Езофовича лета божего тисяча пятьсотъ первогонадцать, мца октебря третий день, у вилию светого Франтишка, в пятницу, у великой светчицы, индикта пятогонадцать. Поведилъ намъ, штожъ взялъ с коморъ нашихъ. С коморы Ковенское, почонши отъ мясопустовъ, которие были индикта четвертогонадцать, три тисячи копъ и триста и шестьдесять копъ и шесть сотъ попъ грошей. Также з мынцы взялъ отъ светого Балтромея, которое свято было индикта третегонадцать до Великодня, которое свято было индикта четвертогонадцать, тисячу копъ грошей. А в Занка, городничого виленского, а въ Вондрея, восковничихъ виленскихъ, взялъ с коморы Виленское, почонъ отъ тогожъ светого Балтромея, которое свято было тогожъ индикта третегонадцать до Великодня, которое свято было индикта четвертогонадцать, тисячу копъ грошей. А с коморы Полоцкое взялъ, почонъ отъ тогожъ светого Балтромея, которое свято было тогожъ индикта третегонадцать, до мясопустовъ, которыеж были индикта четвертогонадцать, тисячу копъ и полчетверта ста вопъ грошей. А съ Смоленское коморы взялъ отъ тогожъ светого Балтромея дня, которое жъ свято было индикта третегонадцать, до семое суботы, которие жъ светки были индикта четвертогонадцать, осмъ сотъ копъ грошей безъ полуторы копы грошей. А в Михеля с коморы Берестейское и Луцкое взялъ отъ тогожъ светого Балтромея дня, которое свято было индикта третегонадцать, до светого Михала дня, которое свято сего индикта пятогонадцать, тисячу копъ грошей. А в Оврама Шахновича с коморы Луцкое взялъ отъ тогожъ светого Балтромея дня, которое свято было индикта третегонадцать, до светого Михала дня, которое свято сего индикта пятогонадцать, двесте копъ грошей безъ пяти вопъ и семнадцать грошей. А в Майка взялъ с коморы Володимерское отъ тогож светого Балтромея, которое свято было индикта третегонадцать, до светого Михала дня, которое жъ свято было сего индикта пятогонадцать, шестдесятъ копъ и семъ копъ и шесть грошей. А зъ Белское коморы взялъ, почонъ отъ светого Балтромея дня, которое свято было индикта третегонадцать, до светого Михала дня, которое свято индикта пятогонадцать, двесте копъ грошей. А зъ Дорогицкое коморы взялъ отъ тогожъ светого Балтромея дня, которое свято было индикта третегонадцать, до светого Михала дня, которое свято было сего индикта пятогонадцать, двадцать и чотыри копы грошей. А корчомныхъ пенязей индикта четвертогонадцать и иншихъ нашихъ пенезей, што до него дошло, шесть сотъ копъ и шестдесятъ копъ и полосмы копы грошей. Ино онъ вси тые пенези до того дня до светого Франтишка роздалъ на листы и на устное росказанье нашо княземъ, и паномъ, и служебнымъ, и дворяномъ нашимъ и на иные потребы нащи. И назвышъ того остали есми ещо ему винни семъ тысячъ копъ грошей и двадцать копъ грошей. То онъ маеть собе выбрати с коморъ нашихъ. А мы его тымъ листомъ нашимъ квитуемъ. А притомъ были: воевода виленский канцлеръ панъ Миколай Миколаевичъ, воевода троцкий маршалокъ нашъ дворный панъ Григорей Станиславовичъ Остиковичъ, панъ троцкий, староста жомойтский панъ Станиславъ Яновичъ, воевода полоцкий панъ Станиславъ Глебовичъ, староста городенский панъ Станиславъ Петровичъ, воевода витебский Маршалокъ и секретарь нашъ панъ Иванъ Сопега. Сталося и дано на великомъ сойме Берестейскомъ подъ датою вышеписаною. Кн. Зап. Лит. V.