троцкимъ паномъ Иваномъ Монивидомъ. И панъ дей воевода того межы нъных (sic) досмотрел и доведался, штож Великий КНЯЗ Витовть того деда их Яновича за его службу вызволил и (из) потяглей, од дачокъ, нижли дей казал ему служити доспехомъ а копемъ, и лист имъ панъ воевода свой судовый на то далъ. И тот лист они передъ нами клали. А потомъ дей панъ Стретъ городничый троцкий почал был къ ним посылати децких своих дякол на них правити и за то ихъ славити. Иже о том дей межы ных смотрел воевода троцкий нынешний панъ Петръ Янович, штошъ тые Яновичы здавна дякол не давали и лист имъ свой судовый на то дал. И тот лист они перед нами клали и били намъ челомъ, обыхмо дали им на то нашъ лист. Ино коли великий княз Витовътъ деда ихъ Яновича за его службу вызволил со (в) сихъ потяглей и дачок, а тыи вышейписаный паны воеводы послѣ того смотревшы и в том нашли правых и листы имъ свои судовые на то дали, и мы их в томъ оправили и нашъ сес лист имъ на то дали: нехай они служат намъ доспехом и конемъ, а потяглей и дачок ненадобе им никоторых знати, подлугъ того, какъ великий княз Витовтъ вызволил деда их Яновича. Писан в Городне, февраля 3 дня, индикта 14.

Заглавіе: Лист Миколаю Яновичу, Медейковичу, Ромейковичу

и зъ братею уволнене от всей платы.

Кн. Судн. Д. Лит. III, л. 145 сб. - 146 (No 208).

36.

Грамота в. кн. Александра мѣщанамъ виленскимъ на то, что мощеніе передъ замкомъ моста не будетъ имъ въ пошлину.

Александръ божю милостью.

Въ Вильнѣ, 13 февраля 1495 года.

Били нам челомъ войтъ места Виленского, бурмистры и радцы и вси мещане. Што есмо жадали их и мостъ перед замком нашим, абы они для спешности тымъ боржей местомъ замостили. И они дла нашого жедава мостъ тотъ перед городомъ замостили всим мѣстом. И били нам челомъ, а бы то им было напотомъ не в пошлину. И мы, довѣдавшыся давности, штож Мещане виленские перво сего николи мосту перед городом немощивали, им тое откладаем, што во они напотомъ не мають того мосту передъ городом местом мостити, нижли маеть волость наша тотъ мость мостити по давному. И на то есмо им дали сес нашъ листъ з нашею печатью. Писан у Вилни, фев. 13 ден, индик. 13. - Пр. вд. вл. кн. пн. Мик. Рд. - Сопѣга писар.

1

Заглавіє: Варунок мещаном виленским о немощене мосту под замком Виленским.

Кн. Зап. Лит. Т, л. 25.

38.

Приходо-расходная запись писаря господарскаго Ивашки Яцковича о полученныхъ имъ, по приказанію господаря, даняхъ съ Задвинскихъ волостей, также и расходъ этихъ денегъ.

21 марта 1496 года.

• дан Бирштанскую. В летъ 7004, мца мар. 21, индик 14. Я Ивашко Яцковичъ, писар господарский. Господаръ его милость казал ми написати для памети, што его милость велелъ ми в

Берштахъ дань побрати на людехъ на волостныхъ Задвинъскихъ

волостей.

В Дубничъ взял есми дани 15 рублев, а рубль по две копе, а 100 грошей коневъщины, а тивунъщины 2 рубли; отослал до подскарбего.

В Рожьничанъ взял есми 5 рублевъ по две копе, а полкопы

яловщины.

А в Любочан дани 10 рублевъ по две копе, а полтину коневъщины.

В Турань 7 рублевъ по две копе, а яловщины копу, а тивунщины рубль.

Тых грошей 80 копъ без 2 копъ.

А в тому есми приложил 4 коп, што в мене были за 10 30лотыхъ отъ княза Ивана Путатича Луцкого, пану Коварскому на выезде зъ Берштъ.

