Ut Consiliarios regios, & totam nobilitatem Regni, gratia, sapientia & intellectu illustrare digneris. Te rogamus audi nos. Ut Magistratui nostro benedicere, eique gratiam conferre ut exequatur justitiam, & custodiat veritatem. neris. Te rogamus audi nos. Ut populo tuo universo benedicere, eumque servare dig Te rogamus audi nos. Ut omnibus Gentibus unitatem, pacem, & concordiam donare digneris. Te rogamus audi nos. Ut mentes nostras ad verum amorem & timorem tui inflammare, & ad mandatorum tuorum observantiam inclinare velis. Te rogamus audi nos. Ut populo incrementum gratiæ, ut verbum tuum humiliter audiat, & puro corde amplectatur, & fructus Spiritus proferat, donare digneris. Te rogamus audi nos. Ut errantes & deceptos in viam veritatis revocare digneris. Te rogamus audi nos. Ut stantes confirmare, imbecilles sustentare, & cadentes erigere, ac Sathanam sub pedibus nostris conculcare velis. Te rogamus audi nos. Ut defendas, juves, consoleris omnes in periculis, necessitatibus, & molestiis constitutos. Te rogamus audi nos. Ut peregrinantibus terra marique, parturientibus, ægrotantibus, & infantibus, captivis & incarceratis, succurrere velis. Te rogamus audi nos. Ut pupillis & orphanis, viduis, desolatis & oppressis, prospicere digneris. Te rogamus audi nos. Ut omnibus hominibus miserearis. Te rogamus audi nos. Ut inimicis & persecutoribus nostris ignoscas, & eorum corda ad pœnitentiam convertere velis. Te rogamus audi nos. Ut fructus terræ dare & conservare digneris, ut suo tempore pie eis utamur. Ut veram pœnitentiam & remissionem peccatorum nobis largiri, negligentias & ignorantias nobis condonare, gratiam Sancti Spiritus, & emendationem vitæ nobis donare digneris. Te rogamus audi nos. Fili Dei, te rogamus audi nos. Fili Dei, te rogamus audi nos. Agnus Dei, qui tollis peccata mundi : Pater noster, qui es in cœlis, sanctifi. &c. Et ne nos inducas in temptationem. Sed libera nos a malo. Domine, non secundum peccata nostra facias nobis. Oremus. DEUS misericors Pater, qui contritorum non despicis gemitum, & morentium non spernis affectum, adesto precibus nostris, quas tibi in angoribus nostris effundimus, easque clementer suscipere dignare; ut quicquid contra nos diabolica atque humanæ moliuntur adversationes, ad nihilum redigatur, & consilio tuæ pietatis elidatur, ut nos tui servi, nullis infestationibus læsi, in ecclesia tua sancta tibi gratias referamus: Per Jesum Christum Dominum nostrum. Exurge, Domine, adjuva nos, & libera nos propter nomen tuum. Deus auribus nostris audivimus, Patres nostri annunciaverunt nobis opera admiranda, quæ operatus es in diebus eorum, & in diebus antiquis. Exurge, Deus, adjuva nos, & libera nos propter honorem tuum. Gloria Patri. &c. Sicut erat. &c. [See p. 72, note 1.] Amen. Ab inimicis nostris libera nos Christe. Respice clementer afflictiones nostras. Aspice dolorem cordis nostri. Propicius esto peccatis populi tui. Benigne audi orationes nostras. O Fili David, miserere nobis. Et nunc & semper dignare exaudire nos, O Christe. Exaudi nos clementer Domine Jesu Christe. Oremus. INFIRMITATES nostras, quæsumus, Domine, benigne respice, & propter gloriam nominis tui mala omnia, quæ juste pro peccatis nostris meremur, a nobis clementer averte: & præsta, ut in cunctis adversitatibus omnem nostram fiduciam collocemus in misericordia tua, & tibi semper in puritate vitæ serviamus, ad gloriam tui nominis: Per unicum mediatorem nostrum & advocatum Jesum Christum Dominum nostrum. Amen. Pro Regina. O DOMINE Pater noster cœlestis, qui maximus potentissimusque es Rex regum & Dominus dominantium, omnium principum solus & unicus moderator & gubernator, qui ab excelso & summo throno tuo omnes mundi incolas intueris, suppliciter te rogamus, ut Reginam nostram Elizabetham clementer & benigno vultu respicere digneris, & eam tui sancti Spiritus gratia ita adimplere, ut semper ad tuam voluntatem perficiendam