мѣлъ бы дитя свое зоставити, або самъ з мѣстца зойти, ино мещане, старшые мужи, вся волость Мозырская поднялися и злюбили в намъ тые пѣнязи сами на себе на богатшихъ мужей роскинути и намѣстнику нашому заплатити, абы для того тотъ чоловекъ дитяти своего в неволю не далъ, або самъ з мѣстца не сшолъ. Паклибы они того намъ не хотели полнити, подлугъ слюбу своего, а для того мелъ бы который чоловекъ дитя свое в неволю дати, або самъ 3 мѣстца зойти, тогды мы ихъ маемъ за таковый выступъ виною нашою сказнити, абы напотомъ того ся недопускали. А на твердость того и печать нашу казали есмо привѣсити в сему нашому листу. Писанъ в Краковѣ, дек. 8 день, индик 13.

Кн. Зап. Лит. ѴІШ, л. 322-324.

127.

Личба кор. Сигизмунда съ Васькомъ Хитрымъ.

Въ Краковѣ, 29 февраля 1511 года.

Въ Кракове, мца фев. 29 день, индиктъ 14. Взяли личбу з Васкомъ Хитримъ. Ино вжо его дошло девятсотъ полубочковъ жита и пятнадцать полубочковъ, взялъ, поведаеть, отъ пана Станислава Петровича, старосты городенского, шесть сотъ полубочковъ безъ девяти. А отъ городничого городеньского пана Ѳедка Гавриловича триста и двадцать и чотыри полубочки жита, а 16 поставовъ сукна лунского, каждый поставъ по десяти копъ личачи. Ино ещо король его милость виненъ ему 100 копъ и 20 копъ.

Кн. Зап. Лит. VIII, л. 114 об.

128.

Вырокъ кор. Сигизмунда 1 дворянину Петрашку Калусовскому съ мѣщанами Володимирскими о томъ, что Калусовскій не долженъ брать съ мѣщанъ мыта въ своемъ имѣніи, потому что хотя в. кн. Витовтъ далъ мыто въ им. Калусовѣ владѣльцу его жиду Шаню, но по листамъ в. кн. Свидригайла, кор. Казимира и самого Сигизмунда 1 мѣщане освобождены отъ платежа мыта по всему Володимерскому повѣту и притомъ въ Калусовѣ нѣтъ ни моста, ни гребли.

Въ Краковѣ, 2 марта 1511 года.

Жикгимонтъ, божю милостью король польский.

Смотрели есмо того дела. Стояли передъ нами очевисто, жаловали намъ войтъ и вси мешчане места Володимерскаго на дворенина на

шого Петрашка Калусовского о томъ, штожъ бы онъ имъ кривды делалъ и новину уводилъ: мыто на нихъ на доброволной дорозе бралъ по грошу, а по сту головажень соли, гдѣ дей здавна мыто николи не бывало. И Петрашко Калусовский вказывалъ передъ нами привилей великого князя Витовта. Ино в томъ привилью пишеть, штожъ бы великий внезь Витовтъ далъ якомусь жиду на имя Шаню тое именье Калусово и его потомкомъ со всимъ: зъ землями пашными, и бортными, и зъ мытомъ гребельнымъ, и мостовымъ, и болотнымъ. А мешчане тежъ вказывали передъ нами листы привилея великого князя Швитрикгайла и отца нашого Казимира и брата нашого Александра королевъ ихъ милости и нашу на то, штожъ имъ мыта не давати во всемъ повете Володимерскомъ. А на томъ дей местцы, где Петрашко Калусовский мыто береть ни мосту, ани гребли нетъ, и мыта тамъ не даивали на томъ местцы, нижли дей ново мыто тамъ встановилъ. А и самъ Калусовский къ тому ся зналъ, штожъ тамъ в томъ селе на той дорозе, где на нихъ хотелъ мыто брати, ни гребли, ни мосту нетъ. И мы порозумевши тому, штожъ в привилеи великого князя Витовъвѣ (sic) пишеть тымъ обычаемъ, штожъ только жиду Шаню далъ великий внязь Витовть Калусово зъ мытомъ мостовымъ и гребелнимъ, видело се намъ тымъ обычаемъ: коли в мешчанскихъ привилеяхъ великого князя Швитривгайла и отца и брата нашого королевъ ихъ милости и в нашомъ привилеи тежъ выписуеть, штожъ имъ, мешчаномъ володимерскимъ, мыта не давати у Володимерскомъ повете, а наболей, ижъ в томъ именьи на дорозе великой ни мосту, ани гребли нетъ, где Калусовский мыто на нихъ бралт, не казали есмо таки мешчаномъ мыта тамъ давати, подлугъ привилеевъ великого князя Швитрыкгайла и отца и брата нашого королевъ ихъ милости и нашого. А што будеть Петрашку (sic) Калусовский в нихъ пограбилъ, то казали есмо имъ поотдавати. И на то есмо дали имъ сесь нашъ листъ з нашою печатью. Псанъ в Кракове, лета божего тисяча пятьсотъ первогонадцать, мца мар. 2 день, индиктъ 14. -Прит. были: мар. и сек. им. вит. и брс. пн. Иванъ Соп., а подком. нам. ейш. пн. Ан. Дов., а мр. нам. дов. пн. Бгуш. Бгови., писар. а кон. двр. нам. вол. и леп. панъ Якуб Кунцовичъ.

