frowe, dîne güete, sît ich die alrêrste sach, so west ich wol waz ich sprach. Vil süeziu senftiu tætærinne, 5 war umbe welt ir toten mir den lîp, und i'uch so herzeclîchen minne, zewåre, frouwe, gar für elliu wîp? daz ich iuch danne niemer mêr beschouwe? 10 nein, iuwer minne hât mich des ernotet daz iuwer sêle ist mîner sêle frouwe. sol mir hie niht guot geschehen von iuwerm werden lîbe, sô muoz mîn sêle iu des verjehen 15 dazs iuwerr sêle dienet dort als einem reinen wîbe. Lanc bin ich geweset verdâht unde unfrô von rehten minnen. nu hât men mir mære brâht, 20 der ist frô mîn herze inbinnen. ich sol trôst gewinnen von der frowen mîn. wie möhte ich danne trûric sîn? ob ir roter munt 25 tuot mir fröide kunt, số getrure ich niemer mê: êst quît, was mir wê. XIX. ENGELHART VON ADELNBURC. Wart ich ie von guotem wîbe wol gemuot, dêst gar ein niht. ine weiz wiech die zît vertrîbe, sît diu hôchgemuote giht 5 daz si welle nien verdriezen mîner nôt. owê, sol ich niht geniezen guotes willen, dêst der tôt. Sælden fruht, der ougen süeze, 10 gunnet mir der arebeit daz ich, frowe, iu dienen müeze. daz wirt mir ein sælikeit. ich wil iemer dur iuch êren elliu wîp. 15 nieman kan mîn leit verkêren âne got wan iuwer lip. Kunde ich hohen lop gesprechen, des wær ich ir undertân, swie si welle in zorne rechen 20 des ich nien begangen hân. in hân doch gein ir deheine schulde mê Iwan deich si mit triuwen meine. seht wie daz ir güete stê. 25 Swer mit triuwen umbe ein wîp wirbet, als noch maneger tuot, waz schadet der sêle ein werder lîp? ich swüere wol, ez wære guot. ist aber ez ze himele zorn, so koment die boesen alle dar und sint die biderben gar verlorn. XX. HER REINMAR. 10 Ein liep ich mir vil nåhe trage, mit rehten triuwen tuon ich daz. 5 si sol mir iemer sîn vor allen wiben: an dem muote wil ich manegiu jår belîben. waz darf ich leides mêre, wan swenn eht ich si mîden sol? daz klage ich unde müet mich dicke sêre. Ez wirt ein man der sinne hât vil lihte sælic unde wert, der mit den liuten umbe gât, des herze niht wan êren gert. diu fröude wendet im sîn ungemüete. 15 seht, sich sol ein ritter flîzen maneger güete: ist ieman der daz nîde, daz ist ein so gefüeger schade, den ich für al die werlt vil gerne lide. Ez ist ein nît der niene kan 20 verhelen an den liuten sich. с war umbe sprichet manic man wes tort sich der?' und meinet mich? daz kund ich ime gesagen, ob ich wolde. ich enwânde niht deis ieman frågen solde, 25 ern pflæge swacher sinne; wan nieman in der welte lebt, ern vinde sînes herzen küneginne. |