5 daz ich belibe vrô des ich unsanfte enbære. 'Min lip in ein gemüete swert, sît er sô ringet daz ich in behüete, daz er ist fröiden unbehert; des er betwinget mich mit sîner güete. an mir er niemer missevert. 10 wan dem gelinget ob uns niemer boum geblüete.' 10 XIV. HER BERNGER VON HORHEIM. Nu enbeiz ich doch des trankes nie då von Tristan in kumber kam: noch herzeclîcher minne ich sie dann er Îsalden, deist mîn wân. 5 daz habent diu ougen mîn getân. daz leite mich daz ich dar gie dâ mich diu minne alrêste vie, der ich deheine mâze hân. sô kumberliche gelebte ich nie. Est wunder daz ich niht verzage, sô lange ich ungetræstet bin. als ich ir mînen kumber klage, daz gât ir leider lützel in. daz hât mir mîne vröude hin. 15 doch flize ich mich des alle tage deich ir ein stætez herze trage. nu wîse mich got an den sin deich noch getuo daz ir behage. Swer nu deheine vröude hât, 20 der vingerzeige muoz ich sîn. swes herze in ungebiten stât, die selben vorhte die sint mîn, daz si mir tuon ir nîden schîn. doch singe ich, swiez dar umbe ergât 25 und klage daz si mich trûren lât. herze, die schulde waren dîn: du gæbe mir an si den rât. Mir ist alle zît als ich vliegende var swar ich gedenke, vil wol sprung ich dar. swie verre ez ist, wil ich, sost mírz nâhe bî. 5 starc unde snel, beidiu rîche unde frî ist mir der muot: dur daz loufe ich sô balde: mirn mac entrinnen kein tier in dem walde. daz ist gar gelogen: ich bin swære als ein blî. Ich mac von vröuden getoben âne strît: 10 mir ist von minne sô liebe geschehen. swâ wær ein walt beidiu lanc unde wît, mit schoenen boumen, den wolte ich erspehen; då möhte man mich doch springende sehen. min reht ist daz ich mich an vröuden twinge. 15 wes liuge ich gouch? ich enweiz waz ich singe. mir wárt nie wirs, wil ich der wârheite jehen. Ich mache den merkæren truobenden muot. ich hân verdienet ir nît und ir haz, sît daz mîn vrouwe ist sô rîche unde guot. 20 ê was mir wê: nust mir sanfte unde baz. ein herzeleit des ich niene vergaz 25 30 daz hân ich verlâzen und ist gar verwunden. dés lôn ir got daz mîn trûren hât ende. daz ist gar gelogen und ist dar doch lanc. Mir ist von liebe vil leide geschehen. lieze ichz darumbe, so wære ich ze kranc. 35 dúrch daz send ích disiu lieder durch spehen an eine stat dar daz herze mich twanc. sit ich ir leider niht wol mac gesehen, sô sol si merken durch got mînen sanc. wil mir diu schoene der wârheite jehen, D. M. F. 8 so was siz ie nach der min herze ranc unde iemer muoz, doch mir nie gelanc. Mich hat daz herze und ein unwiser rât ze verre verleitet an tumplichen muot 5 dâ doch mîn dienest vil kleine vervât. dér kumber hât mich vil dicke gemuot. minne vil süeze beginnunge hât und dünket an dém anevange guot, dâ doch daz ende vil riuwic gestât, 10 als ez mir armen vil lîhte getuot. wie solte ich von dér nôt mich haben behuot! Si dárf des niht denken daz ích mînen muot iemer bekêre an deheín ander wîp. des selben hân ich mich her wol behuot, 15 sît ich ir gap beidiu herze unde lîp ûf ir genâde. swie wê ez mir tuot, dóch wil ich langer noch haben den strît. ich hoffe des dáz mîn reht íht sî sô guot daz si mír schier ein víl liebez ende gît 20 der grôzen swære, sô sis dünket zît. Wie solt ich armer der swære getriuwen 25 der mir ze Pülle die hervart gebôt, der wil mich scheiden von liebe in die nôt der ich gewinne vil michelen riuwen. Ich wil bevelhen ir lip und ir êre gote und då nåch allen engelen sîn. 30 si sól wizzen, swár ich landes kêre, daz ich ir bin unde muoz iemer sîn, áls ich ê wás dô mich ír ougen schîn brâhte alse verre ûz dem sinne mîn. 35 do was mir wê unde nú michels mêre. Nu muoz ich varn und doch bî ir belîben, von der ich niemer gescheiden enmac. si sól mir sin vór allen andern wîben ime herzen beidiu naht unde tac. als ich gedenke wiech ir wilent pflac, owê daz Pülle so verre ie gelac! daz wil mich leider von vröuden vertrîben. war umbe ich nu niht singen mac. noch wære mir ein kunst bereit, Iwan daz mich ein sendez herzeleit twinget daz ich swigen muoz, 10 des mir unsanfte wirdet buoz. Kunde ich klagen mîn herzeleit gelîche als ez mir nåhe gât, so wolde ich sagen ûf mînen eit daz nieman grozern kumber hât 15 noch niene wart sô trûric man. daz verswige ich als ich wole kan und klage ez den gedanken mîn; die lâze ich mit unmüezic sîn. Zer werlte ist wîp ein fröide grôz: 20 bî den sô muoz man hie genesen. des mînen lip noch nie verdrôz, mîn herze deist in bi gewesen (ich hete ie zer werlte muot) und daz mîn munt in iemer sprichet guot. 25 die triuwe lât nu werden schîn: belîbe ich, sô gedenket mîn. mich nach ir diu mir sô betwinget den muot. ich singe unde sunge, betwunge ich die guoten daz mir ir güete baz tæte. sist guot. |