сего году згинеть; ино не мелоль бы намъ с того ничого быти, а тамъ бы мели корчмы держаны быти безъ ведома. И мы, нехотячи в томъ шкоды мети, продали есмо тые корчмы мещанину смоленскому Олисею Лисневу за чотыриста копъ грошей на годъ. А к тому клалъ передъ нами тотъ Лисневъ листь брата нашого Александра короля его милости, в которомъ жо листе выписано, штожъ его милость даль былъ ему доходецъ въ месте. Смоленскомъ узвестку брати за тые пенязи, што онъ отъ староства давалъ брату нашому и врядникомъ его милости, бо дей всего того выдалъ полтретяста копъ грошей. Ино дей мещане смоленские недопустили ему брати того доходу и брать дей нашъ казалъ имъ самимъ тые пенязи ему заплатити. А потомъ дей они били чоломъ брату нашому, Александру королю, и его дей милость за ся взялъ то на себе, а рекъ Лисневу на иншомъ местцу вказати заплату тымъ пенеземъ. И онъ тыми разы и того долгу брата нашого намъ поступилъ за тые жъ корчмы. А рокъ ему в тые корчмы увязатися о середопостьи прийдучомъ, которое будеть сего индикта первогонадцать, и держати ему весь годъ сполна до тогожъ року до середопостья, што будеть индикта второгонадцать. А какъ половину года выдержавши, маеть намъ заплатити двесте копъ грошей, а другую полгода выдержавши, маеть то намъ такежъ двесте копъ грошей заплатити, або тому, кому в него тые пенези дадимъ. И вы бы в тые корчмы не вступалися ничимъ и приказали бы есте подъ виною пашою подъ сту рубли грошей, абы иный нихто корчомъ в тотъ годъ тамъ немелъ, а и своимъ бы еси слугамъ, пане Юри, корчомъ тамъ, не велелъ держати. А естли бы хто черезъ тое хотелъ тамъ корчмы варити, в таковыхъ казали есмо ему меды и пива на насъ забирати. и еще на нихъ кажемъ тую вину нашу сто рублевъ грошей справити; а вамъ приказуемъ, абы есте на тыхъ ему помочни были и отъ иныхъ отъ таковыхъ кривдъ его и слугъ его боронили конечно, а инако бы есте того не делали: нехай бы намъ в томъ шкоды не было и плать бы нашъ не понижался. Тежъ бы есте его самого и тыхъ людей его, которымъ онъ тые корчмы полетить зъ своее руки заведати, не судили и не радили и децкихъ своихъ на нихъ не давали: кому до него дело будеть, тотъ нехай намъ жалуеть, ино мы сами господарь тому с нимъ справедливость вделаемъ, а кому до тыхъ людей его дело будеть, которымъ онъ з своее руки тые корчмы полетить заведати, тому опъ вжо маеть с тыми корчмиты своими справедливость вчинити. Псанъ в Кракове, фев. 26 день, индиктъ 1-1.

Кн. Зап. Лит. VIII, л. 98 об.—99.

110.

Квитація кор. Сигизмунда 1 старостѣ смоленскому Авраму съ позволеніемъ ему выбрать долгъ его съ коморы Ковенской, которою онъ завѣдываетъ.

Въ Минскѣ, 26 іюня 1508 года.

Жикгимонтъ божю милостью король.

Чинимъ знаменито симъ нашимъ листомъ. Што брали панове рада наша пенези въ старосты места Смоленского войта менского Аврама, будучи у Вилни безъ бытности нашое для нашое великое потребы и земское, и личбу намъ с того тыми разы в Менску выдалъ. И МЫ

ему остали винпи за тотъ долгъ осмъ сотъ копъ и сем копъ и пятнадцать грошей. И мы ему тые пенези дозволили выбрати съ коморы нашое соляное в Ковне, которуюж онъ самъ отъ насъ заведаеть, и тымъ же листомъ нашимъ его квитуемъ. Писанъ въ Меньску, июнь 26 день, индиктъ 11.

Кн. Зап. Лит. ѴШ, л. 102.

111.

Листъ кор. Сигизмунда 1 двор. Мартину Вековичу на осаду мѣста, торгъ и корчмы въ им. его Ляляхъ въ Жомойти.

