117.

Вырокъ кор. Сигизмунда 1, которымъ люди Митрохановы Дубровенскаго пути признаны путными, хотя они и были выпрошены двор. М. Данилевичемъ за тяглыхъ.

Въ Смоленскѣ, 2 сентября 1509 года.

Жикгимонтъ божью милостью.

Смотрели есмо того дела. Стояли передъ нами очевисто, жаловали намъ тыи люди Смолняне Дубровенскаго путя с Кобылеи на имя Митрохановы на дворанина нашого Михайла Данилевича тымъ обычаемъ, штожь онъ выпросилъ ихъ у брата нашого славное памяти Александра короля за тяглыхъ людей, а тыи люди поведили передъ нами, штожъ здавна они путный люди, а нѣ тяглыи. И Михайло покладаль передъ нами листъ данину брата нашого его милости Александра короля; в томъ листѣ стоить, ижъ его милость далъ ему ихъ за тяглыхъ людей. Ино тыи Митрохановы к тому рекли, штожъ они николи тяглою службою не служывали, только путною службою служать и дани нашое дають кадь мѣду пресного до погрѣба в замокъ нашъ Смоленьский, а двѣ копѣ грошей. И мы казали Михайлу Данилевичу доводъ на нихъ вчинити, естлибы они тяглою службою служывали. И Михайло доводу на нихъ жадного не вчынилъ. А тыи люди поставили передъ нами прыказника Дубровеньского путя и BCIO Волость Дубровеньскую а тивуна Глушыцкого. И тотъ прыказникъ и волость и тивупъ Глушыцкий передъ пами светчыли, ижъ тыи люди николи тяглою службою не служывали, толко путною службою служать и дапь нашу кадь меду пресного дають до погрѣба в замокъ нашъ Смоленьский, а двѣ копѣ грошей. А потомъ Михайло и самъ ся к тому прызналъ, штожъ они люди путный, а онъ ихъ выпросилъ в брата нашого его милости, неведаючы, за тяглыхъ людѣй. Ино мы с паны радами нашыми того мѣжы ними досмотревшы и такъ есмо вчынили: коли тыи Митрохановы доводъ на то вчинили, ижъ они люди путный, а к тому водлѣ сознанья Михайлова тыхъ людѣй есмо правыхъ знашли, и вжо есьмо Михайлу в нихъ не казали ся вступати. Мають они и нынѣ намъ служыти путною службою и дали (дани) кадь мѣду пресного в замокъ нашъ Смоленьский до погрѣба давати, а двѣ копѣ грошей по давному. Писанъ у Смоленску, сен. 2 день, индик 12. —Пр. тм. бли. воев. тр. пн. Мк. Мк., гет., стр. луц. и бр. и вѣн. мр. Вл. зем. кн. Кос. Иван. Острз., пн. тр. стр. жом. пан Стан. Ян. Кн. Зап. Лит. VIII, л. 284 об.—285 об.

118.

Грамота кор. Сигизмунда 1 намѣстн. кричевскому Ваську Ошушисину о томъ, что король далъ дань съ села Лобковичовъ на церковь Богоматери Пустнынскаго монастыря въ Кричевѣ.

Въ Смоленскѣ, 20 сентября 1508 года.

Наместнику кричовскому Васку Ошушисину и инымъ наместникомъ нашимъ, хто напотомъ будеть отъ насъ Крычовъ держати. Придали есмо на церковь божю Пречистое Богоматеры манастыра Пустынского Прохирева во Мстиславли три рубли грошей дани нашое, которую жъ намъ дають з села Кричовского на имя Лобковичовъ. А придали есмо тую дань три рубли грошей на тую церковь божью Пречистое Богоматере вечно на веки вечный. И ты бы тымъ людемъ Лобковичомъ приказалъ, ажъ бы они тую три рубли грошей в кождый годъ сполна к той церкви Божей Пречистой Богоматери выдавали, а серебщину нашу и иныи поплатки намъ давали по давному.

Сверху листа помѣта: Справы при писари Богуши Боговитиновичи -данины на именья у Смоленску, сен. 20 день, индикт 12 Кн. Зап. Лит. VIII, л. 239 об.

119.

Листъ кор. Сигизмунда 1 нам. веленскому и мерецкому п. Юрію Миколаевичу Радивилу о томъ, что король разрѣшилъ мѣщанамъ Веленскимъ работы лѣсныя въ пущѣ Веленской.