Ш, л. 116-117. 134. Роспись городовъ съ показаніемъ количества поставленныхъ ими на войну конныхъ воиновъ. S. 1. et a. Около 1513 года. Зъ месть великого князства, што мають на войну посылати: Што з месть брано отъ войны, ижъ имъ неказано ехати: 3 места Виленского 150 копъ а два поставы сукна лунского, а два колтришскихъ. С Троковъ 10 копъ. 3 Городна 50 копъ. С Ковна 50 копъ. 3 Берестя 100 копъ. Утвержденіе кор. Сигизмундомъ І отчета подскарбія земскаго Аврама Езофовича о приходахъ и расходахъ королевскаго скарба съ 6 марта 1512 г. по 6 марта 1514 г. Самъ Живгимонтъ. 8. 1:, 6 марта 1514 года. Чинимъ знаменито симъ нашимъ листомъ. Штожъ брали есмо личбу с паны радами нашими в подскарбего нашого земского пана Аврама Езофовича лета божего тисяча пятсотъ четвертогонадесять, месеца марта шостого дня, индикта второго, вступивши в постъ веливий на другой недели в понеделокъ. И поведилъ передъ нами, штожъ отъ сойму великого Берестейского, отъ тыхъ часовъ, какъ в Берестьи личбу намъ давалъ, почонъ отъ месеца октебра третего дня индикта пятогонадесеть, за полтретя года до месеца марта шостого дня индикта второго: што до скарбу нашого бралъ з мынцы, и с коморъ нашихъ восковыхъ, и соляныхъ, и с корчомъ и з волостей Поднепрскихъ; и тежь з серебра, изъ грошей широкихъ, што после королевое ее милости небожчицы Алены на насъ пало, - онъ тое серебро и гроши до мынцы нашое далъ бити; и тежъ што долговъ московскихъ справилъ на мещанехъ виленскихъ, што мещане виленскии винни были москвичомъ, и съ серебра того, што у воеводы троцкого маршалка дворного пана Григоря Станиславовича Остиковича взялъ, и с куничныхъ грошей жомойтскиХЪ И зыныхъ всихъ платовъ нашихъ великого князства Литовского, што до скарбу нашого ходить, - суму со всего того положилъ намъ на личбе сорокъ тисячъ вопъ и шесть тисячь копъ и чотыриста копъ и тридцать копъ и шесть вопъ и двадцать и пять грошей. Онъ вси тые пенязи роздалъ на листы наши и на устное росказанье нашо и тежъ на росказанье пановъ радъ нашихъ княземъ, и паномъ, и дворяномъ, и служебнымъ и на иные потребы наши. А особно, што были есмо винни ему, подскарбему нашому пану Авраму, семъ тисячъ копъ и двадцать копъ грошей, и квитовали были есмо его листомъ нашимъ, штожъ онъ мелъ собе то заплатити съ скарбу нашого, ино онъ поведилъ намъ, ижъ тую семъ тисячъ копъ и двадцать копъ собе заплатилъ съ скарбу нашого и тотъ листъ нашъ квитункъ намъ вернулъ. А тыми разы намъ на личбе положилъ, што еще назвышъ того выдалъ на нашо росказане и на наши потребы своихъ влостыхъ пенезей шесть тисячъ вопъ и шестнадцать копъ грошей, то мы маемъ ему заплатити. А мы его тымъ нашимъ листомъ квитуемъ. А при томъ были: воевода виленский канцлеръ панъ Миколай Миколаевичъ, воевода троцкий, маршалокъ дворный панъ Григорей Станиславовичъ Остиковича, панъ троцвий, староста жомойтский панъ Станиславъ Яновичъ, воевода киевский, подчаший, державца мозырский и мерецкий панъ Юри Миколаевичъ, воевода смоленский панъ Юри Глебовичъ, воевода полоцкий, староста белский панъ Олбрахтъ Мартиновичъ Кгаштовтовича, воевода витебский маршалокъ нашъ панъ Янушъ Костевичъ а маршалокъ и писаръ нашъ наместникъ довеговский панъ Богушъ Боговитиновичъ. Кн. Зап. Лит. ѴШ, л. 117 об.