его милости на

Кошелевскихъ, а на другихъ двухъ жеребъехъ земли Вервечичскихъ, а на лесе Топчикалскомъ, которыи жъ земли и лесъ онъ поднялся розмерити и мѣсто людьми осадити прихожыми волными, ку его милости пожиточному привести. Который бы люди на тыхъ жеребъехъ осели, тымъ казалъ его милость волю дати подле обычая тамошнего. А выседевши волю, тые люди мели его милости давати плату съ каждое волоки на годъ по золотому, а по два корцы овса, а по гусяти, а по двою куровъ, а по тридцати яецъ, а одипъ день въ неделю службу тяглую служыти; а мели съ каждое волоки службу служыти и дачки давати потому, какъ и по инвымъ местомъ нашимъ тамошнимъ люди з волокъ службу служать и подати дають. А ему мела быти со всихъ тыхъ волокъ десятая волока со всими платы и пожитки. И колко бы мело быти тыхъ десятыхъ волокъ ему ся достати, тые вси волоки дозволилъ его милость ему посполу мети к одной стороне, где бы онъ собе всхотелъ. А къ тому выписапо в томъ прывиле о брата нашого ему третий пенязь с присуда. А мелъ онъ съ того службу земскую заступовати потому, какъ иные войтове месть нашихъ тамошнего краю службу земскую заступують. А далъ былъ ему его милость тос войтовство на вечность. И поведилъ передъ нами Еско Ивановичъ, штожъ дей его милость братъ нашъ за ся тую пущу Топчикалскую взялъ к своей руце и далъ Петру Фурсу, а ему зоставилъ толко тые вышеписаные люди чотыри жереби. И билъ намъ чоломъ Еско, абыхмо то потвердили ему нашимъ листомъ. Ино в тотъ же часъ панъ Миколай Миколаєвичъ, воевода троцкий, к намъ за нимъ причинился, абыхмо с тое данины брата нашого Еска не рушыли. И мы, выслухавши того привилея брата нашого Александра короля его милости и на причину пана воеводы троцкого, то вчинили, при томъ таки есмо его зоставили и потвержаемъ то симъ нашимъ листомъ вечно ему и его жоне, и ихъ детемъ, и напотомъ будучимъ ихъ щадкомъ, и его ближнимъ: мають опи тые вышеписаные чотыры жеребъи держати со всими людми и их всими землями пашными и бортными, изъ боры, и лесы, и дубровами, изъ гаи, и ляды, и лядищи, исъ хворостники, исъ сеножатьми, из болоты, ис озеры, изъ реками, изъ речками и ихъ потоки, изъ езы, изъ ставы, и ставищы, ись сажевками, изъ Млыны и ихъ вымелки, изъ зеремены, изъ бобровыми гоны и со всими платы и доходы грошоВЫМИ и медовыми, и бобровыми, и куничными, и со всякими ИНЫМи поплатки и податьми, которымъ колве именемъ могуть названы, або монены быти, со всимъ правомъ и ПОЖИТКомъ и со всимъ с тымъ, какъ ся тые люди и ихъ земли зъстародавна в своихъ грани

L

цахъ мають,

ничого на нась н на наши паследки не оставляючи, нежли маеть намъ с того именья своего службу земскую заступовати посполъ зЫНШЫМИ земяны белскими водле вставы и вхвалы Земское. А державцы белские не мають людемъ Белского повету заповедати, ани боронити до млыновъ его збожя возити Ко мливу и в тыи его люди и земли ихъ и ни в которыи платы и пожитки не мають ся ни во што вступати. И воленъ онъ и его справедливые наследки тые вышеписаные люди и земли отдати, продати, заменити, розширити, къ своему вжиточному и лепшому обернути, как сами налепей розумеючы. А на твердость того и печать нашу казали есмо прывесити к сему нашому листу. Псанъ у Вельни, в лето 7015, мца июль 23 день, индиктъ 10.

Кн. Зап. Лит. VIII, л. 165-166.

105.

Привилей кор. Сигизмунда 1 бояр. Костюшку Волфромеевичу на земли и людей въ Полоцкомъ пов., съ описаніемъ ихъ службы и даней, согласно съ данинами кор. Александра.

Въ Ошмянахъ, 22 августа 1507 года.

Жикгимонтъ, божю милостю король и великий князь.