Кн. Зап. Лит. VIII, л. 475-475 об.

129.

Вырокъ кор. Сигизмунда I мѣщанамъ кіевскимъ съ преоромъ кляштора св. Николая о размѣрѣ мыта, которое мѣщане должны давать на кляшторъ.

Въ Краковѣ, 22 марта 1511 года.

Жикгимонтъ божю милостью король полский.

Смотрели есмо того дѣла. Стояли передъ нами очевисто, жаловали намъ войтъ и вси мещане места Киевского на преора киевского кляштору святого Миколая на князя Моизѣша о томъ, ижъ бы онъ кривды имъ чинилъ И новины уводилъ, а бралъ на нихъ мыта не по давному: отъ дубаса дей береть по копе грошей, а отъ комяги по полукопе, а отъ струга по пятнадцати грошей, а отъ чолну великого по дванадцати грошей, а отъ малого по шести грошей. А здавна дей есмо никоторому преору на кляшторъ того мыта не даивали, нижли дей есмо здавна тое мыто тымъ обычаемъ на тотъ кляшторъ даивали: коли которыи мешчане киевскии привезуть жита рекою, або сухимъ путемъ, тогды бирано на кляшторъ отъ колоды по грошу, а отъ осмака по пѣнезю. И пресръ на то покладалъ передъ нами листы привилья князя Александра Олельковича Володимеровича; и в тыхъ листехъ такъ нашли есмо, штожъ не выписано о дубасехъ, а ни о комягахъ, нежли мають давати поколодное мыто. И мы того межи ними досмотревши, и мешчанъ киевскихъ при томъ есмо оставили, ижъ мають мешчане киевскии отъ тыхъ часовъ преору на кляшторъ мыто поколодное давати подлугъ привилеевъ князя Александра Олелковича, которыи у преора, потому какъ здавна бывало: коли привезуть которыи мешчане киевский жито до Киева рекою, або сухимъ путемъ, и будеть преоръ ихъ поведанью верити, колко будеть в суднѣ колодъ, або осмаковъ, тогды онъ подле ихъ поведанья маеть в нихъ мыто поколодное брати отъ колоды по грошу; в которой жо колоде осмъ осмаковъ, а отъ осмака по пѣнязю, а отъ воза по полугрошу; и четвертку имъ волно свою держати, подлугъ давного обычая. Естлижъ преоръ не всхочеть имъ верѣти, тогды мешчане мають жито подъ его сведомомъ в колоду мерыти, а не в его четвертку, и мыто отъ колоды давати. А мають они четвертки свои по старому держати. И никоторыхъ новинъ преоръ не маеть имъ уводити, нежли мають они в томъ подлугъ давного обычая справоватися. И на то есмо дали имъ сесь нашъ листъ з нашою печатью. Псанъ в Кракове, мар. 22 день, индикт 14.

Кн. Зап. Лит. VIII, л. 481—481 об.

130.

Листъ кор. Сигизмунда 1 стар. городенскому п. Станиславу Петровичу о томъ, что король позволилъ соленику Станку Юревичу съ сыновьями служить службою панцырною вмѣсто соляницкой.

Въ Берестьи, 18 іюня 1511 года.

Жикгимонтъ божю милостью корол и великим кнзь.

