtute et doctrina instructi, magis magisque ad maiorem nominis tui gloriam et ecclesiae tuae sanctae aedificationem proficiant; principibus christianis pacem et concordiam donare, eorumque regimen dirigere, infideles, haereticos, schismaticos et excommunicatos gremio ecclesiae aggregare, peccatores convertere, iustos adhuc iustificare et in accepta iustitia confirmare, aegrotos aut ecclesiae salvos et incolumes reddere, aut ad sanctam mortem disponere et praeparare, morientibus donum finalis perseverantiae indulgere, in uteris maternis existentibus Baptismum largiri, in tribulatione et quacumque necessitate constitutis solatium et auxilium impertiri, et omnes demum omni benedictione et gratia replere. Commendo tibi tandem, o pater misericordiarum, animas in purgatorio detentas, ut infinitis Jesu Christi, Filii tui, meritis, quae tibi pro earum refrigerio et liberatione offero, indulgentiam, quam semper optant, quantocius consequantur.

« PreviousContinue »