Андрею Мостивиловича сыну 3 рубли з винъ у Вилькомири

въ Станька Юревича.

Конюшку Сычу рубль з винъ в Жолудку.

Конюшку Мишку рубль з винъ в Яцка Падейковича.

(Изъ реестра Ѳедьки, 23 января индикта 6).

Ивашку Колениковичу 16 копъ грошей валовщизныхъ в пана
Михаила Загоровскаго.

Кмите Александровичу 16 копъ грошей тамъ жо в пана Михаила.
Жеребятичу Левку 10 копъ грошей тамъ жо.

(Изъ реестра писаря Ѳедьки, въ Новомъ Мѣстѣ, инд. 6).

Михаилу Маскевичу тивунщина великая мозырская на годъ после Киселя.

Ѳедьку Линевскому тивунщина малая на год после Порицкого.
Роману Михаиловичу бобровщина на годъ после Олехна Охре-

мовича.

Михаилу Головничу ловчое на годъ после Ѳедка Шельвовского. (Изъ реестра писаря Ивашки Яцковича, въ Краковѣ 2 іюня, индикта 7).

Въ Радомли

смолняномъ отправа. Октябръ 14 день, ин-
диктъ 6.
[1.85-85 06].

Ваську Чортову а Тиньку Синцову ловчое на 2 годы после первыхъ.
Михаилу Пустоселу а Гриди "Тимофеву часницство на 2 годы.
Ивашку Павловичу а Ваську 12 копъ з мыта смоленского, а по
жеребяти.

Василею Павловичу а Гриди Микулину тивунство на 2 годы.
Глебу Александрову врочное серебро в Буйгородку, а у Ветличохъ.
Роману Охремееву врочное серебро на Катане.

Мишку Омелиянову врочное серебро тамъ жо на Катане.
Ермоле Старостину 4 копы з мыта смоленского, емуж жеребя.
Мишуте волость Молохва на годъ после первыхъ, емужъ жеребя.
Ортюху Ермольничу а брату его Ваську волость Молохва на 2
годы после первыхъ, имъ жо по жеребяти,

16.

Памятная запись о раздачѣ кор. Казиміромъ намѣстничествъ и старченствъ.

Въ Трокахъ, 30 ноября 1482 года.

Во има отъпа и сына и стого Духа. У Троцех почалиса наместницства и старченъства роздават, мца номб. 30 день, инъдикт 15. Речицькое намесницство взалъ Квачъ, королю от того далъ 8 карабельниковъ.

А старченье Речицькое взялъ Комар, королю дал 2 корабельники. А то есми королю далъ на погребъ пана Михаиловъ старостича. Стирънель взалъ.

У Вильни дано намесницъство Могилевское Митку Стародубъцу, королю далъ шестьдесят золотых вгоръских.

Отъ серебреного старченых могилевъского Юрко далъ 13 копъ.
Отъ медового старченья Андрейко далъ 4 копы.

Ютъ Велижьского намесницъства Ходор далъ 3 копы.

Отъ Озерецкого намесницъства Гриша далъ 5 карабельникъ.
Кн. Зап. Лит. IV, л. 87 об.

17.

Листъ безмытный отъ кор. Казиміра мѣщанину минскому Лукѣ Терешковичу, который ведетъ торговлю королевскимъ дубасомъ и королевскими же деньгами на короля.

Въ Вильнѣ, 4 марта 1488 года.

И

Казимиръ божью милостью. Кназемъ нашимъ, и паномъ, и наместникомъ, и тивуномъ, болромъ, и мытникомъ, и всимъ заказникомъ. Тотъ нашъ чоловек мещанинъ меньскій Лука Терешковичъ торгуеть нашимъ дубасомъ бобруйскимъ Троцкое половины, а нашими пеназьми, а отъ того намъ прибытокъ дает. И вы бы отъ нашого дубаса и отъ его кОМАГИ МЫта не брали бы есте: в Луську, *) въ Погосте, в Чарторыску, у Куликовичохъ, въ Четъверътни, в Луцьку, у Вострозе, въ Степани, въ Дубровицы, въ Городъку, у Турове, у Паустьи, въ Пинъску, въ Берестьи, в Дорогичине, въ Каменъцы, в Слониме, въ Ковне, в Новегородицы Литовъскомъ, въ Менску, въ Смоленску, въ Юрши, въ

*) Глуску.

