DICTA BIANTIS PRIENENSIS.

IN speculo teipsum contem- Quid sit autem ausculta. plare; et si formosus appa- Prius autemintellige; et deinde rebis, age quæ deceant for- ad opus accede. mam: sin deformis, quod in Ne ob divitias laudaris virum facie minus est, [vel deest,] indignum.

id morum pensato pulchri- Persuasione cape, non vi.

tudine.

Audito multa.

Loquere pauca,

De Numine ne male loquaris.

Compara in adolescentiâ qui

dem modestiam, in senectute

verò prudentianı.

DICTA PITTACI MITYLENÆI,

QUÆ facturus es, ea ne dixe- Infortunatum ne irriseris.

ris; frustratus enim ridebe- Audito libenter.

ris.

Depositum redde.

Desidiosus ne esto.

Ne lingua præcurrat mentem.

Ne festines loqui.

Nosce teipsum,

Lapis auri index, aurum homi

num.

Quod oderis, alteri ne feceris.
Voto nil pretiosius.
Ne cui miniteris; est enim mu-
liebre.

Suspicionem abjicito.
Parentes patientiâ vince.
Beneficii accepti memento.

DICTA CHILONIS LACEDÆMONII.

NOSCE te ipsum.
Ne cui invideas mortalia,

Temperantiam exerce.

Turpia fuge.

Tempori parce.

Justè rem para.

Sapientiâ utere.
Multitudini place.
Oderis calumnias.

Ne quid suspiceris.
Moribus probatis esto.
Ne fueris onerosus.

DICTA SOLONIS ATHENIENSIS.

DEUM cole.

Parentes reverere.

Amicis succurre.

Veritatem sustineto.

Ne jurato.

Legibus pareto.

Cogita quod justum est.
Iracundiæ moderare.

Virtutem laudato.

Malos odio prosequitor.

DICTA THALETIS MILESII.

PRINCIPEM honora.

Amicos probato.
Similis tui sis.

Nemini promittito.

Quod adest boni consulito.

A vitiis abstineto.

Gloriam sectare.

Vitæ curam age.
Pacem dilige.

Laudatus esto apud omnes.
Susurronem ex ædibus ejice.

DIONYSII CATONIS

DISTICHA DE MORIBUS, AD FILIUM :

Recognita de novo ad Metaphrasin Jos. Scaligeri, ejusdemque D. Erasmii, P. Scriverii et M. Zuer. Boxhornii Notas et Castigationes, à T. R.

IN USUM SCHOLARUM.

Illis quæ cecinit Themis aut Thymbræus Apollo.
Non canit hicce catus deteriora Cato.

PRÆFATIO CUM BREVISSIMIS PRÆCEPTIS.

QUUM animadverterem quam plurimos homines graviter errare in viâ morum, succurrendum et consulendum eorum opinioni existimavi, maximè ut gloriosè viverent, et honorem contingerent. Nunc te (fili charissime) docebo, quo pacto mores animi tui componas. Igitur præcepta mea ita legito, ut intelligas: Legere enim, et non intelligere, negligere est.

SI Deus est animus, nobis ut carmina dicunt,

Hic tibi præcipuè sit purâ mente colendus.

Somnolentia vitanda.

Plus vigila semper, nec somno deditus esto:
Nam diuturna quies vitiis alimenta ministrat.

Cohibenda lingua.

Virtutem primam esse puta compescere linguam :

Proximus ille Deo, qui scit ratione tacere.
Sibi ipsi conveniendum.
Sperne repugnando tibi tu contrarius esse:

Conveniet nulli qui secum dissidet ipse.
Nemo temerè culpandus.

Si vitam incpisias hominum, si denique mores,
Cùm culpent alios, nemo sine crimine vivit.
Utilitas divitiis anteponenda.

Quæ nocitura tenes, quamvis sint chara, relinque :
Utilitas opibus præponi tempore debet.

Mores pro tempore mutandi.
Et *levis et constans, ut res expostulat, esto:
Temporibus mores sapiens sine crimine mutat.
Uxori non semper assentiendum.

Nil temere uxori de servis crede querenti:
Sæpe etenim mulier, quem conjux diligit, odit.
Instandum correctioni amici.
Cùmque mones aliquem, nec se velit ipse moneri,
Si tibi sit charus, noli desistere cœptis.

* al Constans aut levis, repugnante metro.

Stulti verbis non vincuntur.

Contra verbosos noli contendere verbis:
Sermo datur cunctis, animi sapientia paucis..
Amicus sibi quisque primus.

Dilige sic alios, ut sis tibi charus amicus:
Sic bonus esto bonis, ne te mala damna sequantur.

Rumores spargere vetitum. Rumores fuge, ne incipias novus auctor haberi: Nam nulli tacuisse nocet, nocet esse locutum. Fides aliena non promittenda.

Rem tibi promissam certò promittere noli: Rara fides ideò est, quia multi multa loquuntur.

Judex quisque sit sui.

Cùm te aliquis laudat, judex tuus esse memento:
Plus aliis de te, quam tu tibi, credere noli.

Beneficiorum ratio.
Officium alterius multis narrare memento:
Atque aliis cum tu benefeceris, ipse sileto.
Senio benè gesta referenda.
Multorum cùm facta senex et dicta recenses,
Fac tibi succurrant, juvenis quæ feceris ipse.

Suspicionis labes.

Ne cures si quis tacito sermone loquatur :
Conscius ipse sibi de se putat omnia dici.

In prosperis de adversis cogitandum.

Cùm fueris felix, quæ sunt adversa caveto :
Non eodem cursu respondent ultima primis.
Mors alterius non speranda.

Cùm dubia et fragilis sit nobis vita tributa,
In morte alterius spem tu tibi ponere noli.
Animus in dono astimandus.
Exiguum munus cùm dat tibi pauper amicus,
Accipito placidè, plenè et laudare memento.

Paupertas toleranda.

Infantem nudum cùm te natura creârit,
Paupertatis onus patienter ferre memento.

Mors non formidanda.

Ne timeas illam, quæ vitæ est ultima finis:
Qui mortem metuit, quod vivit perdit id ipsum..

Amicorum ingratitudo fugienda.

Si tibi pro meritis nemo respondet amicus,
Incusare Deum noli, sed te ipse coerce.