Старосте городенскому пану Станиславу Петровичу. Билъ нам чолом том сольник городенский на има Станко Юревич изъ сынми своими Стецом а с Петром а з Мартином, штож они служили нам СОЛАНИЦЕОЮ службою, а даивали в кождый год по бочце соли на замок нашъ Городенский. И били намъ чолом, абыхмо тоє соли на нихъ брати не велели и казали им служити службою панцерною. Ино мы им в том ласку нашу вчинили: тую сол им есмо отпустили. Твоя бы млсть вже тоє соли на них брати не велел: нехай они служат нам панцерною службою, на воину ходит потому, как и иным слуги наши панцерным поспол з бояры нам служат. Псан в Берести, июн 18 днь, индик 14.-Прк. мр. стр. бер. и лид. пан. Юр. Иван. Ильинича. Кн. Зап. Лит. 1X, л. 162 (=167); No акта 319.

131.

Листъ кор. Сигизмунда 1 старостѣ городенскому п. Станиславу Петровичу о томъ, что король подтвердилъ землю Мойсейковщину Городенскаго пов. человѣку Оленевичу съ братьею и придалъ имъ еще дядьковщину ихъ на „особную службу".

Въ Берестьи, 13 іюля 1511 года.

Жикгимонт бжию милостью и великий кнзь.

Старосте городенскому папу Станиславу Петровичу. Били нам чолом тым люди наши Городенского повѣта на има Иван Оленевич з братею своєю и вказывали перед нами листь твой. В том листе стоит, штож ты дал имъ землю пустовскую Городенского повѣта на има Мойсейковщину на особную службу и дакло. И били нам чолом, абыхмо им на то дали нашъ листъ. Ино мы водле листу твоего дали имъ на то сесь нашъ листъ: нехай они тую землю Мойсековщину держать, а намъ с неє службу особную служат и дакло дают потому, как перед тым з тоє земли служба и дакло шло. И теж повѣДили перед нами, штож дей дадковичь его на има лекса Ходынич,

немогучи зо отчизны своее службы послужити, исшол прочь, и тыми дей разы тая земла дадковщина их лежит пуста. И били нам чолом, абыхмо то придали им къ их отчизне, бо дей в нихъ земли отчинное велми мало: не мают, с чого пам службы суполное послужити. Про то абы твоя млсть того достаточне са довѣдал, єстьли будет то нам нешкодно, твоя бы млсть им призволил тую Ходыковщину пахати дотол, поки тоТ ДАТЕОВИЧ ЕХ на тую отчизну свою приидеть. Псан в Берести, июл 13 днь, индик 14.

Кн. Зап. Лит. IX, л. 162 (=167); No акта 318.

132.

Листъ кор. Сигизмунда 1 бояр. витебскому Юхну Болгариновичу на разныя земли, купленныя имъ у разныхъ лицъ въ Витебскомъ

повѣтѣ.

Въ Берестьи, 23 іюля 1511 года.

въ

на

Билъ нам чолом боярин витебский Юхно Болгаринович и повѣдил перед нами, штож купил селцо в бояр витебских стрейковичох братаничах его В Милюсты Сорвироговых има Матфейковщину, а другоє селцо в путников наших в Латыголе на има в Парфеника Киликейнича, а третеє селцо теж купил в людей наших Витебского повѣта въ Якуба, а въ Юникся, а въ Якова, а въ Остани таглое на има Даниловское. И на то листы купчии перед нами вказывал и билъ нам чолом, абыхмо дозволили єму тыи купли его держати и потвердили то ему нашим листом. Ино мы в том ласку нашу вчинили, тым селца куплю его казали єму держати со всим с тым, как купил, а намъ с того службу земскую служити, а пошлин и подачок, што будет перед тым с тых земль хоживало, не надобѣ ему знати. И на то дали єсмо єму сесь нашъ листъ з нашою печатю. Псан в Берести, июл 23 днь, индик 14.

Кн. Зап. Лит. IX, л. 162 об. (=167 об.), No акта 320.

133.

Утвержденіе кор. Сигизмундомъ 1 отчета

подскарбія земскаго

Аврама Езофовича о приходѣ и расходѣ королевскаго скарба съ 24 авг. 1509 г. по 3 октября 1511 г.

Жикгимонтъ божю милостью.

Въ Берестьи, 3 октября 1511 года.

Чинимъ знаменито симъ нашимъ листомъ, штожъ брали есмо личбу с паны радами нашими в подскарбего земского в пана Абрама