кому будеть потребъ того ведати. Бил памъ чоломъ кравец нашъ Давыд Турчынъ томъ, што єсмо перво сего дали ему войтовство Порозовское зыменьемъ и з млыномъ, которое жъ именье и млынъ к войтовству прыслухало, и потомъ тое именье и млын отдали есмо ближнимъ. И опъ бил намъ чоломъ и просилъ в насъ нашого став ка и млынка, на том ставку справеного, местца того и землицы школо того ставка, на которой жо млынар жывет; а тотъ дей ставокъ и млынъ перво того прыслухал Александръ к тому дворцу Рымовидовъскому, што есмо дали конюшому виленскому наместнику зблянскому пану Андрею Александровичу. А поведал намъ, што жъ дей и тамъ толко одно коло. И для того отпустиль намъ некоторую суму пенязей, што есмо остали ему винни за его службу. Ино коли тамъ в того млына будеть одно коло, и мы з ласки нашое тымъ его пожаловали: тот ставокъ зъ, рыбами, зъ млыном, из вымелки ΤΟΓΟ Млына и с тою землицою, што млынар жыветь, ему дали к войтовству вечно; нехай онъ тое войтовство с тымъ ставкомъ и з млыномъ Держыть и тымъ местомъ справуеть потому, какъ выныхъ местехъ нашыхъ войтове месты справують. А державцом нашымъ волковыйскимъ нинешнему и потомъ будучому и ихъ наместникомъ ненадобе в тое войтовство и въ ставокт, и млынъ, и въ суды, и в пересуды, и во вси его суды и доходы войтовские [не] вступатисе. Тежъ поведилъ передъ нами, штожъ многие мещане порозовские розошлисе с Порозова прочъ; и мы казали ему тых мещанъ и иныхъ зъзывати и воли имъ давати розумеючы, какъ бы намъ нешкодно было; а волю выседевшы, и они мають намъ и поплатки местский платити потому, какъ перед тымъ с тых местец поплатки местский даиваны. Писанъ в Кракове. тое место нащо осажывати и Заглавіе: Привилей Давыду Турчину кравцу на войтовство Порозовское и придане ему к тому войтовству ставку з МЛЫНОМ и з землею млынарскою. Кн. Зап. Лит. V, л. 301 об.-302. 83. Привилей кор. Александра пану Льву Боговитиновичу на осаду мѣстечка Левкова на магдебургскомъ правѣ въ им. его Вортели и на постройку замка и на ставъ на р. Желевѣ. Въ Люблинѣ, среди актовъ 1504 года. Александръ божю милостью корол. Чинимъ знаменито симъ нашымъ листомъ, хто на него посмотрыть, або чтучы его вслышить, нинешнимъ и потомъ будучымъ, кому будеть потребъ того ведати. Бил намъ чолом писар нашъ папъ Левша Боговитиновичъ и просил нас, абыхмо єму дозволили въ его именьи у Вортели замовъ збудовати на старомъ городищы на острове и местечку ег(о), которое жъ под тымъ его замкомъ, право немецкое майтьборское (дали); тежъ, абыхмо его пожаловали, дозволили ему ставъ засыпати на реце на Желеве в нашому Ломазскому берегу и млынъ себе справити; тежъ, быхмо в томъ его местечку дозволили торгъ мети в неделю, а ярмарокъ в каждый год на часъ, который онъ собе обереть; и тежъ, гостем добровольно бы со всихъ панствъ нашыхъ И месть ездити до того его местечка до Левкова и торговати в камень и въ фунт подле виленское ваги а въ воршын берестейский; тежъ, мещаномъ бы его Левковскимъ волно торговати везде по великому князству Литовскому со всякою куплею потому, какъ и иныхъ паньскихъ местъ мащане торгують по нашымъ местомъ у великомъ князстве Литовском. Ино мы, вбачывшы его ку отцу нашому королю Казимиру и к намъ верную службу, з ласки нашое пожаловали єсмо его: дозволили єсмо єму тотъ замочокъ збудовати выменьи его у Вортели на старом городищы на острове, и местечку его, которое жъ под тымъ жо его замкомъ, на имя Левкову, даемъ право немецкое на вени маитьборское мети и тымъ ся правомъ доброволно справовати, какъ и иные места справуються в Коруне и великомъ князстве Литовском; и став дозволили ему засыпати на реце на Желеве к нашому Ломазскому