Въ Минскѣ, 30 іюня 1508 года.

Жикгимонтъ, божю милостю король и великий князь.

Билъ намъ чоломъ дворянинъ нашъ Мартинъ Вековичъ и поведилъ передъ нами, штожъ дей многии люди нашы И ИНШЫИ люди приходять до его именья, которое онъ маеть в Жомойти у Видукульской волости на имя Ляли. И билъ намъ чоломъ, абыхмо дозволили ему в томъ его именьи в Лялехъ место садити и торгъ справити и корчмы держати. Ино естли будеть нашимъ местомъ и торгомъ не шкодно, и мы ему дозволили въ его именьи в Лялехъ место садити и торгъ справити и корчмы держати. И на то дали ему сесь нашъ листъ зъ нашою печатью. Писанъ у Меньску, Июнь 30 день,

индиктъ 11.

Кн. Зап. Лит. ѴШ, л. 223.

112.

Листъ кор. Сигизмунда 1 намѣстнику василишскому п. Яну Щитовича о томъ, что король освободилъ ловца Антонца Степанова отъ тяглыхъ повинностей.

Въ Трокахъ, 2 октября 1508 года.

Жавгимонтъ божю милостю король.

Наместнику василишскому пану Яну Якубовичу Щитовича. Билъ намъ чоломъ тотъ ловецъ нашъ з Василишокъ на имя Антонецъ Степановъ и поведилъ передъ нами, штожъ дей землицу подъ собою отчинную не велику держыть и намъ с тое земли дякло дей даеть и в пригонъ и на толоку ходить. И в томъ дей ему тяжкость веливая ся дееть. И билъ намъ чоломъ, абыхмо отъ дякла и отъ тыхъ служобъ тяглыхъ вызволили, а велели ему одною службою ловецкою служыти. Ино коли онъ землицу подъ собою малу держыть, и мы для тое тяжкости в томъ ему ласку и жаловане нашо вчинили: тое дякло и тые службы тяглые ему отпустили. И ты бы вжо дакла на немъ не велелъ правити и в пригонъ и на толоку его выгоняти: нехай онъ намъ с тое земли служыть службою ловецкою потому, какъ и иные ловцы наши. Писанъ у Троцехъ, ок. 2 день, индиктъ 12. Кн. Зап. Лпт. ѴШ, л. 177 об.

113.

Листъ кор. Сигизмунда I намѣстнику василишскому п. Яну Щитовича о томъ, что королемъ освобождены отъ тяглой службы ловцы Пацъ съ братьею Куцевичи.

Въ Трокахъ, 3 октября 1508 года.

Жикгимонтъ божю милостю король и великий князь.

Наместнику василишскому пану Яну Якубовичу Щитовича. Били намъ чоломъ тыи ловцы наши василишский на имя Пацъ зъ братею своею Куцевичи и поведили передъ нами, штожъ дей они земли подъ собою мало мають, а дакла намъ дають бочку жита солянку, а другую бочку солянку овса, а на пригонъ и на толоку ходять, а в томъ дей имъ тяжкость великая ся дееть. И били намъ чоломъ, абыхмо ихъ отъ тыхъ дяколъ и отъ тыхъ служобъ тяглыхъ вызволили, а велели быхмо имъ одною службою [службою]*) ловецкою служити. Ино *) Повторено.

естли будуть они толко бочку солянку жита, а другую бочку солянку овса даивали, и мы имъ в томъ ласку и жаловане нашо вчинили: тые дякла имъ есмо отпустили и на службу тяглую и въ пригонъ невелели имъ ходити. И ты бы вжо отъ того часу неказалъ на нихъ тыхъ дяколъ брати и в пригонъ и на толоку ихъ выгоняти: нехай они намъ служать зъ земли своее службою ловецкою потому, какъ иные ловцы наши. Писанъ в Троцехъ, окт. З день, индиктъ 11. Кн. Зап. Лит. ѴШ, л. 177 об.

114.

Листъ кор. Сигизмунда 1 старостѣ смоленскому Авраму о передачѣ ему коморъ Ковенской, Полоцкой и Смоленской въ управленіе за долгъ.

