Page images
PDF
EPUB
[ocr errors][merged small][merged small][merged small][merged small][merged small][merged small][merged small][merged small][merged small][merged small]

RATISBONÆ, NEO EBORACI ET CINCINNATI.
SUMPTIBUS ET TYPIS FRIDERICI PUSTET,
S. SEDIS APOST. ET S. RIT. CONGR. TYPOGR.

MDCCCXCII.

[blocks in formation]

Lucy Osgood fund
Imprimatur.

Ratisbonæ, die 14. Septembris 1892.

G. Erlenborn, Vicar. in Spirit. Gener.

Editor et Typographus omnia iura sibi reservant.

PRÆFATIO EDITORIS.

In hac nova editione manuali sancti Patris Benedicti non recedendum putavimus a via quam in editione critica anni iubilaris 1880 ingressi sumus. Scopus noster et fuit et est recurrere ad primos fontes, ad antiquissima exemplaria, ut eorum ope textum originalem, quantum fieri possit, restituamus.

Quam necessaria fuerit ista inquisitio manifestum est ex epistola duorum monachorum Augiæ divitis Grimalti et Tattonis ad magistrum suum Reginbertum, præfectum scholæ illius monasterii, ubi hæc habentur: „Ecce vobis Regulam beati Benedicti egregii

Doctoris, quam benevolus animus vester summo semper optaverat desiderio, direximus, sensibus et syllabis necnon etiam litteris a supradicto Patre, ni fallimur, ordinatis minime carentem, quæ de illo transcripta est exemplare, quod ex ipso exemplatum est codice, quem beatus Pater sacris manibus suis exarare ob multorum sanitatem animarum curavit. Illa ergo verba, quæ supradictus Pater secundum artem (sicut nonnulli autumant) in contextum Regulæ huius non inseruit, de aliis Regulis a modernis correctis Magistris colleximus, et in campo paginulæ e regione cum duobus punctis inserere curavimus. Alia etiam quæ a Benedicto dictata sunt, et in neotericis minime inventa, obelo et punctis duobus consignavimus. Hoc egimus desiderantes vos utrumque et

secundum traditionem pii Patris etiam modernam habere. Eligite vobis, quod desiderabili placuerit animo.“1

Ex quibus verbis luculenter patet iam tum, ineunte sæculo IX, a quibusdam magistris textum et sermonem et stilum s. Regulæ iuxta eorum placita emendatos fuisse, et istas emendationes in ipsum textum irrepsisse.

Quod mire illustratur codice 914 monasterii Sangallensis, in quo habentur in textu signa similia: duo puncta et lineola horizontalis et supra et infra punctum unum. Cuius in margine ea leguntur emendatoris vocabula vel

1 Confer: Vetus Disciplina Monastica (P. Marquardus Herrgott O. S. B. Monasterii ad sanctum Blasium) pag. 33. Grimaltus fuit postea cancellarius Ludovici Germanici, dein abbas Monasterii ad sanctum Gallum, obiit a. 872. Tatto successit Reginberto in regimine scholæ, obiit a. 847.

« PreviousContinue »