MINISTER.

VIII. Non furtum facies.

POPULUS.

Domine miserere nostri, et corda nostra ad servandum hoc mandatum inclina.

MINISTER.

IX. Non loqueris contra proximum tuum falsum testimonium.

POPULUS.

Domine miserere nostri, et corda nostra ad servandum hoc mandatum inclina.

MINISTER.

X. Non concupisces domum proximi tui, nec desiderabis uxorem ejus, non servum, non ancillam, non bovem, non asinum, nec omnia quæ illius sunt.

POPULUS.

Domine miserere nostri, et hæc omnia mandata tua cordibus nostris, quæsumus, inscribe.

Tum sequetur Collecta pro Rege, Presbytero sicut antea stante et dibente.

Oremus.

OMNIPOTENS et sempiterne Deus, ex sacro

Verbo tuo discimus corda Regum in manu tua esse, eaque a te dirigi et inclinari prout divinæ tuæ sapientiæ optime visum fuerit; supplices te rogamus, uti cor Famulæ tuæ Victoriæ Reginæ Gubernatricis nostræ ita inclines atque dirigas, ut omni cogitatione verbo, et opere, indesinenter quærat honorem ac gloriam tuam; et populum tuum istius curæ demandatum custodire opibus, ac pace, et

pietate florentem studeat. Hæc concede, o Pater misericors, propter dilectum Filium tuum Jesum Christum Dominum nostrum. Amen.

Tum dicetur Collecta diei. Ac immediate post Collectam, Presbyter leget Epistolam, dicens, Epistola [seu, portio Scripturæ assignata pro Epistola] scripta est capite Epist. versu Finita autem Epistola, dicet, Hic desinit Epistola. Tum leget Evangelium (stante universo populo) dicens, Sanctum Evangelium scriptum est capite Evangelii versu

EPIPHANIA, SEU CHRISTUS GENTIBUS REVELATUS.

Collecta.

EUS, qui unigenitum Filium tuum Gentibus,

stella duce, revelasti; Concede propitius ut qui jam te fide cognoscimus, post hanc vitam gloriosi Numinis tui fruitionem consequamur, per Jesum Christum Dominum nostrum. Amen.

Epistola. Ephes. iij. 1.

CUJUS rei gratia, ego Paulus, vinctus Christi

Jesu pro vobis Gentibus: si autem audistis dispensationem gratiæ Dei, quæ data est mihi in vobis: quoniam secundum revelationem notum mihi factum est sacramentum, sicut supra scripsi in brevi, prout potestis legentes intelligere prudentiam meam in mysterio Christi; quod aliis generationibus non est agnitum filiis hominum, sicuti nunc revelatum est sanctis Apostolis ejus et Prophetis in Spiritu : Gentes esse cohæredes, et concorporales, et comparticipes promissionis ejus in Christo Jesu, per

C

Evangelium; cujus factus sum ego minister, secundum donum gratiæ Dei, quæ data est mihi secundum operationem virtutis ejus. Mihi enim omnium sanctorum minimo data est gratia hæc, in Gentibus evangelizare investigabiles divitias Christi; et illuminare omnes, quæ sit dispensatio sacramenti absconditi a sæculis in Deo, qui omnia creavit, ut innotescat principatibus et potestatibus in cœlestibus per Ecclesiam, multiformis sapientia Dei; secundum præfinitionem sæculorum quam fecit in Christo Jesu Domino nostro: In quo habemus fiduciam et accessum in confidentia per fidem ejus.

Evangelium. S. Matt. ij. 1.