Могилеве, в Рогочеве, въ Лучине, въ Сп(т)решине, въ Речицы, въ Гомъи, въ Чичерску, въ Пропостъку, въ Кричове, во Мстисловли, в Дорогобужи, у Вазъме, в Новегородцы Северском, в Радогощи, въ Трубецьку, въ Браньску, въ Стародубе, в Чернигове, у Вышегороде, въ Киеве, въ Путивли, въ Черкасехъ, въ Житомири, въ Чуднове, во Вручьемъ, в Чернобыли, въ Мозыри, в Новозу, в Любечи, в Грезску, - по всимъ нашимъ мытомъ, и по кНАЗСКИМ, и по панъскимъ, и по боарскимъ, сухимъ и водою. А которыи бы хотели через нашъ листь силу ему чинити, а мыто взати ог нашого дубаса и ть его камаг, тотъ намъ великую вину заплатить. Писанъ у Вильни, мар. 4 день, инъдиктъ 6.

Заглавіе: Мещанину менскому Луце Терешковичу листь без

мытьный.

Кн. Зап. Лит. IV, л. 148.

18.

Запродажная запись Иева Дашковича пану Данилю Старому на нивку земли.

Кон. ХѴ в. - нач. XVI в.

.

Я Иевъ Дашкович, драб кухар господарский, и з сыном своим старшим Ѳедком вызнаваем сами на себе сим нашим листом, кому будет потреб того вѣдати, або чтучи его слышати нынашним и напотом будучим, штож з нашого вѣликого недостатку продали есмо нивку в Дубровах против Конторович на бочку солинку земли моее отчизнее, а никому не пенна пану Данилю Старому, дворанину господарскому, его жоне и детем их милости за копу грошей увобел на вѣки вечный, никим непорушно. Маєт пан Данилей и его жона и ихъ милости дѣти тую нивку вѣчисто держати и вжывати, как жо то свою властную отчизну. А я Иевъ, драб, и сыновѣ мои и близкии мои не маем сл мы вжо в тую нивку ничим уступати, ани сѣ под паном Старым и под его детми поискивати. А естьли бых сам драб, або мои дѣти, албо мои близкии мал бы хто з нас тот торгъ рушити, або єго чим взорвати, тот заплатит вины господарю королю его милости пат рублев грошей, а державцы василишскому рубль грошей, а пану Старому грош на грош и наклад увесь. А притом были и того добре свѣдоми: Ходор а Иванъ Сенковичи Кремчиковичи, служебный господаръскии, а Юртем а Демянъ Пацутичи, солѣники василишский, а Ѳедко Алешков, служебник пана Соломин, а Куцчико, чоловекъ пана Скиндеревича, а Супрун Макарич, чоловек остринский, а Ѳед

ко Илкевич, чоловекъ ищолнский. А на твердость того моего листа просил есми @ печат Якова Ѳедоровича, боярина ищолнского, и он на мою прозбу печат свою приложил и сам ол жо листъ сес писал. Псан мца фев. 13 днь, индикта 5.

Подлинная. Мастичная печать. Письмо нач. XVI в.-конца ХV.
Книга Новыхъ Дѣлъ (Отд. IX) М. Лит., No 89, л. 264.

19.

Запродажная запись Миколая Довгяловича пану Данилью Старому на 2 нивки въ Василишской волости.

ТЫМИ сеножатками

Кон. ХѴ в. - нач. XVI в.

