вром дерева бортного и вром земанских пущь. И теж даєм им доброволно в реце в Нурце кром ставу нашого рыбу и раки ловити ватою и кригою. А ярморки волные даем им два: один на ден стого Станислава в месецы маи, а другий на ден стое Варвары. Также тому мѣсту нашому даєм и записуєм и дозволяєм суполно тым са правом майтбарскимъ судити и радити. А надо все тоє болшое право собе, яко господарю, зоставляем. Сталось и дано у Вилни на великом стиме, лѣта божего тисача пат сот 16, мца мая 14 день, индикт 4. При т. были: Енз. Вой. бис. вил., а кнз. Пав. бис. луч., воєв. вил. кан. п. Мик. Мик., воєв. тр. мар. двор. пн. Гр. Стан. с., пн. тр. стр. жом. пн. Стан. Янов., мар. зем. дер. слон. ин. Ян. Мик., подчш. стар. гор. пн. Юри Мик., воєв. нов. пн. Ян. Янов. Забер., воєв. под. сек. пн. Иван. Сем. Соп., мар. стар. бер. пн. Юри Иван. Илинича и иные панове рада наши. А над тыє вси рѣчи о сведоцтва и лепшую твердость печат наша к тому то листу єсть завешена. Кн. Зап. Лит. IX, лл. 124 об.-125 об. (No акта 245). ПодТверждена въ Краковѣ въ 1549 г. 12 августа Сигизмундомъ II (Кн. Зап. Лит. ХШ, лл. 52-54 об.). 142. Привилей кор. Сигизмунда | Миколаю Ликгозу на войтовство въ Въ Вильнѣ, 15 мая 1516 года. Чиним знаменито сим нашим листом, хто на него посмотрит, або чтучи, его услышит, нинѣшним и потом будучим, кому будет потреб того вѣдати. Што єсмо дали право хрестьянское майтбарское мѣсту нашому Милейчицкому, в котором же мѣсте установили есмо Миколая Ликгозу, къ которомуж войтовству даєм ему в том мѣсте три волоки а чотыри корчмы волныє. И теж войт не маєт судити без намѣстника Милейчицкого. А з вин и с пересудов на замок два гроша, а войту трѣтий грош с тых жо вин. Што са дотычет вин выше десяти грошей, а тыє вины мают оказывати с права писаного майтбарского. А што са тычет вышей десяти грошей паматного, подавного, поколодщины, крижового и заповедного, то все мает быти на войта и бурмистры и радцы и присажники, которыч коли в том мѣстѣ будут. А мѣстцо на дом войтовский, где собе войт в месте оберет, и теж огород подле дому войтовского, и солодноена, и бровар, и ятка на рынку и две крамницы, то все мает быти вольно ку войтовой руце от платов наших и мѣстских. А што са дотычет звѣрю -заецов, тетеричу, куропатов и инших птах, то теж волно войту ловити. А в месте мает войтъ дворища-волоки давати как ӕдному, так другому подлуг обычая мѣстцкого. И маєт он тоє войтовство завѣдати так моцно и достаточне, якож в том привили нашом выписано, которым привилем потвердили есмо право майтбарскоє мѣсту Милейчицкому. А над то тоє войтовство со всим, как вышей выписано, потвержаем сим нашим листом тому то Миколаю Ликгозе до его живота.- -А при т. были: Ензь Вой. бис. вил. а киз. Пав. бис. луц., воев. вил. кан. пан Мик Мик. Ради., пан. вил. гет. нав. стр. луч. брас. и вѣниц. мр. Вол. зем. киз. Кост. Ив. Ост., воев. тро. мр. двр. пн. Григ. Стан. ст., пн. троц. стр. жом. пан. Стан. Янов., мар. зем. дер. слон. пан Ян. Мик., подстар. гор. пан Юрьи Мик., воев. нов. стар. дор. пан Ян Янов. Забер., воев. под. сек. пн. Ив. Сем. Соп., мар. стар. бер. и лид. пан Юри Ив. Ил. и иные панове рада наша. А на твердость того и печат нашу казали єсмо привесити к сему нашому листу. Псан у Вилни, лѣта боже. тисача пат сот шестогонадесет, мца мая 15 ден, индик 4. Кн. Зап. Лит. IX, л. 25 об. - 126 (по др. нумерацій 121 об. -122; No акта 246). Таже грамота занесена въ XIII Кн. Зап. Лит., 54 об.-55 об. Послѣ Ликлозы войтовсшво утверждено въ 1538 г. 18 августа за Павломъ Туромъ (кн. XIII, л. 55 об.) и подтверждено въ 1549 г. 6 августа (s. 1.) (ibid. л. 56-57). 143. Привилей кор. Сигизмунда маршалковой п. Маріи Войтеховой Яновича на разн. имѣнія. Въ Вильнѣ, 1 іюня 1516 года. 290 " Била нам чолом маршалковая паша пани Войтѣховая Яновича пани Марина Глѣбовна и вказывала перед нами записъ пана своего, штож дал и записал ей именя свои до его живота: Петуховичи з Дорогичаны, а Холекчичы, а Лопѣницу, а Деревную с Хорошевичы и Латвичи и со всими тых дворов селы и з людми служобными И ТАГлыми, из соленики и с челадью неволною и з их землами пашными и бортными, и съ сеножатми, и со всими гоны и ставы, из млыны и их вымелки и со всими с тым, што здавна к тым двором прислухало, как сам пан Войтех тым дворы к своей руце держал. И била