А пат в Меречи казалъ ми его милость побрати дань.

В Жижчанъ взял есми 40 рубловъ и полтора рубля, по две копе, а яловщины полтора рубля, по сту грошей.

В Нежелчанъ дани 5 рублев, по две копе, а яловщины копу по девеносто копъ и полсемы копы грошей.

В Мемежань 20 рублев, по две . . . (г. копе), а полтора рубля яловщины, а 20 бобровъ грошми, по 40 грошей бобръ. То тринадцать копъ и 20 грошей, а три бобры шерстью, а куницъ шерстью.

смъдесатъ

В Плавечанъ 12 рублев, по две две (v. копеe), а куниц 13 грошъми, - то смъдесат грошей безъ дву грошей, а куницъ 17 шерстью.

Сума девеносто копъ без копы и без 10 грошей.

А к тымъ грошомъ приложил есми полтретинадцати копы. Тых всихъ грошей 2 сте коп без полутрети копы и без дву грошей. А после в Жижъчанъ взал есми полдевета рубля, а рублъ по две копе.

А тридцать копъ тыми разы

местьницътва.

привезено с Чичерска от на

То всих грошей сума двесте копъ и 40 коп и 4 копы грошей. Тых грошей заплачоно туръкомъ за перла 100 коп и 40 копъ грошей.

А Ѳедку подскарбему дано 100 коп грошей.

А князю Василю Глинскому дано 4 коп грошей на страву.

А тивунщины 3 рубли отдал 3 рубли отдал есми Мити Ремейковичу, бо господаръ велел ему отдати, а онъ на тую тивунщину листь господару его милости вказывалъ.

До Вилни Зенько зъ Задвинъскихъ волостей прислалъ, индикъ 14, мца июл 17 день: 4 ста копъ безъ рубля грошей, съ шести волостей: с Торопецкое, а зъ Биберевское, с Озерецкое, с Нежелское, с Озерищьское, с Усвятъцкое.

А купичных грошей прислал 7 копъ, а шерстью куниц 9, а тивунщины Жижецкое 2 рубли грошей.

А яловщины 20 коп И полкопы грошей. А от наместницства князю великому 2 копе, а воеводе копу, а писаремъ копу. Кн. Зап. Лит. VI, л. 280 об. -281 об.

39.

Грамота кор. Александра намѣстнику путивльскому Богдану Ѳедоровичу о томъ, что король принялъ личбу отъ мытниковъ путивльскихъ и выдалъ имъ квитацію за аренду на два года впередъ, и поэтому на листы мытники не должны никому выдавать.

Въ Меречи, 16 апрѣля 1496 г.

Самъ Александръ божю милостью.

Наместнику путивльскому князю Богдану Ѳедоровичу. Били намъ чолом мытники наши путивльский Иван а Петръ томъ, што продали есмо им мыто нашо путивльское на тры годы за смъ сот копъ грошей на год по двесте копъ грошей и по шестьдесят копъ грошей и по шести копъ и по сороку грошей. И жаловали намъ о том, штож ещо году одного сполпа невыдержали, а Вжо есмо много в них

подавали на квитациях. И били намъ чолом, абыхмо в них личбу взали. Ино мы с ними личбу вделали. И положили нам на личбе, што выдали на наши листы Пать сотъ копъ грошей и двадцать копъ грошей и гривну грошей. Ино то вжо намъ за два годы заплатили, толко нам тых дъвух годовъ вицьни полтретинадъцать копы грошей, а за третий год намъ сполна ещо на нихъ остали пенези. Ино рекли есмо имъ от сее Матки Божьи последнее, што прийдет, до того жъ року до другое Матки Божи два недавати на нихъ певезей, кому бо нам за тыи два годы заплатили. Ино хотябы к нимъ и приехали з нашими листы, и ты бы в нихъ листов нашихъ имъ приймати не велел, а от тых бы еси боронил. Какъ тыи два годы они сполна выдержать, и они за третий год мают нам пенези сполна заплатити подле оранды. Псан в Меречи, април 16 ден, ипдик 14.

