а роботу городовую мають имъ росказывати городничыи тыхъ горо- 198. Ухвала земская 1529 года объ отбываній службы военной и о сборѣ денегъ на плату служебнымъ и на выкупъ заложенныхъ замковъ и волостей; листъ объ этой ухвалѣ отъ короля къ бискупу виленскому Яну 1). Уфала земская. S. 1. 1529 годъ. Подъ леты Божьего Нароженья 1529 году, индыкта 2-го, будучы господарю королю и великому князю его милости Жывгимонту со всими паны радами духовными и светскими и со всими подданными его милости господарскими, которымъ обычаемъ маеть служба господарская и земская служона быти и тежъ по которой суме пенязей съ службы платъ маеть данъ быти на окупенье замковъ и дворовъ и волостей господарскихъ, тежь на заплату служебнымъ за ихъ службу, въ тыхъ речахъ его милость господаръ казалъ росписать на первей до всихъ пановъ радъ своихъ духовныхъ и светскихъ, тудежь до пановъ маршалковъ и до всихъ врадниковъ и державецъ и до паней вдовъ. и по всимъ поветомъ всихъ паньствъ его милостей господарскихъ. Листъ писаный до пановъ радъ ихъ милости Великого князьства ЛИТОВСКОГО. Князю Яну, бискупу виленьскому. Што есьмо первей сего со всими вашою милостью радами нашыми духовными и светскими и со 1) Приводимый здѣсь листь только проектъ листовъ, которые должны быть посланы ко всѣмъ панамъ родамъ вел. кн. Литовскаго, каждому отдѣльно; за этимъ листомъ приведенъ списокъ мѣстъ и лицъ, къ которымъ были посланы листы.. всими подданными всихъ паньствъ нашыхъ великого князьства Литовского умыслили пописати всихъ подданыхъ нашыхъ бояръ, шляхту и ихъ всихъ людей, и тежъ всихъ людей вашое милости путныхъ, и тяглыхъ, и мещанъ, и люди бояръ вашое милости, с чого бы мела оборона земская напротивку непрыятелевъ нашыхъ ставена быти, якожъ вжо тыи реистры со всихъ земль къ намъ прынесены. С которыхъ жо мы, з вашою милостью радами нашыми и со всими подданными великого князьства зрозумевшы, установили и ухвалили оборону земскую в тотъ обычай: хто з бояръ нашыхъ будетъ мети людей своихъ -осмъдесять служобъ, тотъ маеть ку службе земской ехати самъ десять з добрыми молодцы конно а збройно, а хто маеть людей своихъ сорокъ служобъ, тотъ повиненъ ехати самъ пятъ з добрыми пахолки, а хто маеть осмъ служобъ людей своихъ, тотъ повиненъ ехати самъ одинъ конно а збройно, а хто съ шляхты не маеть осми служобѣ, а мелъ бы людей своихъ шесть — пять, або мней бы, пакъ и ни одного чоловека не мелъ, однакожъ тыи повинни сами з домовъ своихъ на службу земскую ехати водле можностей своихъ, --такъ тежъ каждый з вашое милости князь и панъ духовный и светский тымъ почтомъ на войну ку обороне -земской, коли потреба вкажетъ, ехати, а княгини, и пани и боярыни вдовы мають выправяти. И каждый маеть ставити съ осми служобъ людей своихъ пахолка доброго у сукни цветной, не в сермязе, на которомъ бы былъ панцеръ добрый, а прылбица, а мечъ, а павеза, а древцо с прапоромъ цветнымъ, а конь бы былъ подъ нимъ в четыре копы грошей. А штося дотычеть слугъ путныхъ и данниковъ и подляшскихъ служобъ и местъ влочныхъ, тыхъ всихъ хто ихъ будеть колко мети, в тотъ жо почотъ з людми тяглыми весполокъ мають ку службе земской зрозновати и с нихъ службу земскую служыти водле уставы земское вышейписаное. А про то што бы твоя милость, княже бискупе, рачылъ всимъ бояромъ и врадникомъ своимъ грозне росказати, жебы отъ того часу, водле тое уставы нашое, службу земскую служыли и за часу к тому ся справовали и поготову были на кождый часъ конечно. А хто бы кольве з именей и з людей своихъ службы земское, водле тое уставы и ухвалы нашое не служылъ, таковый тратить именье свое на насъ господаря. Также виделося намъ и тежъ вашой милости всимъ радамъ нашымъ для заплаты служебнымъ за ихъ службу и для выкупенья замковъ и дворовъ и волостей нашыхъ господарскихъ положыти платъ на всихъ подданыхъ нашыхъ великого князьства, яко на наши люди господарскии путный и тяглый, такъ тежъ на люди вашое милости всихъ пановъ радъ нашыхъ духовныхъ, и светскихъ, и князьскихъ, и пан ? скихъ и боярскихъ в тотъ обычай: ижъ каждый з вашое милости князь, и панъ духовный, и светский и вся шляхта, бояре наши, мають намъ дати со всихъ людей своихъ путныхъ и тяглыхъ и данниковъ и з влокъ подляшскихъ, пущаючы ровно какъ тяглого и путного человека и данника одного и влоку одну съ тяглою службою за одно, с чого мають дати с коня, то есть съ осми служобъ людей, плату полкопы грошей, съ каждое службы людей одиннадцать грошей и полтретья пенязя; а хто бы не мелъ людей своихъ осми служобъ а мелъ бы ихъ шесть — пять и мней бы тежъ и одного человека в службе мелъ, тогды повиненъ с каждое службы дати одиннадцать грошей и полтретья пенязя; а хто с шляхты людей своихъ ни одного человека не будетъ мети, тотъ плату не повиненъ давати ничого. Пакъ тежъ што ся дотычеть месть вашое милости кнЯЗЬСКИХЪ И паньскихъ и всее шляхты и месть невлочныхъ И тежъ бояръ ихъ и слугъ дворныхъ, которыи домки свои мають и к тому и городниковъ яко отъ тое службы земское, такъ тежъ и отъ тыхъ поплатовъ нынешнихъ с того почту тяглыхъ людей выписаныхъ выймуемъ, кромъ тыхъ мѣстъ подляшскихъ, в которыхъ будутъ мещане влоки свои мети: с таковыхъ местъ з влокъ повинни службу земскую панове ихъ заступовати и тотъ платъ нашъ выдати; а што ся ткнеть мещанъ, который влокъ не мають а на огородехъ и на малыхъ землицахъ мешкають, с тыхъ службы а никоторого плату быти не маеть. А такъ штобы твоя милость врадникомъ своимъ всимъ рачылъ пильне приказати, абы въ томъ обыскъ великий вчынили, естли будутъ вси люди подданныи твоее милости путныи и тяглыи и тежъ люди твоее милости бояръ справедливе пописаны, тыхъ бы твоя милость и теперь казалъ тымъ жо врадникомъ своимъ тотъ платъ нашъ безъ мешканья, водле тое вышеписаное Уставы нашое выбравшы, и в целости и до скарбу нашого отнести. А рокъ твоей милости покладаемъ тыи пенази до скарбу нашого отослати по семъ прышломъ святе Велице дни у дву неделяхъ конечно, нехай бы тыи врадники твоей милости передъ подскарбимъ нашимъ прысягу вчинили на томъ, ижъ якожъ первей всихъ людей твоей милости путныхъ и тяглыхъ и мещанъ и людей бояръ твоее милости справедливе посылали (пописали), такъ тежъ справедливе тотъ платъ на всихъ людей твоее милости боярскихъ выбрали водле тое уставы нашое, никому не фольгуючы, ани одного человѣка не крыючы. на Кн. Зап. Лит. XV, л. 229 - 231. 199. Отказъ господаря посламъ отъ великокняжеской рады бискупу Миколаю и п. Ив. Сопегѣ по вопросамъ п предполагаемой войнѣ съ воеводою волошскимъ, положеній скарба, обороны замковъ и пр. 1529 г. Отказъ посломъ, который прыездили отъ пановъ радъ великого князьства - князь Миколай, бискупъ жомойтский, а панъ Иванъ Сопего, воевода подляшский. Господарь король его милость и великий КНЯЗЬ Жикгимонтъ велелъ вамъ поведити: што есте мовили его милости отъ пановъ радъ ихъ милости великого князьства о томъ, ижъ его милость усказалъ былъ до ихъ милости пановъ радъ своихъ черезъ пана холмского, даючы знать, ижъ воевода волоский пропомятавшы веры и повинности своей а прысяги и записовъ стародавныхъ отъ предковъ своихъ къ Коруне Польской кинулся не отповедне противъ тому паньству его милости и поселъ землю Покутскую, где жъ рачылъ былъ его милость усказати до ихъ милости пановъ радъ своихъ, абы ихъ милость з великого князьства в той то потребе тому паньству Коруни Полской помочни были, — выповедили, же панове рада великого князьства Около того намовяли зъ землею