Historia Ecclesiasticæ, » auctore Carolo De Smedt Societatis Jesu presbytero, debite examinatum et approbatum, typis vulgari libenter permittimus. Præstita sunt quæ lege civili præscribuntur ut sua jura integra ser ventur auctori. BENEVOLO LECTORI AUCTOR S. P. D. Quo consilio has dissertationes conscribere instituerim, in Præfatione Introductionis Generalis ad historiam ecclesiasticam critice tractandam hoc ipso anno editæ uberius exposui quam ut rursus nunc explicare necesse fuerit. Imprimis memor fui, opus meum destinari iis qui docti fieri volunt. Itaque hanc constanter rationem tenui, ut in prooemio ad dissertationes singulas, quænam apud eruditos circa propositam quæstionem sint certa, quæ vero controversa, qui fontes ad eam tractandam præsto sint, quæ subsidia commode possint adhiberi, distincte indicarem. Neque his contentus, quo facilius conclusionum nostrarum |