вопа

testimonium et evidentius robur sigillum nostrum praesentibus est subappensum. Actum et datum in Troki, feria quinta ipso die sancti Francisci, anno a Natali Domini millesimo quadringentesimo nonagesimo octavo. Praesentibus ibidem reveren. magnificis generosis et nobilibus domino Alberto episcopo vilrensi, Iohanne de Zabrzezie, pallatino et castellano trocensi, ac magni Ducatus Lithuaniae supremo marschalco Gregorio Oscikowicz, curiae nostrae marsalco et tenutario merecensi Ioanne Piotrowicz, marschalco, per manus magistri Erasmi secretarij nostri, qui praesentia habuit in commissis.

Кн. Зап. Лит. XIII, л. 88-89 об.

60.

Личба мытниковъ путивльскихъ.

Личба мытников путивльских.

Въ Городнѣ, 21 января 1499 г.

Бралъ его милость личбу у мытников путивльских в Городне, ген. 21 ден, индик 2. -Тогды служебникъ княза Богданов сыновец принес тыи квитацеи до его милости а мытников не было. И положиле (sic) на личбе на квитацеях триста коп грошей и семдесат коп и сем коп и двадцат грошей. А первая полтораста коп грошей (?). А пушкарем двом путивльским 12 коп грошей, а по шубе чамравой, а по сукну махалскому. Сума всему 500 коп и сорок коп и 20 грошей. А триста коп и 60 коп без 20 грошей на них ещо остало. Кн. Зап. Лит. VI, л. 173 об.

61.

Вырокъ кор. Александра въ спорѣ подданыхъ волости Свислоцкой съ людьми баяръ Котовичовъ объ исполненій послѣдними государств. повинностей совмѣстно съ волостью.

Александръ божю милостью.

Въ Берштахъ, 29 февраля 1499 г.

Стояли перед нами очевисто. Смотрели есмо того дела. Жаловали нам люди наши вся волость Свислоцкам на людей бояр наших Котовичовъ, на имя на Горан, и на Бродчан, а на Максимовичы, что жъ они здавна з волостью нашою Свислоцкою городы рубливали, и ордынщыпу давали, и дубащыну плачывали, и недели стерегивали с подводами у Свислочы на городищы и на рецс на Березыни на броду, и мосты мосчывали, и сено в Рудникахъ кошывали, и жытщыну до городовъ вожывали. И по колку дей годовъ тых роботъ с ними не

робять и пословъ дей и гонцовъ нашых стацыями и подводами не
подыймають; а в том намъ, волости Свислоцкой, от них крывды и
шкоды великий деються. И тыи люди Котовичовъ мовили перед нами,
штож дей здавна з ними николи тых
тых роботъ не робливали: и ор-
дынщыны не даивали, и дубащыны не плачивали, и пословъ и гон-
цовъ стацыєю и подводами не поднимывали. И на том люди нашы
Свислочане подавали светки людей пяти волостей чужоволостцов на-
шых волостей Поднепрскихъ, Бобруян обоих половин Виленское и
Троцкое, Мозыранъ, Речычанъ, Сорволичъ. И тыи люди Котовичовъ
на тыи светки непослалися, а слубили и дали то на прысягу: нехай
дей на томъ прысягнеть Зыл, а брать его Борысъ, а Козула, а с-
ташко Семеновъ сынъ, а Микита Толиловичъ, а Карпъ Рувонизичъ,
а Ходор Кресловъ, а у Высосицы Балай, а в Болшевичохъ Матѳей,
а Кузма, а в Зодробичохъ Трохимъ, а въ острове Санько, а Шлекса.
И люди нашы в тому прыступили и рекли на том прысягнути. И рокъ
той прысязе положили есмо были на останочной недели мясопустной
у патницу у Горкахъ светого Николы. И тыи люди нашы на тотъ
рокъ тамъ ся постановили и хотели прысягнути, нижли толко одного
Козули межы ними не было; и для того люди Котовичовъ людей на-
шых к прысязе не повели. И потомъ они обои стали перед нами
очевисто в праве в Берштахъ, и тамъ есмо межы ними врадили под-
лугъ первого нашого суду, таки есмо велели Свислочаномъ на всемъ
на томъ прысягнути. И они какъ и первей сего шлюбили, такъ вжо
вчинили, и на всих на тых члонкохъ вышеписанных прысягнули въ
Берштахъ, уступившы в пост на третей недели во второкъ. Тые люди
Котовичовъ Горане а Бродчане а Максимовичы з людми нашыми
Свислоцкое волости мають всявую тягль тягнути, и городы рубити, и
Ордынщыну давати, и дубащыну платити, и пословъ и гонцовъ подни-
мати, и недели стеречы с подводами у Свислочы на городищы и на
реце на Березыни и на броду, и мосты мають с ними мостити, и в
Рудникахъ сено восити, и жытщыну до замковъ нашых возити и вся -
кую тягль мають с ними тягнути и ни в чомъ не мають их выдати.
А если бы они хотели с того выступити, а то взрушивали,
закладаемъ на насъ ВИНЫ нашое сто рублевъ грошей; а хто с того
враду нашою выступить, тотъ тую вину сто рублевъ грошей запла-
тить. Псан в Берштах, фев. 29 днь, индикть 2.