—118. 137. Листъ кор. Сигизмунда 1 намѣстнику могилевскому п. Юрію Зеновьевичу, позволяющій ему выбрать одолженныя у него королемъ 1300 копъ гр. съ доходовъ староства Могилевскаго. Въ Вильнѣ, 8 апрѣля 1514 года. Жикгимонтъ, божю милостью король и великий князь. Наместнику могилевскому пану Юрю Зеновьевичу. Што есьмо взяли въ тебе к нашой потребе тисяча копъ и трыста копъ грошей литовское монеты, ино штобы еси тую тисячу копъ и трыста копъ грошей собе взялъ сего первого году з давныхъ (данныхъ) нашихъ пенязей могилевскихъ, кроме дани нашое медовое и тежъ бобровое и куницъ. А чого бы еси сего первого году тыхъ пенязей своихъ пе добралъ, и ты маешъ сесь нашъ листъ намъ отдати, и мы маемъ тобе други листъ нашъ дати, ажъ бы еси съ тыхъ же пенязей на I f шихъ данныхъ то собе взялъ на другий годт. И кахъ собе тыи пенязи выберешъ широкими грошми, почому тамъ идеть, и ты маешъ TO Bсe намъ на личбе положыти на литовскую личбу. Псанъ в Вильни, априль 8 день, индиктъ 2. - Приказ. воев. троц. и мар. двор. панъ Григор. Станиславъ. Остикъ Кн. Зап. Лит. ѴП, л. 588. 138. Записи о раздачѣ подскарбіемъ платы ротмистрамъ за наемъ служебныхъ людей и разсылкѣ военныхъ снарядовъ по городамъ. Въ Краковѣ, 29 апрѣля 1514 года. [Инд]ыктъ 2, апрель 29 день, у Кракове. Панъ Иванъ, подскарбей [дворный великого князьства Литовского, (пропускъ) зем[ский] Коруны Полское с паномъ Костелецкимъ давали пенязи на [служе]бныхъ передъ самымъ паномъ Костелецкимъ; и тыи [пе]нязи были отбиваны. А фась было чотыры, а сумою в тыхъ [чотыр]ехъ фасяхъ знашли чотыры тисячы копъ и девеносто копъ и чотыры копы и двадцать грошей и полпята гроша. Индывть 2. Отправованы ротмистры у Кракове з росказаня господаря короля его милости. Пану Янушу Свирщовскому дано на трыдцать коней триста золотыхъ по десяти золотыхъ на конь, а золотый по двадцать грошей и по два гроша. Старосте Луковскому дано на двесте коней чотырыста золотыхъ, а в Литве дано ему чотыры жъ ста золотыхъ. А Слипыцьому дано на двесте коней по чотырыста тыхъ (по чотыры золотыхъ) на конь, ино то осмъ сотъ золотыхъ. ..унбурку дано на двесте коней по чотыры золотыхъ на конь, ино то осмъ сотъ золотыхъ. Андрею Буратыньскому дано на двесте коней по чотыры золотыхъ на конь, ино то осмъ сотъ золотыхъ. Яну Буратыньскому дано на двесте коней по чотыры золотыхъ на конь, ино то осмъ сотъ золотыхъ. Миколаю Хрещоновскому дано на двесте кони по чотыры золотыхъ на конь, ино то осмъ [comõ] золотыхъ. Станиславу Гинку дано на двесте коней, на конь по чотыры 30лютыхъ, ино то осмъ сотъ золотыхъ. Долузскому дано на двесте кони по чотыры золотыхъ на конь, но то осмъ согъ золотыхъ. |