Въ Вильнѣ, 11 февраля 1509 года.

Жикгимонтъ, божю милостю король и великий.

сотъ

Чинимъ знаменито симъ нашимъ листомъ, штожъ староста места Смоленского войтъ менский Аврамъ выдалъ намъ личбу с коморы соляное Ковеньское и после тое личбы, што давалъ на росказанье наше служебнымъ и жолнеремъ и тежъ служебнымъ киевскимъ и смоленскимъ сукны и пенезми. И што тежъ давалъ до подскарбего нашого Оксамиты и одамашки и сукны и на иные потребы паши, всего того остали есмо ему винни пять тисячъ копъ и шесть копъ и тридцать копъ и пятдесять грошей. И в той вышереченой суме пепезей дали есмо ему коморы наши соляную Ковенскую и комору восковую и соляную Полоцкую и теж восковую комору Смоленскую к верной руце до тыхъ часовъ, поки онъ тую пять тисячъ копъ и шесть сотъ копъ и тридцать копъ и пятдесятъ грошей с тыхъ коморъ выбереть. А маеть тые коморы почати заведати отъ сихъ мясопусть прийдучихъ, которыи жъ будуть сего индикта втарогенадесять. И на то есмо ему дали сесь нашъ листъ з нашою печатью. Писанъ у Вильни, мц. фев. 11 день, индиктъ 12.

Кн. Зап. Лит. ѴШ, л. 108 об.

115.

Запись о деньгахъ, выданныхъ стар. смоленскимъ Аврамомъ на розсказанье королевское.

Въ Краковѣ, 23 іюня 1509 года.

Въ Кракове, мца іюнь 23 день, индиктъ 12.

Староста места Смоленского войтъ менский Аврамъ положиля

на личбе, што выдалъ после выеханья господарского на росказанье

его милости тисячу копъ и 100 копъ и три копы и сорокъ грошей. А на квитацеи выдалъ в той же суме 200 копъ и 80 копъ и полсемы копы грошей.

Кн. Зап. Лит. VIII, л. 109 об.

116.

Грамота кор. Сигизмунда 1 игумену монастыря св. Тройцы въ Смоленскѣ Варламію съ братьею на доходы съ данниковъ Демида Майковскаго съ братьею, согласно данинѣ кор. Александра.

Въ Смоленскѣ, 1 сентября 1509 г.

Живгимонтъ король и великий князь.

Били намъ чоломъ игуменъ светое Троицы Смоленский на имя Варламей з братьею и повѣдили намъ, штожъ здавна давано имъ кадь меду прѣсного е погреба нашого. Ино дей врадники нашы смоленскии тое кади меду непочали к манастырю (s.) светое Троицы давати. И покладали передъ нами листъ брата нашого щасное памяти Александра короля его милости, в которомъ жо листе выписано, штожъ далъ его милость имъ напротивъ тое кади меду в Буйгородку кадь меду прѣсного в людей пашыхъ данниковъ в Демида Майковского и в его братьи. А который они плать и дачки намъ и врядникомъ нашымъ смоленскимъ с тою кадю даивали пудовню меду малиновную и дванадцать грошей, а вѣщое и вставное, и пищое мѣрку хмѣлю, его милость того имъ не далъ. И били намъ чоломъ, абыхмо имъ и тыи дачей к той кади меду к манастырю светое Тройцы прыдали. Ино мы на ихъ чоломбитье з ласки нашое и тежь на прычыну пановъ радъ нашыхъ тыи вси подачки, который передъ тымъ к той кади меду хожывали: пудовню меду малиновную, а дванадцать грошей, а вѣщее и въставное, и пищое, и мѣрку хмелю имъ есмо прыдали в той кади меду вѣчно ему и напотомъ будучымъ игуменомъ. И ненадобе ся в то никому вступати, толко игуменъ з братею мають тую кадь меду и тыи вси доходы к манастыру светое Тройцы брати. А на твердость того и печать нашу казали есмо прыложыти к сему нашому листу. Писанъ в Смоленьску, сен. 1 день, индик 12.

Кн. Зап. Лит. ҮШ, л. 237-237 об.