-в томъ

Заглавіє: Выров в справе людей волости Свислоцкое з людми бояр Котовичов з Гораны, Бродчаны и Максимовичи • непомогане им некоторых тежаров.

Ен. Зап. Лит. V, л. 82 об.-83.

62.

Грамота кор. Александра на аренду мыта смоленскаго Ѳедору, Петру и Ивану Новокрещенымъ на три года.

Въ Вильнѣ, 12 марта 1499 года.

Сам Александръ божю милостью.

Наместнику смоленскому пану Юрю Глебовичу. Што есмо проДали мыто смоленское мещанину виленскому Мартину Янчелевичу на тры годы, у каждый год мел нам давати по двесте копъ грошей. Ино тыми разы били намъ чолом мытники путивльский Ѳедор а Иванъ Новокрещеный а Петръ и поведили перед нами, штож кривда и шкода им дееться у мыте путивльском: который бы мели ехати на Путивль и мыто давати, тыи дей обежчают на Смоленскъ, а им мыта путивльского не платат, и били нам чолом, абыхмо им и тое мыто смоленское продали, а повыШИЛИ нам триста золотых. И мы им и тое мыто смоленское продали на тры годы за шест сот копъ грошей и за трыста золотых; у каждый год мают намъ давати по двесте коп грошей и по сту золотых; и въжо наперед дали нам сто золотых. А рокъ им у тое мыто увазатися на светого Или день и держати мают тое мыто три годы сполна до того ж року до светого Ильи. А мают тое мыто брати по давному. Первый год выдержавши, мають нам дати двесте копъ грошей, а другой год выдержавши, такеж мают нам дати двесте коп грошей и сто золотых, а третий год выдержавши, потомуж мают нам дати двесте копъ грошей и сто золотых. А ввазати казали есмо их в тое мыто казначею смоленскому князю Костантину Крошинскому. И ты бы в тое мыто Мартину не велел уступатися. Про то, коли кому в них подаем пенязи на квитацеях з мыта смоленского, тыи бы нехай року ждали, а до року бы на них не габали и силою квитацей на них не наметывали, и моцно пенязей в них не брали; пакли бы который хотели року недожидаючи в том на них габати и силою квИтацей на них наметывати, и моцно пенязи в них брати, и ты бы их от тых боронил и не дал бы еси им кривдъ никому ни в чомъ чинити. А которыи бы купцы хотели мыто нашо обежчати новыми до рогами, аж бы еси имъ на тых помоч давал: нехай бы они их вСТАгали и мыта на них брали по давному; и во всем бы еси мыту нашому был помочон, а и сам бы еси в мыто нашо и в промыту не вступался: нехай они мыто нашо и промыту заведаюгь по давному; и што бы еси их не судил, и не радилъ, и децкихъ на них не да

вал и наместникъ твой теж бы не судил, и их не радилъ, и децкихъ на нихъ не давал. Кому бы до нихъ было дело, ино мы сами маемъ межи ними смотрети в тот час, поки выдержать мыто нашо. Писан у Вилни, мар. 12 дань, индик 2.

Кн. Зап. Лит. VI, л. 176—176 об.

63.

Жалованная грамота в. кн. Александра кн. Ивану и Тимофею Крошинскимъ на с. Бабиновичи въ Дубровенскомъ пути Смоленскаго повѣта, взамѣнъ ихъ отчины, отошедшей къ Москвѣ.

Александръ божю милостю.

Въ Вильнѣ, 10 апрѣля 1499 г.

