des ich mích âne si niht vermezzen enmac.

verlüre ich si, waz hete ich danne?

dâ töhte ich ze vröuden noch wîbe noch manne

und wære mîn bester trôst beidiu ze âhte und ze banne.

5 'Mir hat ein ritter' sprach ein wip 'gedienet nach dem willen mîn.

ê sich verwandelôt diu zît

sô muoz im doch gelônet sîn. mich dünket winter unde snê 10 schoene bluomen unde klê

swenn ich in umbevangen hân. und wærez al der welte leit,

sô muoz sîn wille an mir ergân.'

Der walt in grüener varwe stât: 15 wol der wunneclichen zît! mîner sorgen wirdet råt.

20

sælic sî daz beste wip

diu mich træstet sunder spot. ich bin vrô dêst ir gebot.

Ein winken unde ein umbe sehen wart mir do ich si nâhest sach. dâ moht anders niht geschehen wan daz si minneclîche sprach vriunt, du wis vil hôchgemuot.' 25 wie sanfte daz mîm herzen tuot! 'Ich wil weinen von dir hân' sprach daz aller beste wip. schiere soltu mich enphân

unde træsten mînen lip.

30 swie du wilt so wil ich sîn. lache, liebez frowelîn.