FESTORUM MOBILIUM.

Olumna Ordo dierum in Tabula multorum annorum indicat numerum quærendum in columna Tabulæ perpetuæ, qui numerus indicat litteram Dominicalem, Festa Mobilia, et Domin. post Epiphan. et Pentecost. etc. cùm autem à die 22 Martii, quæ est primum Pascha ad diem 25 Aprilis quæ est ultimum Pascha sint dies 35, ideò sunt 35 numeri in columna ordinis dierum qui regione sua indicant Festa Mobilia, etc. idem ordo dierum etiam indicabit tibi quot sint dies inter Festum Purificat. et Feriam IV Cinerum, modò addus diem unam in annis bissextilibus.

In columnis Dom. post Epiph. Septuagesima et Feria IV Cinerum appositi sunt duo numeri; sume primum numerum ad sinistram in annis communibus; numerum verò secundum ad dexteram in annis bissext.

In columnis Dom. post Epip. et Pent. hoc signum + notat Dominicam sequentem vel saltem ejus commemoration. anticipandam esse in Sabbato, ut fusè dicetur in Rubricis generalibus, cap. V. de Off. Domin. num. 8 et 9.

De modo inveniendi Festum Pascho.

Ut facilè invenias quâ die occurrit Festum Pascha quolibet anno, quære in Calendario (à die 8 Martii quæ est primum novilunium Paschale ad diem 5 Aprilis quæ est ultimum novilunium) Epactam currentem anno proposito; à die in qua currit Epacta inclusivè numera 14 dies, littera Dominicalis anni propositi currens post 14 dies exclusivè indicabit diem Pascha. v. g. quæro quâ die occurret Pascha anno 1882, Epacta est xj. littera Dominicalis A, in Calendario Epacta xj. notatur die 20 Martii, numerando 14 dies quatuor decimus incidit in 3 Aprilis, littera Dominicalis F, subsequens cadit in 9 Aprilis quâ die occurrit Pascha.

Faciliùs etiam invenies in Tabula perpetua ubi in columna Epactarum detracti sunt 14 dies novilunii, littera Dominicalis anni propositi currens cum Epacta, vel proxima post Epactam indicabit diem Pascha. v. g. quæro quâ die occurret Pascha anno 1873, Epacta est j. littera Dominicalis E, Pascha 13 Aprilis; anno 1831, Epacta est xvij. littera Dominicalis B, Pascha 3 Aprilis.

TABULA