Били намъ чолом дворане наши князь Иванъ а князь Тимофей Филиповичи Крошинский и поведили перед нами, штож отчина их в Москве отошла, и просили в нас села въ Смоленскомъ повете в Дубровенскомъ пути на има Бабинич из людми на има: Ивана Мормыла, а Першыся, а Корта, а Рода, из братом их Трохимомъ, Онани, а Скробота, а гаронца, а Степанца и Занца из братьею их, и зъ братаничи их и со всими их потужники. А поведили намъ, штож тыи люди намъ дают кад меду пресного, а патнадцат грошей, а посощину, а куницу, а носадку меду, а другую пива, а меду, жита и иныи подати. И мы были им тое село из людьми дали за их отчину. И после того писал до нас наместник смоленский пан Юрий Глебович, поведаючи, штож отчина их вса цела есть и къ Москве ничого не отошло. И мы были тое село Бабиничи в нИХ ОТВАЛИ и послали есмо там на Вкраины дворенина нашого Барана и казали ему сл того доведати достаточне и осмотрети, што будет ихъ отчины к Москве отошло. И дворанин наш там ездил, и того са доведал, и осмотрел и то нам отказал, штож именя их ОТЧИННЫЙ на има Мошков, а Волсты, а Тешинов в Москве отошло. И мы того са достаточне доведавши, тое село Бабиничи из тыми людми и з братею тыхъ людей и с потужники их, и землями пашными, и з бортными, и з данью грошовою и медовою, и зъ бобровыми гоны и со всим с тымъ, што здавна к тому селу прислухало, за см есмо им дали за их отчину: нехай они держать до тых часов, поки тую отчину их им очистим от великого княЗА Московского. Псан у Вилни, април 10 день, индик 2.

Заглавіе: Привилей князю Ивану а князю Тимофею Крошинскимъ на село Бабиничи въ Смоленскомъ повете.

Къ Зам. Лит. VI, л. 135.

64.

Квитація в. кн. Александра ключнику кіевскому Сеньку Полозовичу и мытникамъ кіевскимъ Саньку и Михайлу Цибулямъ въ томъ, что они сдали отчетъ въ управленій мытомъ и ключомъ Кіевскимъ, держанными ими „къ вѣрной руцѣ".

Александръ божю милостью.

Въ Вильнѣ, 2 мая 1499 года.

Ключнику киевскому Сеньку Полозовичу и мытником киевским Саньку а Михайлу Цибули. Што есте держали от насъ мыто киевское къ верной руце и дали есте нам личбу з мыта киевского с одного году, почонши от збору до тогож року до збору, и положили есте нам на личбе приходу полосма ста копъ грошей и полдесеты копъ грошей. А росходу положили есте на листы наши, на квитацеи и теж, што есте покупили на нашо приказанье у купцовъ кафинцовъ у Охмата, Фражанина, Турчина и у Хожисина Намисуренина перла и иные речи, и тежъ на ее милость нашее великое кнегини перла, шолки, тафты, ковры, чомлаты, и што есте пенезей дали царю Перекопскому, и на послы, и на городовые речи, и на пушкари, такежъ на вызнаный листы воеводы киевского и на каспровъ Гармановича И на бискупа киевского, всего того росходу сума положили есте на личбе полосма ста копъ грошей и двадцать копъ грошей и сорокъ грошей и шесть грошей. На то вамъ даемъ вызнанье-сесь нашъ листъ. А што есте приходу звышъ своих пенезей выдали на наши потребы десять копъ грошей и шеснадцать грошей, то тежъ вамъ вызнаваемъ симъ нашимъ листомъ: маемъ то вамъ, дастъ Богъ, заплатит часомъ подобнымъ. Псан у Вилни, мая 2 день, индикт 2.Прит. был мар. двор. нам. мер. и ник. пан. Григ. Стан.

Заглавіє: Квитацыя мытником киевским з чинена личбы.
Книга Зап. Лит. VI, л. 275 об.

65.

Грамота в. кн. Александра, дозволяющая писарю господарскому Ивану Сопежичу имѣть корчму медовую и пивную въ домѣ его въ г. Браславлѣ и доходъ съ этой корчмы отдавать на церковь св. Духа на Икажнѣ.

Въ Вильнѣ, 16 мая 1499 года.

Сам Александръ божю милостью.

Чинимъ знаменито симъ нашим листомъ, хто на него посмотрить, а любо чтучи его вслышит, кому будетъ потреб того ведати. Бил нам