чолом писар нашъ Ивашко Сопежич и поведил нам, штож купил
домъ у месте Браславском у подконюшого браславского у Васка.
И просил насъ, абыхмо дозволили ему у том дому мети корчму, пиво
и мед, съ котороеж корчмы плат тотъ допустили быхмо на церковъ
божю светого Духа на Иважно давати въ каждый год. Ино мы доз-
волаемъ ему у том его дому (у) Браславском нашом месте корчму
мети, пиво и мед, и тот плат корчомный всю капщину пивную и ме-
довую даемъ церкви божой светому Духу на Икажне вечно, непо-
рушно, на веки векомъ, как плебана кормиты плебаном браславским
дають. А наши наместники браславскии и теж дворане наши тыи,
которых посылаем по плат корчомный до Браславля, с того дому зъ его
корчмита немають никоторое капщины брати. Теж наместником бра-
славским, хто коли от насъ будет Браславль держати, не надобе са
имъ в того его корчмита церковного вступатися, ани его судити, ни
радити, ани слугамъ его теж не надобе въ его подворьи становитися.
А на твердость того и печат нашу казали есмо приложити к сему
нашому листу. Псан у Вилни, в лето 7007-е, мца мая 16 день, индик
2. -Прит. был. воевод. вил. канцль. пан. Мик. Ради., мр. двор. нам.
мер. и ник. пн. Григ. Др. (Ос.?), ох. вели.
(Ос.?), х. вели. кнг. нам. ковен. пан
Войт. Яновичъ.

Заглавіє: Привилей томуж пану Ивашку Сопезе на дом и корчму в месте Браславском.

Кн. Зап. Лит. VI, л. 131 об.

66.

на село

Грамота кор. Александра дворянину Ивашку Русиновичу на
Сомино въ Володимирскомъ повѣтѣ, съ описаніемъ даней.

Въ Вильнѣ, 17 мая 1499 года.

Сам Александръ, божю милостью великий князь литовский, руский, жомойтский и иныхъ.

Чинимъ знаменито сим нашим листом, хто на него по смотрит, або чтучи его услышит, кому будет потреб того вѣдати. Бил нам чолом дворянин нашь Ивашко Русинович и просил в насъ у Воладимирском повете сѣла на имя Сомина, которое ж держал земянин володимирский на имя Козарын; а после того Козарина держал братанич его Тишко. И того Тишка тыиж люди Соминци забили. И мы о том сами пытали намѣстника володимирского пана Василя Хребтовича, какое то ест сѣло, а што нам с него плату идет. И он перед нами поведил, штож тое вышей писаное сѣло Сомино

держал Козарын, а после того Козарина держал братанич Козаричов Тишко, и того Тишка тыж люди Соминцы забили, и после них ближних никого их не стало; и отец нашь корол єго милость тое сѣло привернул къ Володимиру и къ двору нашому Турийску; и теж поведил перед нами, штож с того сѣла Сомина хоживало нам чотыры колоды овса и чотыри бочки пива, а с корчомъ хоживало плату по сороку грошей, а за яловицу, або за вепра по двадцати грошей; и теж тыи люди Соминцы на роботу хоживали ик двору нашому Турийскому. Ино мы, впамятавши его к нам вѣрную службу, з ласки нашое тоє сѣло вышей рѣченоє Сомино со всими людми и со всими их землями пашными и бортными, изъ соколим гнездом, из дубровами, и з лѣсом и сѣножатми, и ставы, и ставищи, и с озеры, и з рѣ. ками, и з речками, з бобровыми гоны, из ловы, из ловища и со всими платы и приходы выше менеными дали есмо Ивашку Русиновичу вечно, ему и его жене, и их дѣтемъ, и ближним его и потом будучим их счадком со всим потому, што здавна к тому сѣлу прислухало. Волен он то отдати, и продати, и на церковъ божу записати, и к своему вжиточному обернути, как сам налепей розумеючи. А на твердост того и печат нашу казали есмо привесити в сему нашому листу. Псан у Вилни, лѣт бож. 1 чотырыста девятдесят 9, мца мая 17, индик 2. — Прит. были во. вил. пан. Мик. Рад., пан а мар. двор. нам. мер. и ник. пан. Гр. Остико., а нам. пун. пан Стани. Бартоше. и намѣ. волди. пан Василей Хребтович. Ивашко Сопѣга, писаръ.