Кн. Зап. Лит. VI, л. 169 об.

40.

Грамота кор. Александра, отпускающая Андрею Пряжовскому, земянину кіевскому, ведро меду съ людей его Шершневичей, шедшее на ключъ Кіевский.

Въ Меречи, 22 апрѣля 1496 г.

Самъ Александръ божю милостью.

Ключнику киевъскому Сеньку Полозовичу и иным ключником нашимъ, хто и напотомъ от насъ будет ключъ Киевъский держати. Бил намъ чолом земачин киевский Андрей Пражовъский и поведил перед нами, штож, люди его въ Завской волости на има Шершневичи издавна даивали в ключь Киевский ведро меду пресного, и бил намъ чолом, абыхъмо тое ведро меду гпустили ему. Ино мы для сказы от поганства 3 ласки нашое ТУ ВЧИНИЛИ и тое ведро меду ему есмо огпустили вечно: ненадобе его людем Шершневичомъ того ведра меду давати въ ключ Киевъский. Писан в Меречи, април 22 день, индиктъ 14.—Прит. был. под. нам. бл. пн. Мик. Мик., мр. двор. им. кер. пн. Гр. с., мр. нм. вл. пн. Вт. Куч.

Заглавие: Апдрею Пражовскому на отпущене людем его Шершневъским ведра меду до ключа Киевского даиваного, на вечность. Кн. Зап. Лит. VI, л. 77.

41.

Подтвердительная грамота кор. Александра судебнаго рѣшенія воеводы троцкаго Петра Яновича по дѣлу тивуна перелайскаго Михайла Вяжевича съ поддаными перелайскими о новинахъ, введенныхъ приставомъ и тивуномъ.

Въ Меречи, 26 апрѣля 1496 г.

Самъ Александръ божю милостью.

Тивуну перелайскому Михайлу Важевичу и иным тивуномъ, хто и напотом от нас будеть Перелаю держати. Жаловали нам тые Перелайчане на има Ямонтъ Мостеевичъ, а Станько Кгирдимонтовичъ, а Яцько Беневичъ, Римкусъ Войнибутовичъ, Талкусъ Ринкгайловичъ, штож дей ты имъ кривды делаешъ а новины уводишъ: велишъ дей имъ до своего двора дерево возити и теж, коли с нами у ловы ездишъ, кажешъ дей имъ сурбы радити собе и речей своих стеречи. Такеж дей приставъ перелайский новину жъ им уводит, правит на них мезлевщины и спижи, и сено кажешъ им возити къ Троком. А они дей перед тымъ тою службою не служивали и мезлевого недаивали и сена не воживали, нижли дей служать намъ службою путною и въ заставу ходат и дакло дають. И о томъ их перво сего смотрел с тобою и с приставом перелайскимъ воевода троцкий маршалокъ земъский панъ Петръ Я(новичъ и) их в томъ правых знашол и тые Новины имъ оставил, на то имъ и листъ свой судовый дал. И здесе они тот листъ судовый пана воеводинъ перед нами вказывали. Ино коли вжо тому суд был, а пан воевода их в том правых нашолъ и листь свой им на то дал, приказуемъ тобе, ажъ бы еси через то кривдъ имъ нечинил и повинъ не уводил конечно, и приставу бы еси приказал, иж бы такеж имъ новины не уводилъ и дал бы им впокой: нехай они службу намъ служат путную и въ заставу ходить и дахло дают подлугъ давного обычая, какъ перед тымъ службу служивали и Дакло даивали. Писан в Меречи, април 22 день, индиктъ 14.- Пр. бл. мр. нм. вит. пн. Ст. Глеб., крайч. кн. Януш. Александрович. Заглавіе: Лист даный подданым перелайским до тивуна перегайского, штобы им кривдъ нечинилъ и новии не вводил.

Кн. Зап. Лит. VI, л. 75 об.