CUM ergo natus esset Jesus in Bethlehem Judæ

in diebus Herodis regis; ecce, magi ab oriente venerunt Jerosolymam, dicentes: Ubi est qui natus est Rex Judæorum? vidimus enim stellam ejus in oriente, et venimus adorare eum. Audiens autem Herodes rex, turbatus est, et omnis Jerosolyma cum illo. Et congregans omnes principes sacerdotum, et scribas populi, sciscitabatur ab eis ubi Christus nasceretur. Et illi dixerunt ei: In Bethlehem Judæ. Sic enim scriptum est per prophetam : Et tu Bethlehem terra Judæ, nequaquam minima es in principibus Judæ; ex te enim exiet Dux qui regat populum Israel. Tunc Herodes clam vocatis magis, diligenter didicit ab eis tempus stellæ quæ apparuit eis. Et mittens illos in Bethlehem, dixit: Ite, et interrogate diligenter de puero: et cum inveneritis, renunciate mihi, ut et ego veniens adorem eum. Qui cum audissent regem, abierunt: et ecce stella quam viderant in oriente, antecedebat eos, usque dum veniens staret supra, ubi erat puer. Videntes

autem stellam, gavisi sunt gaudio magno valde. Et intrantes domum, invenerunt puerum cum Maria matre ejus, et procidentes adoraverunt eum: apertis thesauris suis, obtulerunt ei munera, aurum, thus, et myrrham. Et responso accepto in somnis ne redirent ad Herodem, per aliam viam reversi sunt in regionem suam.

V

DOMINICA PRIMA POST EPIPHANIAM.

Collecta.

OTA, quæsumus, Domine, supplicantis populi tui propitius exaudi, ac concede ut quæ illi facienda sunt percipiat, et ut gratia et virtute tua adjutus, ea quæ perceperit fideliter impleat, per Jesum Christum Dominum nostrum.

Amen.

BSECRO itaque vos fratres per misericordiam Dei, ut exhibeatis corpora vestra hostiam viventem, sanctam, Deo placentem, rationabile obsequium vestrum. Et nolite conformari huic sæculo; sed reformamini in novitate sensus vestri, ut probetis quæ sit voluntas Dei, bona, et beneplacens, et perfecta. Dico enim per gratiam quæ data est mihi, omnibus qui sunt inter vos, non plus sapere quam oportet sapere; sed sapere ad sobrietatem, et unicuique sicut Deus divisit mensuram fidei. Sicut enim in uno corpore multa membra habemus, omnia autem membra non eundem actum habent; ita multi unum corpus sumus in Christo, singuli autem alter alterius membra.

Evangelium, S. Luc. ij. 41.

Tibant parentes ejus per omnes annos in Jeru

ET

salem, in die solemni Paschæ. Et cum factus esset annorum duodecim, ascendentibus illis in Jerosolymam, secundum consuetudinem diei festi: consummatisque diebus cum redirent, remansit puer Jesus in Jerusalem, et non cognoverunt parentes ejus. Existimantes autem illum esse in comitatu, venerunt iter diei, et requirebant eum inter cognatos et notos. Et non invenientes, regressi sunt in Jerusalem, requirentes eum. Et factum est post triduum invenerunt illum in templo, sedentem in medio doctorum, audientem illos, et interrogantem eos. Stupebant autem omnes qui eum audiebant, super prudentia et responsis ejus. Et videntes admirati sunt et dixit mater ejus ad illum: Fili, quid fecisti nobis sic? Ecce, pater tuus et ego dolentes quærebamus te. Et ait ad illos: Quid est quod me quærebatis? Nesciebatis quia in his quæ Patris mei sunt, oportet me esse? Et ipsi non intellexerunt verbum, quod locutus est ad eos. Et descendit cum eis, et venit Nazareth, et erat subditus illis: et mater ejus conservabat omnia verba hæc in corde suo. Et Jesus proficiebat sapientia, et ætate, et gratia apud Deum et homines.

DOMINICA PRIMA POST PASCHA.

Collecta.

MNIPOTENS Pater, qui Filium tuum unigenitum dedisti, ut pro peccatis nostris moreretur, et propter justificationem nostram resurgeret, concede ut abjecto malitiæ et nequitiæ fermento, in puritate vitæ et veritate semper tibi serviamus, per merita ejusdem Filii tui Jesu Christi Domini nostri. Amen.