Page images
PDF
EPUB

,,Benedicta tu, inquit, inter mulieres, sola vita et genitrix vitae, mater fidelium, mater illustris, Ecclesia Christi, conjux spiritualis Adae Dei, et benedictus fructus ventris tui, multitudo nationum viventium; tu enim sola possedisti hominem per Deum sine semine, nempe Verbum per se subsistens, quando cognovit mulierem suam, quam prius condidit, sed quae eum ignorabat neque ad eum convertebatur. Tu costa et pars Adae Dei, cum quaelibet alia fides ab eo extranea sit et peregrina; te aedificavit sibi in domum et mulierem, reliquis omnibus mulieribus tibi dissimilibus ecclesiis, quae in orbe sunt, relictis et in errore manentibus. Tu sola os ex ossibus solidae divinitatis ejus, et caro ex carne humanitatis ejus, in qua abscondit divinitatem suam incomminutam; os enim non comminuetur ex eo. Tu sola etiam a viro tuo excepta es, et concepisti et peperisti ab eo, et nulla alia, et nulla alia, cum reliquae fides ex viro suo serpente concipiant et pariant. Tuo amore correptus amator tuus Jesus repugnantem populum Judaeorum et matrem suam adulteram Synagogen reliquit, et conjunctus est tibi, uxori suae prorsus incorruptae, et facti estis duo in unam carnem, in unam animam, in unum cor, in unum corpus, in unum sanctum corpus, in unum Christum, in unam fidem, in unum gregem, in unum pastorem, quum omnes reliqui greges et populi multos pastores et seductores habeant. Te Deus utpote speciosam ad Filium suum mulierem adduxit, cum reliquae omnes mulieres quasi meretrices et adulterae, foras vagentur et inquinentur. Tibi etiam soli evangelizavit, ad virum tuum Christum fore conversionem tuam, quum reliquae Synagogae minime ad eum convertantur. Quare benedicta, iterum dico, tu in mulieribus, tu sola, o multis coronis redimita et multos filios enixa et multa luce fulgens Ecclesia Dei Christi, tu sola benedicta in mulieribus; nulla alia; tibi enim soli dominatur Dominus dominorum, quum reliquis omnibus populis dominetur serpens. Tu es inimica et pugnatrix invicta et

interfectrix serpentis, quum reliquae omnes fides ei amicae sint et propriae et dilectae ab eo. Te etiam solam vitam vocavit, vitam ferentem, matrem omnium nostrum, qui per te vivimus, quum reliquae fides sint vitae expertes et mortuae peccato. Sic etiam te solam vestivit et ornavit quasi propriam nympham, reliquas vero vagabundas synagogas, retectas, inornatas, nudasque coelesti velamento deseruit, quippe quae sub umbra alarum ejus non confugerint. Tui etiam solius, o incorrupta, est divinum verbi semen, hostis et interfector sobolis serpentis, ex quo omnis alia fides concipiens serpentes parit et viperas et scorpios, populos nempe infensos, utpote genimina viperarum. Tu sola observas et conteris et interficis et sepelis caput multicipitis draconis, in aqua baptismatis suffocans et interficiens eum. Te quippe solam vir tuus ad imaginem et similitudinem suam fecit conformem gloriae Dei, quum omnes reliquae synagogae conformes sint imagini inimici tui. Tibi soli benedixit Deus ut cresceres et multiplicareris et repleres terram filiis, reliqua autem natura quidem urbana scortilla absque benedictione reliquit. Te Christus dominam principem et reginam constituit volucrum coeli, sanctorum angelorum, et pecorum terrae, gentium, et piscium prorsus ineffabilium '), et tanquam subdita mancipia infideles fidelibus subjecit 2). Te solam frui donavit sincera et incessabili voluptate et ligno vitae, quum reliquae mulieres canum instar ejulent et gustandi coelestis panis expertes sint. Tu sola pulchre colis et custodis paradisum tuum, longe fugans a vinea lupos et vulpes, qui infidelium arva inculta et zizaniorum feracia velut incustodita corrumpunt. O rem

et

1) Puto Christianos hic respici ab auctore. ,,mutorum piscium“, (tāv ixłówv návτy álóɣwv), Auctor enim immoratur in anagoges ratione.

Latinus interpres dedit

quod non ita placet. cf. col. 915 seqq.

2) Sic mihi placuit; cf. tamen notam 38. ad hunc locum (col. 1074.).

miram! Tu sola facta est adjutrix homini, adjutori et protectori tuo Deo, laborans, docens, praedicans, illuminans, convertens, vocans ad eum tanquam lucem omnes eos, qui in tenebris et umbra mortis sedent; gignens et pariens, pane nutriens et calice potans, augens et fructificans, inserens, plantans et quotidie curans hortum tuum et paradisum tuique gregis parvulos. Quapropter cum tali sis industria domi custos, viri amans, pia, fortis, adjutrix, armata, pugnatrix, semperque prompta et ultro parata pro viro tuo Ada Christo animam ponere et ejus causa periclitari, ideo tibi quasi reginae constituit et, subjecit Cherubim fammeis gladiis instructa, quae tibi immortalem et incorruptam vitam aeternam custodiant. Te Seraphim tueantur, te sex alis praedita tegant, throni cessent, multis oculis videntia cernant, tibi principatus serviant, potestates ministrent, virtutes ancillentur. Te reges adorent, sacerdotes glorificent, nationes exornent, linguae dilaudent".