нам чолом, абыхмо ей на то дали нашь листь. И мы ей на то сес наш листъ дали: нехай она тыи именя со всим держит подле запису 144. Грам. кор. Сигизмунда 1, удостовѣряющая воеводича троцкаго п. Станислава Григоревича въ томъ, что кор. заложилъ ему въ 1000 копахъ гр. дворъ Меречь съ мытомъ, съ описаніемъ условій Жывгимонтъ. залога. Въ Краковѣ, 4 іюля 1518 года. Чинимъ знаменито, ижъ взяли есмо ку нинешней потребе нашой и земской ку заплате служебнымъ нашымъ за ихъ службу в крайчого нашого пана Станислава Грыгоревича, воеводича троцкого, тисячу копъ грошей монеты великого князства Литовского по десяти пенязей в грошъ; а в тыхъ пенезехъ заставили есмо ему дворъ нашъ Троцкого повета Меречь з местомъ и з дворцы Мерецкими и со всими людми Мерецкого повета путными, и данными, и тяглыми, и с конюхи, и с конокормцы, и лейцы, из ловцы, изъ псарцы, изъ рыболовы и со всякими ихъ службами, и зъ даньми грошовыми, и медовыми, и бобровыми, и куничными, и ѕъ даклы оржаными и овсяными, и зъ сеномъ подяколнымъ, с пентиныки, и с колодиною, и зъ мезлевою, и с корчомными пенязми и со всими иными поплатки и податьми, которыи з места и з волости Мерецкое на насъ хожывали. Нижли коли мы господарь будемъ у великомъ князстве, тогды онъ маеть на нашъ прыездъ давати по сту боченъ жыта, а по сту бочокъ овса, а по сту возъ сена, а мезлева вся волости Мерецкое маеть на насъ же быти подле давного обычая. А коли мы сами господарь будемъ в Меречы, и онъ маеть насъ стацеями и подводами поднимати потому, какъ и передъ тымъ бывало. И вжо панъ воевода троцкий не маеть в тую волость Мерецкую децкихъ своихъ всылати и мешчанъ и всихъ людей мерецкихъ не маеть передъ собою в право становити, и тежъ врадники нашы троцкии-конюшый, тивунъ, ключникъ, подключый не мають в тую волость Мерецкую сами въежчати и слугъ своихъ всылати и доходовъ нашыхъ и своихъ никоторыхъ не мають правити, нижли масть панъ Станиславъ тотъ дворъ нашъ Мереч в той вышей писаной суме пенязей держати до тыхъ часовъ, поки мы тыи пенязи тисячу копъ грошей ему отложымъ. А естли бы ся надъ нимъ божья воля стала, — смерть его зашла, мы жоны и детей не маемъ с того держанья рушати, олижъ тыи пенези имъ отложымъ, а не отложывшы тыхъ пенязей, не маемъ того двора зъ ихъ рукъ выймовати. И на то есмо ему дали сесь нашъ листъ з нашою печатью. — Пры томъ были: подскарбий земский староста ковенский панъ Аврамъ Езофовичъ з маршаловъ и писар державца каменицкий панъ Богушъ Боговитиновичъ. Писан в Кракове, лета божьего тисяча пятьсотъ осмогонадцать, месяца июл 4 день, индиктъ 6. Кн. Зап. Лит. XI, л. 12. 145. Листъ кор. Сигизмунда I, которымъ онъ вмѣстѣ съ радою закладываетъ подскарбію земскому Авраму Езофовичу мыто и коморы Берестейскія на восемь лѣтъ за долгъ въ 8000 копъ грошей. Въ Берестьи, 15 декабря 1518 года. Живгимонтъ божю милостью. Чинимъ явно тымъ то нашимъ листомъ. Што есмо з умысломъ и порадою всихъ пановъ радъ нашихъ великого князства Литовского ку великой потребе нашой и земской, а наболей для заплаты служебныхъ нашихъ за ихъ службу, будучи намъ на великомъ сойме y Вилни лета божьего тисяча пятсотъ четвертогонадцать, взяли есмо в подскарбего нашого земского, старосты ковенского пана Аврама Езофовича чотыры тисячи копъ грошей монеты великого князства Литовского, в которой же суме пенязей дали есмо ему держати комору нашу Берестейскую восковую и соляную, которую жъ мелъ онъ держати и ее вживати до тыхъ часовъ, поки мы, або наши наследки тую чотыри тисячи копъ грошей сполна ему заплатимъ. А потомъ лета божего тисяча пятсотъ шостогонадесятъ мѣсяца июня осмогонадцать дня индикта четвертого, уступивши в постъ светого Петра на пятой недели передъ святымъ Яномъ в середу давалъ намъ личбу вышей реченый подскарбий нашъ земский панъ Аврамъ Езофовичъ передъ всими паны радами нашими у Вилне. И отъ тое личбы остали винни есьмо ему семъ тисячей копъ и семъ сотъ копъ грошей и трыдцать копъ и две копе грошей, на што есмо ему и вызнанье нашо дали; и онъ в томъ собе часть заплаты вчинилъ, а чотыры тисячи копъ грошей надъ то есмо ему еще винни. Ино всего того с первою вышейречоною сумою остали есмо ему винни осмъ тисячей копъ грошей монеты великого внязства Литовского. В которой же суме тыхъ осмъ тисячи копахъ гро Говитиновичъ. Кн. Зап. Лит. XI, л. 27 об. — 29. |