Я, Миколай Миколаевичъ Довегаловича, из жоною моею Афеею и з сынми моими Яном аз Матеем вызнаваем сами на себе сим нашим листом, кому будет потреб того вѣдати, або чтучи его слышати ныНАШНИМ И напотом будучим. Штож продали есмо две нивки земли моее отчизное на имя Бекришки, а никому не пенныя пану Данилю Старому, дворанину господарскому, его панеи и детем и напотомком их за три копы грошей. Одное нивки на три бочки а другое нивки на две бочки, то са мѣнит на пат бочок земли орущое и с и с кустовем, што под тыми нивками, - бель вечно, а никим непорушно. А сам Миколай и жона моя И дети и напотомки наши не маем мы тоє торговли нашое рушити, а В ТЫИ НИВКИ ничим са уступати. Мает пан Данилей Старый и его жона и дети их и напотомки их тыи нивки на веки вечныя держати и их вжывати, яко свое вжо отчизное. А естли бых я сам, Миколай Довегалович, або жона моя и дети и напотомки наши мели быхмо чим (6) тыи нивки уступати, (ал)бо которым обычаем тот торг нашь рушити, тот заплатит вины господарю ко(ро)лю его милости пат рублев грошей, а державцы василишскому два рубля грошей, а пану Старому грош на грош мает его вины заплатити. А пакъ либы хто мАЛ в тыи нивки уступати, а любо пана Данииля и его жону и детеи с ТЫХ НИВСЕ вытискати, то я Миколай и жона моя и дети наши маем пану Старому тыи нивки очищати своим накладом. И на то есми дал пану Данилю сес мой лист под моею печатю а под сведомем и печатю людей добрых, которыиж при той торговли были и того добре сведоми: поп Михайло, служитель светое Тройцы пана Коптав у Дебреве, а наместник пана Коптав дебревский пан Сажовский, а мужи королевския: Иван Пожарович, соленик василишский, а Степан а Шлексей Борисовичи василишчане. А на твердость того моего листа

просил есми → печат верхумененого пана Сажовского, и его милост на мою просбу то вчинил И печат свою приложил к сему моему листу. А писал дьяк Яков Ѳедорович, бояринъ ищолнский. Псан мца ген. 15 днь, индик 4.

Подлинная, за подписями, мастичная печать. Письмо XV в. нач. XVI.

Книга Новыхъ Дѣлъ (отд. IX) М. Лит. No 89, л. 260.

20.

Грамота в. кн. Александра Богдану Сенковичу Гостскому на торгъ въ им. его въ Гощѣ въ Луцкомъ повѣтѣ.

Въ Вильнѣ, 4 іюля 1495 г. Александръ божю милостью великий князь литовский, руский, жомойтский и иныхъ.

Старостѣ луцкому, маршалку Волынское земли, князю Семену Юревичу. Бил вам чолом пан Богдан Сенкович Гостский и просил насъ, абыхмо ему дозволили торгъ мѣти выймени его в Гощы; а повѣдил перед нами, штож в Луцку торгу и мыту нашому то нешкодно есть, а от Луцка далеко. Ино естли будеть торгу и мыту нашому в Луцку нешкодно, и мы ему тот торгъ выйменьи его в Гощы дали мети до нашое воли. Писан у Вилни, июл 4 ден., индик 13. Правил мр. нм. сл. пн. Лт. Хрб. - Янушко писарь,

Кн. Зап. Лит. V, л. 41 об.

21.

Грамота в. кн. Александра намѣстнику вруцкому Горностаю Романовичу на человѣка въ Кіевскомъ повѣтѣ.

Въ Вильнѣ, 7 мая 1493 года.

Самъ Александръ божью милостью великий кнАЗ ЛИТОВСКИЙ. Чинимъ знаменито симъ нашимъ листомъ, хто на него посмотрить, або чтучи его услышить, комужъ будеть потреб того ведати, Бил намъ чоломъ наместникъ вруцкий панъ Горностай Романовичъ а поведал нам, штожъ небощикъ отецъ нашъ король его милость далъ ему въ Киевъскомъ повете человека на има Дитатъковича, а казалъ его милость @ томъ доветатся пану Юрю Пацевичу, какъ держалъ от его милости Киев; пан Юрей о томъ доведавшись и до его милости отписал. Ино тотъ листъ отца нашо