,,Quoniam igitur tu sola, neque ulla alia, a viro tuo Christo talem et tantam gloriam et honorem sortita es, oro te et obtestor, utpote matrem meam et nutricem a teneris unguiculis et a majoribus, ne desinas purum verbum tuum et animum tuum, lac e mammis, mihi largiri, ut ex te tuos quoque agnos discipulos bene lactem. Ne desinas, incorrupta columba sancti Spiritus, Ecclesia Dei, in corde meo manere et inambulare et multos per me pullos parere. Ne dedigneris, o viri unius amans Christi turtur, ex ore tuo cibum sationis in os meum inserere, ut inde te tuique niduli pullos vicissim nutriam: ne cesses, o coelestis luscinia, suavi cantu tuo et modulatione aures meas demulcere, ut semper nidulo tuo circumvolitans, pullos tuos oblectem. Ne moreris, o perennis fons vitae paradisi, e speculatione tua Edem scaturire nobis aeternos et limpidos tuos latices, ut aqua viva saturari possint rationales isti et animati ovium greges. O pulchra et coronis redimita horti cultrix, ne defatigeris nos inoculando et emplastrando, ut vicissim

propagines tuas pulchre disponere et inoculare possimus. O luna semper lucida, ne cesses praeire nobis per noctem impietatis et Scripturarum tenebras et difficultates. O conjux et comes te circumradiantis viri tui solis Christi, ne desinas radium ex eo nobis infundere, ut ita per te multis luminaribus accensis, ea tibi rursus appendam. Jo Dei thesaure, oro te et obtestor, purum et regium verae tuae imaginis argentum abunde nobis porro suppedita, ut illud in trapezitarum tuorum animas demittens, ita te per eos ditem. Denique ut te iterum vero nomine compellem, o quae adjutrix viro tuo a Deo facta es et cognita, perge, precor, nos tueri nobisque in omni tempore et loco et actione auxiliari: nobis, inquam, qui legatorum tuorum munere fungimur, qui corpus et animam nostram propter te ultro ponere parati sumus, et quantum pote est, alacriter adjutrici nostrae succurrimus, et quotidie propter te mortem oppetimus, et propriam cervicem gladio objicimus, et propter te proprium sanginem nostrum strenue fundimus, quique adeo omnem hunc certaminis cursum contra hostes tuos pro defensione tua generosi subimus, ut exaltetur cornu tuum et ut adversarios tuos subjiciamus duobus cornubus Dei tui et Agni, duabus inquam naturis et operationibus“ ').

Hic igitur est finis totius hujus operis in Hexaemeron, Anastasio sane quam maxime dignus et conveniens, ut quem jam in Hodego Ecclesiae veritatem fortissime propugnantem viderimus. Quae autem Anastasius in his libris de sacra Eucharistia habeat, proprio loco videbimus 2).

"

Caeterum ille locus libr. VII. col. 949 et 950, qui incipit: Nam septem dies" et desinit:,, Dominus surrexit a mortuis“, ex quaestione V.) interpolatus videtur neque ita cohaeret.

1) Sic conjectavi. Locus enim est mutilus. (cf. col. 1077.)

[blocks in formation]

Insuper autem haec mihi notanda visa sunt:

Refert, discipulum illum alterum cum Cleopha ab Jerusalem Emaus petentem '), Lucam fuisse, sed addit: „ut dixerunt mystae). Memorat varias haereses a quibusdam hominibus natas, qui carnaliter audierunt quae de Deo et paradiso dicuntur in Genesi, aliis quidem statuentibus, Deum habere formam corporis, aliis autem serpenti magnas offerentes gratiarum actiones, utpote quod per ejus consilium et factam praevaricationem ex muliere sit generatum totum genus humanum ); qui quidem merito etiam appellantur Ophitae. Manichaei autem simul et viri et mulieres nudi congregantur in suis ecclesiis ad imitationem Adami et Evae. Alii autem increatam ignis adorarunt naturam, propterea quod nulla inferatur ignis mentio in universa sex dierum creatione. Alii aquam coluerunt tanquam increatam, quoniam non scriptum est:,,Et dixit Deus: Fiat aqua". Alii, ex quibus sunt Persae, cum sororibus et matribus contraxerunt matrimonium, propterea quod nostri primi parentes conjungerentur cum suis matribus et sororibus. Sunt etiam quaedam haereses, quae Deum accusant, quod non prohibuerit, ne malignus Evam seduceret per serpentem. Alia autem rursus haeresis decrevit bestiarum quoque animas esse ratione praeditas, quae possunt orationem audire et excolere, cum audiisset Deum benedicentem volucribus et piscibus et exsecrantem serpentem, et adducentem ad Adamum bestias et volucres et jumenta, ut sciat, quidnam ea nominet"). Reprehendit scelestos Manichaeos 5) eorum

1) Luc. 24, 13.

[ocr errors]

2) col. 1022.

),, Dicunt" enim quod per serpentem nobis accessit cibus; per cibum recuparatio visus; per eam deinde nuptiae, per nuptias autem mundus; propter hominis autem peccatum, Deus homo factus est. Hinc coelorum regnum et bona aeterna, quorum auctor et conciliator fuit nobis serpens". (col. 1021 C.)

[blocks in formation]
« PreviousContinue »