Билъ намъ чоломъ бояринъ полоцкий Костюшко Волфромесвичъ и клалъ передъ нами листъ брата нашого Александра короля его милости. Ино в одномъ листе выписано, штожъ его милость далъ ему тры службы людей в Полоцкомъ повете на имя Матфея, а Демида, а Офонаса з братею, а землю пусту Пурфуровщину. А въ другомъ листе выписаномъ, штожъ его милость далъ ему два человеки в Полоцкомъ же повете в Домникахъ на имя Кузму а Кострицу, а две пустовщизне братьи жъ ихъ на имя Прокову а Давыдову, которыи жъ люди передъ тымъ къ двору нашому Белницы (s.) служивали и варное и земяные куницы даивали, и в пригонъ на Белчицу ходивали, и на езъ дерево робливали, и бобровщину дей толко дають тыи люди копу грошей. А в двухъ листехъ ему выписано две земли пустовскихъ тамъ же въ Полоцкомъ повете, одна землица в Домникахъ на имя Козловщина, а другая Домнишское жъ вари (sic) на имя Токаревщина. И билъ намъ чоломъ, абыхмо на то дали ему нашъ листь и тую первореченую бобровщину отпустили Ино мы, выслухавши тыхъ листовъ брата нашого, при томъ таки есмо его зоставили и потвержаемъ то симъ нашимъ листомъ вечно ему и его жоне и ихъ детемъ: нехай они тые

вышеписаные люди держать зъ ихъ землями пашными и бортными, и сеножатьми, изъ тою бобровщиною, будеть ли Толко с тыхъ людей бобровщины копа грошей, и со всими иными поплатки, из службами ихъ и стыми вышеречеными землями пустовскими и со всимъ с тымъ, с чимъ ему братъ нашъ Александръ король его милость далъ подлугъ первого даня и листовъ его милости, а намъ с того служить. Псанъ у Вошмене, августь 22 день, индиктъ 10.

Кн. Зап. Лит. VIII, л. 172 об.

106.

Листъ кор. Сигизмунда I объ отпущеніи подымщины съ людей земянъ браславскихъ, за что корчмы браславскія король взялъ на себя. Въ Вильнѣ, 7 сентября 1507 года.

Жикгимонтъ, божю милостю король полский.

Ко всимъ мещаномъ места Браславского. Што перво сего даиванъ плать подымщину з людей земянскихъ наместникомъ браславскимъ, Ино тыми разы били намъ чоломъ вси земяне браславский о томъ, штож имепя ихъ отъ неприятелей спустошоны и людей за собою велми мало мають; а хотя бы и хотели откуль собе людей прибавити в тые именя свои, ино дей для тое подымщины не смеють люди за пими садитися. И просили насъ, абы имъ тую подымщину отпустили. Ино мы за ихъ к намъ верную службу и тежъ для сказы именей ихъ, в томъ имъ ласку и жалованье нашо вчинили, тую подымщину имъ есмо вечно отпустили, а они за то памъ корчомъ своихъ всихъ поступилися, которие в месте Браславскомъ и по селамъ держали. А паместнику браславскому князю Михайлу Васильевичу Збаражскому, хотячи за то досыть вчинити, придали есмо къ замку Браславскому корчмы браславские ему на поживене. А маеть онъ тамъ з своее руки корчом роздати столко, колко бы могъ выбирати в каждый годъ по пятидесятъ копъ грошей собе на поживене. Ино если похочете корчмы тамъ мети, и вы бы ему тотъ вышеписаный платъ давали в каждый годъ на Великъ день. А пакъ ли бы есте того не хотели, и мы дозволили ему тые корчмы роздати тымъ, хто бы тотъ платъ хотелъ сполняти. Писанъ у Вильни, сент. 7 день, индиктъ 10.

Кн. Зап. Лит. VIII, л. 176.

107.

Привилей в. кн. Сигизмунда кн. Ивану. Ивановичу, окольничему Смоленскому, на землю Теледейковскую и Боровку и на с. Хорейковыхъ въ Смоленскомъ пов.

Жикгимонтъ божю милостю.

Въ Городнѣ, 9 декабря 1506 года.