dedita, in viis tuis ambulet. Accumula in eam cœlestia tua dona: vitam illi fœlicem & diuturnam largire, ut diu fœliciterque regnet, hostes omnes superet suos, & post hanc vitam gloria perfruatur æterna. Per Christum Dominum nostrum. Amen. OMNIPOTENS Sempiterne Deus, qui facis mirabilia magna solus, prætende super famulos tuos Pontifices & Ministros, & super cunctas congregationes illis commissas, Spiritum gratiæ salutaris, & ut in veritate tibi complaceant, perpetuum eis rorem tuæ benedictionis infunde, per Advocatum & Mediatorem nostrum Jesum Christum. Amen. Precatio Divi Chrysostomi. OMNIPOTENS Sempiterne Deus, qui nobis gratiam dedisti ut hoc tempore unanimiter congregati, preces nostras ad te offerremus, quique polliceris, ut ubi duo vel tres congregati fuerint in tuo nomine, te eorum supplicationes clementer exauditurum, petimus, ut vota & preces tuorum famulorum, prout tibi videbitur eorum saluti maxime expedire, perficias, & præsta nobis in hac vita tuæ veritatis cognitionem, & in futura, vitam æternam. Amen. ii. Corinth. xiii. GRATIA Domini nostri Jesu Christi, charitas Dei, & communicatio sancti Spiritus, sit semper cum omnibus nobis. Amen. Pro Pluvia petenda, tempore necessitatis. DEUS pater cœlestis, qui per Filium tuum unigenitum promisisti universis tuum regnum & ejus justitiam quærentibus omnia huic vitæ necessaria, da nobis quæsumus in hac nostra necessitate pluviam & imbres tempestivos, ut terræ fructus, ad corporis nostri consolationem, tui nominis honorem, recipere possimus. Per Jesum Christum Dominum no. Amen. Pro Aeris serenitate. DOMINE Deus, qui propter peccata hominis semel submersisti mundum universum, octo hominibus solum exceptis, & postea singulari ductus misericordia, promisisti illum nunquam penitus submergendum; supplices te rogamus, etsi ob iniquitates nostras has pluviæ & aquarum inundationes sumus commeriti, digneris tamen nos ad veram pœnitentiam convertere, & talem nobis tribuere cœli serenitatem, ut terræ fructus tempore opportuno recipiamus, tuoque hoc supplicio admoniti, vitam nostram emendare discamus, atque ob tuam in nos clementiam tuas laudes & honores perpetuo celebrare valeamus. Per Jesum Christum Dominum nostrum. Amen. Tempore Caritatis & Famis. DEUS pater cœlestis, cujus beneficio pluvia decidit, terra fit frugifera, animantia crescunt, & pisces multiplicantur : intuere quæsumus afflictiones populi tui, & largire ut hæc penuria caritasque annonæ, quam nunc justissime propter peccata nostra patimur, bonitate misericordiæ tuæ vertatur in copiam & abundantiam. Hæc nobis, clementissime Pater, concede, propter amorem Jesu Christi Domini nostri, cui tecum & sancto Spiritui laus, honor & gloria in omnem æternitatem. Amen. Tempore belli. OMNIPOTENS Deus, Rex regum, & omnium gubernator, cujus potentiæ nulla creatura resistere potest, cui proprium est peccatores punire, & eorum misereri qui vere agunt pœnitentiam, serva & libera nos, suppliciter te petimus, a manu inimicorum, reprime eorum superbiam, minue malitiam, dissipa illorum machinationes & astutias, ut nos tuis armis muniti semper servemur ab omnibus periculis, ad glorificandum te, qui es unicus victoria largitor: propter merita unigeniti Filii tui Domini nostri Jesu Christi. Amen. Tempore pestis, mortalitatis, sive morbi. OMNIPOTENS Deus, qui tempore Regis David, in ira tua, septuaginta millia hominum interfecisti, & tamen, tuæ misericordiæ memor, conservasti reliquos, miserere nostri miserorum, qui nunc variis morbis & gravi mortalitate affligimur, ut quemadmodum angelis tuis a supplicio inferendo cessare jussisti, ita quoque nunc et hanc pestem a nobis amovere digneris. Per Jesum Christum Dominum nostrum. Amen. DEUS, cui proprium est misereri semper & parcere, suscipe has precationes nostras, ut quos delictorum catena misere constringit, clementia tuæ miseri- rita Jesu Christi, nostri mediatoris unici. Amen. Finis Letaniæ. |