Diu Minne twanc ê Salomone: der was der aller wîste man der ie getrüege küneges krône. wie möhte ich mich erweren dan, 20 si twunge ouch mich gewalteclîche, sît si solhen man verwan,

der so wise was und ouch so rîche? den solt hân ich von ir ze lône.

Schoeniu wort mit süezem sange 25 diu træstent dicke swæren muot. diu mac man gerne halten lange, wan si sint alzoges guot.

ich singe mit vil trüebem muote
der schoenen vrowen und der guoten.

30 ûf ir trôst ich wilent sanc.

si hât mich missetræstet, des ist lanc.

Ir stüende baz daz si mich trôste

dan ich durch si gelige tôt,
Iwan si mich wilent ê erlôste

35 ûz maneger angestlicher nôt.

als siz gebiut, ich bin ir tôte:
wan iedoch sô stirbe ich nôte.

Ich lebetê mit ungemache siben jár ê ich iht sprâche 5 wider ir willen einec wort; daz si wole hât gehôrt,

und wil doch daz ich klage mîne sêre. joch ist diu minne als si was wîlen êre.

Swenn diu zit also gestat

10 daz uns komt bluomen unde gras,
sô mac sîn alles werden rât
då von mîn herze trûric was.
des vreweten sich diu vogelkîn,
wurde iemer sumer als ê.
15 lât die welt mîn eigen sîn,

mir tæte iedoch der winter wê.

'Durch sînen willen, ob er wil, tuon ich ein und anders niht. des selben mag in dunken vil, 20 daz niemen in so gerne siht. ich wil behalten mînen lip. ich hån vil wol genomen war daz dicke werdent schoniu wîp von solhem leide missevar.'

25 Die dâ wellen hoeren mînen sanc,
ich wil daz si mir sin wizzen danc
stæteclichen unde sunder wanc.
die ie geminnten oder noch minnen,
die sint vrô in manegen sinnen:
30 des die tumben niene beginnen,
wan si diu minne noch nie twanc
noch ir herze ruochte enginnen.

Swer wol gedienet und erbeiten kan, dem ergêt ez wol ze guote.

35 dar an gedâht ich menegen tac.

got weiz wol, do ich ir künde alrêst gewan,

sît diende ich ir mit selhem muote

daz ich zwivels nie gepflac.

lônet mirs diu guote,

5 wir zwei betriegen unser huote.

Wær ich unfrô dar nåch als ez mir stát,

daz wær unreht unde wunder,

sît al mîn leit nâch liebe ergât.

diu minne ist diu mîn herze al umbevât:

10 dâ ist niehein dorpeit under,

Iwan blischaft diu die riuwe slât.

des bin ich diu gesunder:

riuwe ist mir ie lanc unkunder.

X. HER UOLRICH VON GUOTENBURC.

Ze dienest ir, von der ich hân

ein leben mit ringem muote,
als ich nu lange hân getân.
und gan es mir diu guote,

5 Diu mir tuot daz herze mîn
vil menger sorgen lære,
so wirt an mîme sange schîn
der winter noch kein swære.
Ich wil si flêhen unz ich lebe,

10 daz si mir fröide günne

und si mir lôn nâch heile gebe.

si ist min sumerwünne,

Si sæjet bluomen unde klê

in mînes herzen anger:

15 des muoz ich sîn, swiez mir ergê,

vil richer fröiden swanger.

Ir güete mich vil lützel låt

dekeinen kumber müejen.

der schîn der von ir ougen gât, 20 der tuot mich schône blüejen, Alsam der heize sunne tuot

die boume in dem touwe.

sus senftet mir den swæren muot

von tage ze tage mîn frouwe.

25 Ir schoner gruoz, ir milter segen,

mit eime senften nîgen,

daz tuot mir einen meien regen reht an daz herze sigen.

Des ist mir sanfter denne baz. ê mich verbære, sehent, daz, ich trüege ê al der welte haz. Er müejet sich, swer mirs erban, 5 ich sî ir nie so frömde man, ìh erdringe ir mêre lônes an. Sol ich dekeine wîle leben, mir wirt von ir vil lîhte geben dar nach ein keiser möhte streben. 10 Daz si mir under wilen tuot,

daz diuhte ein andern man vil guot, wan daz doch hôher wil min muot, Dem ich geziehen nienen mac. nu fürhte ich eht der Minnen slac. 15 ih erkenne'n nu vil mangen tac. Er tuot mir leides dicke vil.

doch wære ich gern hin an daz zil dâ si dâ sol und lônen wil.

Nu wol hin (ez muoz eht sîn) 20 und stîc ûf, daz herze mîn. ich wæne ich iht engelte din, swenn ir ze rehte wirdet schîn daz ich lîde disen pîn

von dîner kür und dîner bete, 25 und ie mit zühten schône tete

ån widerwanc,

sît mich erranc

ir minnen swanc

in ir getwanc.

30 nu ist ze lanc

ir habedanc.

daz tuot mich kranc.

des hân ich mengen ungedanc. daz lenget mir die kurzen tage 35 und niuwet mir die alten klage, von der ich wånde sîn erlôst. nu wil ich noch ir gnåden trôst Beiten, als ich hân getân. ze heile müeze ez mir ergân! 40 ich wil ir niemer abe gestân.