берегу, и млынъ справити; и тежъ, дозволили ему B томъ его местечку мети торгъ въ неделю, а ярмарокъ в каждый год на част, который онъ собе береть; и тежъ, гостем доброволно со всихъ панствъ нашых и мест ездити до того его местечка до Левкова и торговати в камень и в фунтъ подле виленское ваги а въ воршынъ берестейский; и тежъ, его мещаномъ Левковскимъ волно торговати везде по великому князству Литовскому со всякою куплею потому, какъ И иныхъ панскихъ месть Мещане торгують по нашымъ местомъ у великомъ князстве Литовскомъ. И потвержаемъ то симъ нашымъ листомъ вечно ему и его жоне, И их детемъ и напотом будучымъ их счадкомъ. И воленъ онъ тотъ вышей писаный замокъ Левково с тымъ местечкомъ отдати и продати, заменити и розшырыти, и къ своему вжыточному и леп шому обернути, какъ сам налепей розумеючы. А прытомъ были маршалокъ нашъ дворный, наместникъ мерецкий и утенский княз Михайло Лвовичъ Глинский, а подчашый, наместникъ белский панъ Миколай Миколаевичъ Радивиловичъ, а маршалокъ наместникъ южский и переломский княз Иванъ Лвовичъ Глинский, а маршалок охмистръ королевое ее милости, наместник ковенский панъ Войтех Яновичъ, а подстолий, наместник василишский княз Василей Лвовичъ Глинский, а наместник берестейский панъ Станислав Михайловичъ Петьковича, а наместникъ дорогицкий панъ Янъ Стецковичъ. А на твердость того и печать нашу казали есмо прывесити к сему нашому листу. Псан в Люблине. Заглавіе: Привилей пану Лву Боговитиновичу, позволене ему выйменю его Вортели замок збудовати, местечко садити и на право майдеборское тому местечку, также позволене став занати на реце Желеве к Ломаскому берегу: Кн. Зап. Лит. V, л. 300 об.-301. 84. Грамота кор. Александра на аренду корчемъ полоцкихъ Михайлу Скепъевскому на пять лѣтъ. Въ Мельникѣ, 20 октября 1504 года. Александръ божю милостью. Маршалку нашому наместнику полоцкому папу Станиславу Глебовичу. Продали есмо корчмы полоцкий дворанину нашому Михайлу Скепьевскому на пат год за две тисячи копъ грошей дробное личбы за грошъ по два полугрошки, або по десати пенязей. Масть Н в тыи корчмы узезатися, мед и пиво почати варити на сии Великии запусты. А на Матки Божи ден первое прийдучое масть намъ дати двесте копъ готовыхъ грошей, а на великии запусты другую двесте копъ грошей, какъ год выйдеть; а на иншии годы потому ж маеть намъ тотъ плать с тыхъ корчомъ давати, ажъ до пати годов — все готовыми грошми. А тыи корчмы держати ему, в колко хочеть домех, а иншии нихто тых корчомъ в месте Полоцкомъ не мають держати, толко тыи, которым будем корчмы въ Полоцку первей того подавати (ли)и который будуть на то листы наши в себе мели. Такеж который будут владыка Полоцкий и бояре и мещане полоцкий и волосный люди корчмы свои держати, тыи корчМы казали есмо ему на насъ забирати, а склады, который похоТать мети в месте Полоцкомъ, або по волостем, тыи нехай держать зъ его докладом. А тых складовъ в белцо и в грошовникъ продавати, тыи и склады велели есмо ему на насъ забирати. Теж и самъ бы еси своихъ корчомъ пе мелъ, а и слугамъ своимъ не казал держати и во всем бы еси ему помочонъ был, абы в томъ скарбу нашому шкоды не было, а плат бы нашъ не понижалса и от кривдъ бы еси его боронил, а и сам кривды бы еси ему не чинил конечно. Писань в Мелнику, ок. 20 день, индикъ 7. Кн. Зап. Лит. VI, л. 259. 85. Грамота кор. Александра слугѣ господарскому Офонасу Дудкѣ на ключъ Городенскій до живота. Въ Ломазахъ, 27 января 1505 года. Александръ божю милостью корол. Билъ намъ чоломъ слуга нашъ фонасъ Дудка и просилъ в насъ ключа Городенского. Ино мы з ласки нашое тотъ ключ Городенский дали ему держати до его живота со всимъ с тымъ, с тымъ, какъ первый ключники держивали за отца нашого корола его милости и за нас. Псанъ въ Ломазехъ, ген. 27 день, индикъ 8. — Прик. мар. двор. нам. мер. и ут. кнз Мих. Лвов. Глин. Гринко Громыка писал. Кн. Зап. Лит. VI, л. 236. 