do begonde er teilen al sîn guot. und pflac der marke manegen tac: 5 der wart von sîner frümekeit so mære. Steinberc die tugende hât daz ez sich nieman erben lât, 10 nû hât ez einen erben. der werden Etingære stam der wil im sinen namen niht verderben. Wan seit ze hove mæré, wie gescheiden wæré 15 Kerlinc und Gebehart. si liegent, sem mir mîn bart. zwên bruoder die gezürnent und underziunent den hof, si lånt iedoch die stigelen unverdürnet. 20 Mich müet daz alter sêré, wan ez Hergêré alle sine kraft benam. ez sol der gransprunge man bedenken sich enzîte, 25 swenn er ze hove werde leit, daz er ze gwissen herbergen rîte. Wie sich der rîché betraget! sô dem nôthaften waget dur daz lant der stegereif. 30 daz ich ze bûwe niht engreif, dô mir begonde entspringen von alrêrste mîn bart! des muoz ich nû mit arbeiten ringen. Weistu wie der igel sprach? 35 vil guot ist eigen gemach.' zimber ein hûs, Kerlinc. dar inne schaffe dîniu dinc. die hêrren sint erarget. swer då heime niht enhất, 5 wie maneger guoter dinge der darbet! Swie daz weter tüejé, der gast sol wesen früejé. der wirt hât truckenen fuoz vil dicke, sô der gast muoz 10 die herberge rûmen. swer in dem alter welle wesen wirt, der sol sich in der jugent niht sûmen. Ez was ein wolf græwé unde ein man alwæré. 15 die liute wolten slâfén. er lie den wolf zen schâfén. do begienc er in der stîge daz man in des morgens hienc und iemer mê sîn künne ane schriet. 20 Ein wolf unde ein witzic man sazten schachzabel an: si wurden spilnde umbe guot. der wolf begonde sînen muot nách sînem vater wenden. 25 dô kom ein wider dar gegân: dô gab er beidiu roch umb einen venden. Ein wolf sine sünde flôch, in ein klôster er sich zôch, er wolde geistlichen leben. 30 dô hiez man in der schâfe pflegen : sit wart er unstæte. dô beiz er schâf unde swîn: er jach daz ez des pfaffen rüde tæte. 'Ez mac der man sô vil vertragen,' 35 hôrt ich Kerlingen sagen, 'daz man in deste wirs hât. so wirt sîn sus vil guot rât, ist er widersæze. zwên hunde striten umbe ein bein: 5 dô truog ez hin ze jungest der ræze.' Zwên hunde striten umbe ein bein. dô stuont der bæser unde grein. er muostez bein vermîdén. 10 der ander dér truogez von dem tische hin ze der tür: er stuont ze sîner angesiht und gnuogez. Er ist gewaltic unde starc, der ze wîhen naht geborn wart. 15 daz ist der heilige Krist. jå lobt in allez dazdir ist, niewan der tievel eine: dur sinen grôzen übermuot so wart ime diu helle ze teile. 20 In der helle ist michel unrât. diu sunne schînet nie sô lieht, noch der liebte sterne. 25 jå müet in allez daz er siht. jâ wær er då ze himel also gerne. In himelriche ein hûs stât: ein guldîn wec dar in gât: die siule die sint marmelîn: 30 die zieret unser trehtîn mit edelem gesteine. då enkumpt nieman in, ern si vor allen sünden also reine. Swer gerne zuo der kirchen gât 35 und âne nît dâ inne stât, der mac wol frolichen leben. dem wirt ze jungest gegeben wol in, daz er ie wart! 5 ze himel ist daz leben also reine. Ich hân gedienet lángé der in der helle umbe gât. der brüevet mîne missetât, 10 sîn lôn der ist bœse. hilf mir, heiliger geist, deich mich von sîner vancnisse erlose. Mich hungerte hárté. ich steic in einen gártén. 15 dâ was obez ínnén: des mohte ich niht gewínnén. daz kom von unheile. dicke weget ich den ast: mir wart des obezes nie niht ze teile. 20 Swâ ein guot boum stât und zweier hande obez hât, 25 wirt ir einez drunder fûl, ez bringet uns daz ander ze leide.' Swel man ein guot wip hât der bezeichent daz swin. 30 wie möhte ez iemer erger sîn? ez låt den lûtern brunnen und leit sich in den trüeben pfuol. den site hât vil manic man gewunnen. Ein man sol haben êré, 35 und sol iedoch der sêlé under wilen wesen guot, daz in dehein sîn übermuot verleite niht ze verre; swenn er urlobes ger, 5 daz ez im an dem wege niht enwerre. Korn sæt ein bûman: do enwolte ez niht ûf gân. ime erzornete daz: ein ander jâr er sich vermaz 10 daz erz en egerde lieze. er solde ez ime güetlîche geben, der dem andern umb sîn dienest iht gehieze. Krist sich ze marterenne gap, er lie sich legen in ein grap. 15 daz tet er dur die goteheit: dâ mite lôst er die kristenheit von der heizen helle. er getuot ez niemer mêr. dar an gedenke swer sôder welle. 20 An dem ôsterlîchen tage dô stuont sich Krist ûz dem grabe. künec aller kéisér, vater aller wéisén, sin hantgetât erlôste. 25 in die helle schein ein lieht: dô kom er sînen kinden ze trôste. Wurze dés wáldés und erze dés góldés und elliu apgründé 30 diu sint dir, hêrre, kündé: diu stent in dîner hende. allez himeleschez her dazn möht dich niht volloben an ein ende. Güsse schadet dem brunnen: 35 sam tuot dem rîfen sunne: |