Въ Вильнѣ, 7 декабря 1508 года.

Намѣстнику мѣрецкому и вѣленскому пану Юрью Миколаєвичу. Били намъ чоломъ войтъ места Вѣленского и бурмистрь и радци и вси мѣщанѣ о томъ, абыхмо имъ дозволили у пущы нашой Веленской близко мѣста попелъ жечы и кляпки робити в тыхъ мѣстехъ, где имъ выписано в привильи брата нашого и в нашой дрова брати. А то для того, ижъ тыми разы з Божего допущенья в нихъ голодъ и не мають ся чымъ пожывити. А повѣдали намъ, ижъ тамъ намъ нешкодно в тыхъ мѣстехъ в той пущы нашой. Ино естли будетъ намъ тамъ нешкодно, и мы имъ для тое причыны дозволили на годъ в пущы нашой в тыхъ мѣстехъ, гдѣ имъ выписано в прывильи брата нашого и в нашомъ, попелъ жечы и кляпки робити, почонъ отъ сего

1

Бож. нароженя индикта второгонадцать аж до другого Божьего нароженья. И ты бы имъ того не заборонялъ. Писанъ у Вильни, дек. 7 день, индиктъ 12.

Кн. Зап. Лит. VIII, л. 244.

120.

Привилей кор. Сигизмунда 1 п. Миколаю Миколаевичу Радивилу на осаду мѣста въ им. его Ваневѣ на правѣ холмскомъ и на взиманіе мыта на мосту его черезъ р. Наревъ.

Въ Краковѣ, въ іюнѣ 1510 года.

Жикгимонтъ, божю милостью король польский.

Билъ намъ чоломъ воевода виленский канцлѣръ нашъ панъ Миколай Миколаевичъ и просилъ насъ, абыхмо дозволили ему у выймѣньи его у Ваневѣ мѣсто садити и на томъ его мосту, который онъ в томъ своемъ имѣньи своими людми новозбудовалъ черезъ реку Наровъ, мыто дали. Ино мы з ласки нашое, впамятавши его к намъ вѣрную службу, на его чоломбитье то вчинили: в томъ его имѣньи у Ваневѣ дозволили ему мѣсто садити с корчмами и ЗЫНШИМИ ВЖИтки, какъ онъ самъ налепей будеть розумѣти, подъ правомъ холмскимъ. И на томъ мосту, который онъ своими людьми черезъ реку Наровъ тамъ в томъ своемъ имѣнья збудовалъ, мыто дали тымъ обычаемъ: отъ бочки товару ото дна по грошу, а отъ коня по грошу, отъ великого быдла отъ вола або отъ яловицу по полъ-гроша, а отъ малого быдла по бѣлому пѣнязю, отъ пѣшого человека по пѣнязю. А дали, есмо то вѣчно ему самому, его жонѣ и ихъ дѣтемъ и напотомъ будучимъ ихъ счадкомъ. А на твердость того и печать нашу казали есмо приложити в сему нашому листу. Писанъ в Краковѣ, лѣта божего тисяча пятьсотъ десятого, мца июнь, индиктъ 13.

Кн. Зап. Лит. VIII, л. 355.

121.

Отчетъ Васьки Костюшковича по приходу и расходу денегъ съ восковыхъ коморъ, представленный имъ подскарбію земскому Ө. Хребтовичу при пис. Б. Боговитиновичѣ, за время съ 15 янв. 1507 г. по 8 сент. 1508 г.

S. 1., 8 сентября 1508 года. Справа почалася при Богуши писари у Смоленску, месеца сентебря 8 день, индиктъ 12, на Матки Божъи последнее день.

Делалъ личбу у вобозе Васко Костюшковичъ изъ своими бурсники передъ подскарбимъ земскимъ паномъ Ѳедкомъ Хребтовичемъ а

передъ писаремъ паномъ Богушомъ Боговитиновичомъ. Приходъ тыхъ пенязей восковничихъ, што они собрали за два годы безъ чотырехъ месецей и безъ осми день, почавшы отъ индикта десятаго месеца генваря пятыйнадцать день до индикта второгонадцатъ месеца сентебря осмого дни, тисячу копъ и триста копъ и осмдесятъ копъ и шесть копъ и десять грошей.