86. Подтвержденіе кор. Александра купли дворяниномъ господарскимъ Мордасомъ Болотовичемъ войтовства Ятвезскаго и Забѣльскаго у Матея Монюшки съ придачею млына и лѣса. Вь Берестья, 23 февраля 1505 года. Александръ, божю милостю корол полский, великий ЕнАЗ Литовский, руский, княжа пруское и жомойтский и иныхъ. Чинимъ знаменито симъ нашимъ листомъ, хто на него посмотрить, або чтучи его вслышить, нинешнимъ и напотомъ будучимъ, кому будеть потребь того ведати. Билъ намъ чоломъ дваранинъ нашъ Мордас Болотовичъ и поведилъ перед нами, штож Матей Манюшко спустилъ и продалъ ему войтовство Забельское и Ятвезкое, которое жъ войтовство мы сперво сего ему дали и привильемъ нашимъ на вечност были потвердили. И тотъ привилей нашъ Монушко ему жъ далъ, и онъ тыми разы тотъ привилей перед нами вказывалъ, в которомъ же привили нашомъ тотъ Монушко воленъ тое войтовство отда ти, продати, ку своему вжиточному и лептому обернути, какъ бы са налепей ему видело. И билъ намъ чоломъ Мордас, абыхмо тое войтовство ему потвердили пашимъ листомъ. И к тому просил в нас млына по Берозовой, который же придали были есмо Монюш выписали есмо: и тежъ Еу к войтовству, уголъ лесу по конецъ ятвезскихъ и забельскихъ волокъ, тежъ и тое землицы—остатъка забельскихъ волокъ, La которыхъ жо былъ поселился Станько Манюшковъ сынъ. Ино мы ему B томъ ласку и жалованье нашо вчинила: на тое войтовство дали ему сес нашъ лист и к тому придали ему тотъ млынъ на реце на Берозовой и уголъ лесу по конецъ волокъ ятвезскихъ и забельскихъ и тую землицу, — остатокъ забельскихъ волокъ, на которой жо земли Станько Манюшковъ сынъ поселился былъ. И потвержаемъ то ему симъ нашимъ листомъ; маеть онъ, его справедливые наследки тое войтовство держати со всимъ потому, какъ Манюшко держалъ подлугъ первого привильм нашого и с тымъ млыномъ, из вымелки того млына, и с тымъ уголъ леса, из землею- -станком волокъ забельскихъ, вечно и непорушно. И воленъ онъ то отдати, продати и ку своему вжиточному и лепшому обернути, какъ самъ налепей розумеючи. И на твердость того и печать нашу казали есмо привесити к сему на шому листу. Псанъ в в Берестьи, в лет 7013, мца фев. 23 день, индикт 8. Заглавіє: Privilegium regis Alexandri in pargamino cum sigillo apperso, quo advocatiam in villis Jaczvies et Zabielie cuidam Mordas confirmat in perpetuum. Кн. Зап. Лит. XVIII, л. 11 об.—12. 87. Подтвердительная грамота кор. Александра городу Берестію на судъ по праву магдебургскому, согласно привилегій кор. Ягайлы. Въ Брестѣ, 15 марта 1505 года. In nomine Domini amen. Ad perpetuam rei memoriam. Decretis et quibus nostris constitutionibus perpetuo duraturis, sive innovationem vetustarum, sive per tempore gestarum rerum seu actionum serium in se continentibus consuevit auctoritas principum literarum testimonio velut memoriae ipsarumque rerum admicula adhibere et quidque unquam concederet vel decerneret id posteritati successi, ne aevo constaret sempiterno. Proinde nos Alexander, Dei gratia rex Poloniae, magnus dux Lithuaniae, Russiae, Prussiae Samogitiaeque dominus et haeres, significamus tenore praesentium, quibus expedit universis praesentibus et futuris harum notitiam habituris. Quia providi advocatus, proconsul et consules Brzestenses exibito coram nobis originali privilegio sub maiestatis sigillo per serenissimum olim Vladi. slaum regem Poloniae, necnon terrarum Cracoviae, Sandomiriae, |