Кн. Дѣлъ Публ. Лит. No 28, г. 74 об.-75.

67.

Отчетъ пана Литавора Хребтовича съ минцы Виленской.

Въ Вильнѣ, 9 іюня 1499 года.

Личба пана Литавора Хребтовича зъ мынци. У Вилни, июн 9 день, индикъ 2.

Панъ Литавар Хребтовичъ, маршалокъ наместникъ новгородский и слонимъский, выдал господару его милости великому Князю личбу з минцы: Прыбытку за чотыри годы шестьдесать тысячей золотых и тисяча золотых и деветь сот золотыхъ и двадцать золотых, а золотый по двадцати грошей и по два гроши. А за сребро и за роботу, и за мед и за вси речи, што к минцы прислухають, вышло 50 тисачъ копъ и шесть тисачъ копъ и 40 копъ и копа и 26 грошей. А литого

серебра до минцы пришло 20 тисяч гривен и 4 тисачи гривен и 6 сот гривен и 50 гривен и смъ гривен и два скотцы.

Кн. Зап. Лит. VI, Љ. 269 об.

68.

L

Листь в. кн. Александра боярамъ полоцкимъ Остафъѳвичам и Зеновъевичамъ о работахъ на замокъ Полоцкій.

Въ Вильнѣ, 22 октября 1499 года.

Сам Александръ божю милостью великий ЕВАЗ.

Наместнику полоцкому пану Юрю Пацовичу и инымъ наместником нашим, хто и напотом от нас будет Полтеск держати. Жаловали нам бояре полоцкий Богданъ а Глебъ Остафьевичи а Михайло и Ивашко Зеновъевичи из братьею своею, штож какъ перво сего замок нашь Полтескъ был згорел, ино з росказанья гца нашого корола его милости тот замок робил воевода троцкий маршалокъ земский пан Ян Юревичъ, какъ отъ его милости Полтескъ держал, и новину им был увел, казал им рубити осмъ городен, а они перед тым издавна робливали толко две городни. И здесе о том перед нами поведил пан воевода, штож тыи два роды Остафьевичи а Зеновьевичи издавна робливали толко две городни, а он был имъ в томъ силу вчинилъ и новину увелъ. И мы - томъ достаточне са доведавши, тую повину имъ отставили и вделали есмо по старому: маютъ опи тыи свои две городни робити по старому, подлугъ давного обычая, а тобе, наместнику нашому и городничому полоцкому, посокирщины зъ их людей не надобе брати. Псан у Вилни, к. 22 день, индик 3. — Прит. были воев. троц. мар. зем. пап. Ян Юр., мар. двор. нам. мер, и ник. пан. Григ. Стан.

Кн. Зап. Лит. VI, л. 152 об.

69.

стик.

Вырокъ в. кн. Александра войту новгородскому Свириду и всѣмъ мѣщ. новгородскимъ съ людьми Церинцами и ихъ сорочникомъ Сенькомъ о подводахъ, съ которыми Церинцы должны стеречь „по давному въ Новгородкѣ свои недѣли.

Александръ божю милостью.

Въ Слонимѣ, 19 ноября 1499 года.

Смотрели есмо того дела с паны радою нашою. Жаловал намъ войтъ новгородский Свирид и вси мещане новгородскии на сорочника

жали

церинскаго на Сенька и мужей Церинцовъ, рекучи тым обычаем, штож они здавна за великого княза Витовта и Жикгимонта и за отца нашого короля его милости недели стерегивали с подводами в Новегородку. И мы Церинцомъ казали перед нами стати и очевисто - томъ с ними перед нами мовили. И Церинцы были того попрели рекучи: Мы николи в Новегородку недели с подводами не стерегивали. И войтъ и мещане положили перед нами листы судовыи воеводы виленского канцлера нашого пана Миколая Радивиловича и воеводы троцкого маршалка земского пана Янов Юревича, какъ дерг насъ Новгородок. Ино в тых Их листех стоит, штож Ни о томъ межи ними смотрели и копец вчинили и казали сорочнику церинскому и всим мужомъ недели стеречи с подводами Новегородку по давному, а который будут Церинцы бояритиса, тых мают к себе приискивати. И мы • томъ межи ними досмотревши, врадили есмо такъ: сорочникъ церинский и вси мужи Церинцы маютнедели свои с подводами стеречи в Новегородку по давному, какъ бывало за великого княза Витовта и Жикгимонта и за отца нашого корола его милости и подлугъ судовъ пана Миколаева Радивиловича и пана Яна Юревича. А который бы Церинцы боярилиса, тых нехаи собе приискивают. Псан у Слониме, ноябр. 19 день, индик 3-Пр. были мар. двор. нам. мер. и ник. пан Григ. Стан., мар. нам. вит. пан Стан. Глеб., мар. нам. новг. и слоним. пан Лит. Хреб.