то есть рыцерствомъ великого князьства, къ чому жъ все рыцерство тамъ омовило и на то прызволить не хотели, перекладаючы в томъ записы стародавный покою звечыстого и прысяги межы великимъ князьствомъ а воеводствомъ Волоскимъ, и жедали ихъ милость в томъ короля его милости, абы тыхъ записовъ стародавныхъ и прысягъ ихъ рушати не рачылъ. Король его милость на то казалъ вамъ поведити, ижъ его милость тымъ записомъ стародавнымъ покою вечного есть [л. 202 об.] добре сведомъ, нижли его милость то вчинилъ за жеданьемъ пановъ радъ ихъ милости Коруны Польское. А ведже штося дотычеть прыязни воеводы волоского и господару его милости и къ его милости паньствамъ, такъ Коруне Польской, яко и великому князьству Литовскому, тая приязнь его добре явне ся оказала, ижъ онъ безъ жадное прычыны валку с королемъ его милостью поднялъ и шкоду великую паньствомъ его милости вчинилъ, а потому онъ з московскимъ и съ царемъ перекопскимъ змову вделал на томъ, естли бы король его милость напротивку ему вальку почалъ, Тогды Московский маеть под замокъ его милости Киевъ подтягнути и на голову его добывати а з другое стороны поганьство татарове мають тежь у паньство его милости увойти воевати. Гдежъ тое змовы ихъ з ласки походять, а такъ нехай панове рада ихъ милость рачать На то бачити естли же есть приязнь воеводы волоского ку его милости господарю и тымъ обема паньствомъ его милости, або ни. А однако жъ, кгды ся паномъ радамъ ихъ милости и всему рыцерству великого князьства не видело того вчинити, господаръ тежъ король его милость напротивку того не есть. А што есте мовили королю его милости, што ся ткнетъ обороны зуполное Коруны Польской и великому князьству оповедили есте, ижъ панове рада великого князьства полецыли вамъ съ паны радами Коруны Польское и в той речы розмову мети, на што жъ и мандать достаточный вамъ дали, и вы бы в томъ собе мовили с паны радами Коруны Польское водле порученья пановъ радъ ихъ милости ЛИТОВСКИхъ. За тымъ што есте мовили королю его милости, што [л. 203] ся дотычеть речы з московскимъ, съ которымъ вже перемирье выходить, а к тому, ижъ онъ до короля его милости писалъ, уменьшаючы и тытулу его милости господарского а перед тымъ его зуполне выпиывалъ, и всказали панове рада ихъ милость до короля его милости черезъ васъ, што бы ся его милости видело, естли же валку з нимъ свести, або станье на колько летъ взяти, а которымъ бы то обычаемъ мяло справовано быти, абы король его милость черезъ васъ волю свою до пановъ радъ ихъ милости всказати рачылъ. Господаръ король его милость велелъ вамъ мовити: што ся ткнеть тое речы з московскимъ, естли бы его милость хотелъ напротивку его валку почати, тогды его милость тыхъ часовъ ку вальце ся не зготовилъ а звлаща, ижъ его милость тыми разы с тымъ непрыятелемъ своимъ волоскимъ, также у валку уступилъ а отъ поганьства татаръ за змовою ВОЛОСКОго тежъ паньства своего не можетъ его милость безпечень быти и напротивку тымъ своимъ непрыятелемъ за онымъ часомъ отпору вчинити, естли, чого Боже вховай, абы тотъ непрыятель московский хотелъ напротивку господаря его милости ку валце ся брати и у паньство его милости втягнути, его милость господаръ ачъ кольве ву валце не есть готовъ, а однако жъ, Бога вземшы на помочь, будеть тому непрыятелю своему отпоръ чынити и панства своего отъ него боронити, сколько его милости Богъ милый допоможеть. А вшакже што ся ткнетъ пословъ, мяли лъ бы къ нему посланы быти, его милость господаръ первей сего до пановъ радъ ихъ милости о томъ писалъ, жебы послы къ нему посланы были, а такъ и тепере, абы есте паномъ радамъ ихъ милости мовили, штобы ихъ милость рачыли казати посельство до МОСКОВСКОГО зложыти, яко ся ихъ милости на |