K

А росходъ тымъ пенеземъ: до Андрея минцаря отослали Вильни 500 каменей воску безъ семи каменей. То делаеть 500 копъ безъ 7 копъ.

Служебнымъ выдали Смоленскимъ 200 копъ безъ 10 копъ и 10

грошей.

Королю послали Пузыниномъ сыномъ княземъ Тимофеемъ 100 копъ и 5 копъ; на то квитацею вказали. Королю жъ его милости до Вильни сами отнесли Гриша Остаповъ и Тиша, Васковъ братъ, 400 золотыхъ черленыхъ; то делаеть пенезей 200 копъ и 20 копъ; на то

листа нетъ.

Фурмону выдали отъ воску 20 копъ и 2 копе.

Авраму, старосте смоленскому, 2 копе; на то листъ.

Пану Петру Кутю дано на квитацеи 20 копъ и онъ взялъ 30 вопъ.

Толмачу Речипу 10 копъ на квитацей.

Послу царя Перепопского на комку 3 копы и 20 грошей.

На квитацеи тымъ же служебнымъ удругое готовизною и сукномъ 200 копъ безъ десяти грошей.

На пана Станиславовъ Кищинъ листъ дали радцомъ сорокъ копъ, и листъ указали.

Тымъ же радцомъ дали за полтретяста золотыхъ кусыхъ 90 копъ и 2 копъ безъ 20 грошей на листы.

Тымъ же радцомъ за 200 золотыхъ 70 копъ и 3 копы и 20 грошей на листъ.

Меду пресного купили на короля за 30 копъ и за две копе безъ 11 грошей.

Пану Ѳедьку подскарбему 20 копъ.

Кн. Зап. Лит. ѴПІ, л. 103-103 об.

122.

Запись о доходахъ Полоцкой поморы.

С Полоцкое помори.

Сума всему воску первого году, што за границы пропустили 14 тисячъ каменей и 4 ста и 11 каменей.

А с того воску взяли пенезей тисяча копъ и 4 ста и сорокъ копъ и копа и 6 грошей.

А другого году пропустили воску за границу всего 4 тисячи каменей и осмъ сотъ и 12 каменей.

А пенезей взяли с того воску 400 копъ копу и 12 грошей.

и осмдесятъ опъ и

Сума тои соли, што первого году взяли мыта з девятинадцати тисячей и с трехъ сотъ и съ семидесятъ и съ четырехъ меховъ соли. А пенезей взяли с тое соли тисяча копъ и двесте копъ и девеносто копъ и полторы копы и 10 грошей.

Сума тои соли, што другого году мыто брали з десяти тисячей

и с осми сотъ и с пятидесятъ лоховъ соли.

А пенезей с тое соли взяли семъ сотъ копъ и 23 копы и 20 грошей.

Сума всимъ пенезямъ, што взяли первого году и другого, з воску, изъ соли три тисячи копъ и 9 сотъ копъ и 30 и 7 копъ и 14 грошей.

Кн. Зап. Лит. VIII, л. 105.

123.

Запись о приходѣ и расходѣ денегъ, полученныхъ съ коморы Ковенской съ 12 (13) іюля 1507 г. по 25 дек. 1509 г.

На память.

S.l., 1509 r.

Аврамъ поведилъ, ижъ взялъ с коморы Ковенское соленое, почонъ отъ дня светое Малкгореты, которое жъ было индикта десятого, до свята Божего нароженя, которое жъ было индикта второгонадесятъ, сумою 7000 копъ.

Росходъ тому:

Отъ того часу на вызнаняхъ и на квитацеяхъ, што выдалъ до Божего нароженя зъ росказаня короля его милости, такъ какъ на личбе передъ его милостью самимъ положилъ чотыри тисячи копъ И осмъ сотъ копъ и шестьдесятъ и пять копъ и 21 грошъ.

А опять до Смоленска приехавши, давалъ на росказане его милости 9 сотъ копъ и 80 копъ и 7 копъ и 10 грошей.

А што у Вилни давано ротмистромъ за ихъ службу сукны черезъ Аврамовы руки и тежъ особно Аврамъ имъ же давалъ черезъ пана Ѳедка подскарбего руки и инымъ, кому сукна, одамашки даваны, сума тому 2000 копъ и 900 копъ и 60 копъ и 5 копъ и 7 грошей.