Кн. зап. Лит. VI, л. 161.

70.

Грамота в. кн. Александра Трушу, старому войту луцкому, на 20 бочекъ земли въ Луцкомъ повѣтѣ.

Въ Вильнѣ, 25 ноября 1499 года.

Сам Александръ божю милостью.

Билъ нам чолом старый войт места Луцкого Трушъ и просил в нас землицы в Луцкомъ повете подле двора Василевского по дорогу по Подгаецкую ог дворца, а по границу по Волковыеча от Стыра. А поведал намъ, штож дей только тое землицы на двадцать бочокъ. И мы @ том писали до ключника луцкого до пана Богдана Сеньковича, аж бы са @ том доведал. И он → том до насъ отписал, штож то есть так, какъ он намъ поведал, иж только тое землицы мало болши двадцать бочокъ. И мы ему тую землицу по дорогу по Подгаецкую от дворца, а по границу по Волковыеча от Стыра дали вечно и его жене и их детем и потом будучим их счадкомъ. А на

твердость того и печат нашу казали есмо приложити к сему нашому листу. Псан у Вилни, в лет 7008-е, мца нояб. 25 день, индиктъ 4. Кн. Зап. Лит. VI, л. 157.

71.

Грамота в. кн. Александра Василью Богдановичу Хребтовича на дворъ Горюховъ съ приселками и съ мытомъ въ Озерцахъ, въ Перемиль

скомъ пов.

Въ Трокахъ, 31 марта 1501 года.

Самъ Александръ божю милостью.

И съ

Чинимъ знаменито симъ нашимъ листомъ, хто на него посмотрить, а любо чтучи его велышит, кому ж тогоб потреб будет ведати. Бил намъ чолом наместникъ володимерский пан Василей Богданович Хребтовича. Што перво сего дали есмо ему дворъ нашъ, именье пана Длизарово Шиловича, на имя Горюхов а в тому приселки на имя Марковичи, а Подлисцо, а Старый Став, а Рачин, а Юзерца, а в тых Юзерцахъ мыто соленое в повете Перемилском. И бил намъ чолом, абыхмо ему тот двор ис тыми приселки потвердили нашимъ листомъ. И мы з ласки нашое за его службу верную тое именье вышеписаное Горухово ис тыми приселки з Марковичи, а с Подлисцы, а съ Старым Ставомъ, а з Рачином, а с Юзерцы и з мытомъ соленымъ, што в тых Юзерцехъ, потвержаемъ симъ нашимъ листом вечно и непорушно ему, и его жоне, и ихъ детем, и их ближнимъ и потом будучим их счадкомъ з людми, из землями пашными, из бортными, и съ старыми знамены и новыми, изъ лесы, из дубровами, и съ сеножатми, Озеры, и з реками, из речками, ис криницами, из бобровыми гоны, из ловы, из ловищи, изъ звериными ловы и пташими, ись ставы и со ставищи, из млыны, из вымелки, из данью грошовою и медовою и со всими платы, и доходы, и вжитки и со всимъ потому, што здавна к тому именью вышеписаному Горюхову и к тым приселкомъ прислухало и какъ са в границахъ своих мають и как держал небожчикъ панъ Юлизар Шиловичъ, ничого на себе не оставляючи. Волен то пан Василей отдати, и продати, и розширити, и полепшити и къ своему вжиточному обернути, какъ сам налепей розумеючи. А на твердост того и печат нашу казали есмо привесити к сему нашому листу. Псан в Троцох, в лет 7009, мца мар. 31 день, индик. 4.—Пр. были воев. трец. мар. зем. пан Ян. Юр., гет. воев. нов. нам. кам. кн. Семен. Юр., стар. луц. мар. Вол. зем. Ен. Кон. Остроз., мар. двор. нам. утен. кн. Мих. Глин.

Кн. Зап. Лит. VI, л. 189—189 об.