Билъ намъ чоломъ околничий смоленский князь Иванъ Ивановичъ и поведилъ передъ нами, штожъ наместникъ смоленский панъ Юри Андреевичъ далъ ему селцо тяглое в Смоленскомъ повете в Максимовскомъ на имя Теледейковскую а Боровкову, а с тыхъ дей земль передъ тымъ даивано на третий годъ по корабелнику. Ино коли будеть с того селца служба тяглая бывала, а с тыхъ двухъ землицъ на третий годъ по корабелнику хоживало, и мы его с того селца и с тыхъ дву землицъ нерушили: нехай онъ тое селцо Хорейковыхъ и тые две землицы Теледейковскую а Боровкову держить, со всимъ с тымъ, што к нимъ здавна прислухало. И на то есмо ему дали сесь нашъ листъ из нашою печатью. Псан в Городне, дек. 9 день, индетъ 10. Кн. Зап. Лит. VIII, л. 129.

108.

Листь в.кн. Сигизмунда нам. лосицкому и мельницкому п. Немирѣ Грималичу о томъ, что плебану лосицкому Юрію данъ платъ къ костелу съ людей русскихъ и лядскихъ, согласно данинѣ кор. Александра.

Въ Мельникѣ, 28 декабря 1506 года.

Жикгимонтъ божю милостю великий князь Литовский.

Наместнику мелницкому и лосицкому пану Немири Грималичу и инымъ наместникомъ нашимъ, хто и потомъ отъ насъ будеть Мелникъ и Лосичи держати. Билъ намъ чоломъ плебанъ гадиновский князь Юрей и клалъ передъ нами листь брата нашого Александра, короля и князя, на то, што его милость придалъ ему на поживене ку костелу - Лосицкому, который маеть быти тамъ збудованъ в местечку въ Лосичохъ, плать з волокъ людей лядскихъ и рускихъ по шести грошей с каждое з волоки лядское и по три гроши с каждое з волоки руское за грошъ по десяти пенезей, або по два полугрошки манеты (sic) великого князьства Литовского в каждый годъ на светого Мартина день.

И просилъ насъ плебанъ нашъ князь Юри, абыхмо ему на то дали нашъ листь. Ино мы, выслухавши листа брата нашого короля его милости, на то дали ему сесь нашъ листъ, штожъ мають Лосичане лядские люди с каждое свое волоки давати по шести грошей, а рускии люди такежь кождый съ своее волоки по три гроши, за грошъ по десети пенезей, або по два полугрошки минцы великого князства Литовского. И ты бы всимъ лодемъ Лисичаномъ лядскимъ и рускимъ приказалъ, абы ему тотъ платъ в кождый годъ на тотъ рокъ вышеписаный на светого Мартина день сполна давали подле листу брата нашого короля его милости. Нехай бы онъ, мешкаючи при томъ костеле, который тамъ маеть збудованъ быти, с того собе поживене мелъ, а любо коплана тамъ ховалъ, который бы за насъ господаря Бога просилъ. Псанъ в Мелнику, дев. 28 день, индиктъ 10. — Прит. были князь Войтех бискуп луцкий, мар. великий панъ Ян Юревич, воев. троц. пан Мик. Миколаевичъ, мар. и охм. нам. ков. пан Войтех Янович и иные панове рада наша вел. кн. Литовского.

Кн. Зап. Лит. VIII, л. 131-131 об.

109.

Листъ кор. Сигизмунда I намѣстнику смоленскому п. Юр. Зеновъевичу, владыкѣ Іосифу и окольничимъ смоленскимъ о томъ, что корчмы смоленскія переданы королемъ мѣщ. смоленскому Олисею Лисневу, съ объясненіемъ причинъ передачи.

Въ Краковѣ, 26 февраля 1508 года.

Жикъгимонтъ, божю милостю король и великий князь.

Наместнику смоленскому пану Юрю Зеновъевичу и нареченому митрополиту киевскому и всея Руси владыцѣ смоленскому Иосифу и ОКОЛНИЧимъ смоленскимъ. Што есмо перво сего приказали околничому смоленскому, наместнику высокодворскому пану Богдану Сопезе и казначею смоленскому князю Тимофею Филиповичу Крошинскому корчмы смоленские заведати к верной руце для того, ижъ староста места Смоленского войтъ менский Аврамъ, пришодши передъ нами в Городне поведилъ, штожъ дей с тыхъ корчомъ намъ ничого нетъ, бо дей служебные наши иншие люди многие тамъ корчмы мають потайные. А и тыми разы писали к намъ поведаючи околничий смоленский панъ Богданъ Сопега и казначей смоленский князь Тимофей, штожъ дей таки и до сихъ часовъ тамъ многие люди кормы мають, а они дей того встягнути не могуть, и для дей того платъ нашъ весь