veniat, aut quo vadat: sic est omnis, qui natus est ex Spiritu. Respondit Nicodemus et dixit ei: Quomodo possunt hæc fieri? Respondit Jesus, et dixit ei: Tu es magister in Israel, et hæc ignoras? Amen, amen, dico tibi, quia quod scimus loquimur, et quod vidimus testamur, et testimonium nostrum non accipitis. Si terrena dixi vobis et non creditis; quomodo, si dixero vobis cœlestia, credetis? Et nemo ascendit in cœlum, nisi qui descendit de cœlo, Filius hominis, qui est in cœlo. Et sicut Moyses exaltavit serpentem in deserto, ita exaltari oportet Filium hominis; ut omnis qui credit in ipsum non pereat, sed habeat vitam æternam.

DOMINICA DECIMA QUINTA POST TRINIT.

Collecta.

CUSTODI quæsumus, Domine, Ecclesiam tuam

miseratione perpetua. Et quia sine te non potest non labi humana fragilitas, gratiæ tuæ auxilium concede nobis ; quo ab omnibus noxiis abstrahamur, et ad cuncta salutaria dirigamur, per Jesum Christum Dominum nostrum. Amen.

Epistola. Gal. vj. 11.

IDETE qualibus literis scripsi vobis mea manu. Quicunque volunt placere in carne, hi cogunt vos circumcidi; tantum ut crucis Christi persecutionem non patiantur. Neque enim qui circumciduntur, legem custodiunt; sed volunt vos circumcidi, ut in carne vestra glorientur. Mihi autem absit gloriari, nisi in cruce Domini nostri Jesu Christi, per quem mihi mundus crucifixus est, et ego mundo. In Christo enim Jesu neque circumcisio aliquid

valet, neque præputium; sed nova creatura. Et quicunque hanc regulam secuti fuerint, pax super illos, et misericordia, et super Israel Dei. De cœtero nemo mihi molestus sit. Ego enim stigmata Domini Jesu in corpore meo porto. Gratia Domini nostri Jesu Christi cum spiritu vestro, fratres. Amen.

N

Evangelium. S. Matth. vj. 24.

EMO potest duobus Dominis servire; aut enim unum odio habebit, et alterum diliget; aut unum sustinebit, et alterum contemnet. Non potestis Deo servire, et mammona. Ideo dico vobis, Ne soliciti sitis animæ vestræ quid manducetis, neque corpori vestro quid induamini. Nonne anima plus est quam esca, et corpus plusquam vestimentum? Respicite volatilia coli, quoniam non serunt, neque metunt, neque congregant in horrea: et Pater vester cœlestis pascit illa. Nonne vos magis pluris estis illis? Quis autem vestrum cogitans, potest adjicere ad staturam suam cubitum unum? Et de vestimento quid soliciti estis? Considerate lilia agri quomodo crescunt, non laborant neque nent. Dico autem vobis, Quoniam nec Salomon in omni gloria sua coopertus est sicut unum ex istis: si autem fœnum agri quod hodie est, et cras in clibanum mittitur, Deus sic vestit; quanto magis vos, modicæ fidei? Nolite ergo soliciti esse, dicentes, Quid manducabimus, aut, Quid bibemus, aut, Quo operiemur? Hæc enim omnia Gentes inquirunt. Scit enim Pater vester, quia his omnibus indigetis. Quærite ergo primum regnum Dei, et justitiam ejus; et hæc omnia adjicientur vobis. Nolite ergo soliciti esse in crastinum; crastinus enim dies solicitus erit sibi ipsi. Sufficit diei malitia sua.

DOMINICA DECIMA SEXTA POST TRINIT.

Collecta.

CCLESIAM tuam, Domine, perpetuo miseri

cordiæ tuæ subsidio mundato et munito: et quia sine ope tua non potest salva consistere, tuo semper auxilio tuaque bonitate custodiatur, per Jesum Christum Dominum nostrum. Amen.

Epistola. Ephes. iij. 13.

PETO, ne deficiatis in tribulationibus meis pro vobis, quæ est gloria vestra: hujus rei gratia flecto genua mea ad Patrem Domini nostri Jesu Christi, ex quo omnis paternitas in cœlis et in terra nominatur, ut det vobis secundum divitias gloriæ suæ, virtute corroborari per Spiritum ejus in interiori homine; Christum habitare per fidem in cordibus vestris; in charitate radicati et fundati; ut possitis comprehendere cum omnibus sanctis, quæ sit latitudo, et longitudo, et sublimitas, et profundum; scire etiam supereminentem scientiæ charitatem Christi, ut impleamini in omnem plenitudinem Dei. autem qui potens est omnia facere superabundanter quam petimus aut intelligimus, secundum virtutem quæ operatur in nobis, ipsi gloria in Ecclesia, et in Christo Jesu, in omnes generationes sæculi sæculorum. Amen.

ET

Evangelium. S. Luc. vij. 11.

Ei

T factum, deinceps ibat Jesus in civitatem, quæ vocatur Naim: et ibant cum eo discipuli ejus,

et turba copiosa. Cum autem appropinquaret portæ

civitatis, ecce defunctus efferebatur filius unicus matris suæ; et hæc vidua erat: et turba civitatis multa cum illa. Quam cum vidisset Dominus, misericordia motus super eam, dixit illi: Noli flere. Et accessit et tetigit loculum; hi autem qui portabant steterunt; et ait: Adolescens, tibi dico, Surge: et resedit qui erat mortuus, et cœpit loqui: et dedit illum matri suæ. Accepit autem omnes timor; et magnificabant Deum, dicentes: Quia propheta magnus surrexit in nobis, et: Quia Deus visitavit plebem suam. Et exiit hic sermo in universam Judæam de eo, et in omnem circa regionem.

T

DOMINICA DECIMA SEPTIMA POST TRINIT.

Collecta.

UA nos, Domine, semper gratia præveniat et sequatur, adeoque bonis omnibus operibus jugiter præstet intentos, per Jesum Christum Dominum nostrum. Amen.

Epistola. Ephes. iv. 1.

BSECRO itaque vos ego vinctus in Domino, ut digne ambuletis vocatione qua vocati estis ; cum omni humilitate, et mansuetudine, cum patientia, supportantes invicem in charitate, soliciti servare unitatem Spiritus in vinculo pacis. Unum corpus, et unus Spiritus, sicut vocati estis in una spe vocationis vestræ; unus Dominus, una fides, unum baptisma, unus Deus et Pater omnium, qui super omnes, et per omnia, et in omnibus nobis.

F

Evangelium. S. Luc. xiv. I.

ACTUM est cum intrasset Jesus in domum cu

jusdam principis Pharisæorum, Sabbato manducare panem ; et ipsi observabant eum. Et ecce homo quidam hydropicus erat ante illum. Et respondens Jesus dixit ad legisperitos et Pharisæos, dicens: Si licet Sabbato curare? At illi tacuerunt. Ipse vero apprehensum sanavit eum, ac dimisit. Et respondens ad illos dixit: Cujus vestrum asinus aut bos in puteum cadet, et non continuo extrahet illum die Sabbati? Et non poterant ad hæc respondere illi. Dicebat autem et ad invitatos parabolam, intendens quomodo primos accubitus eligerent, dicens ad illos: Cum invitatus fueris ad nuptias, non discumbas in primo loco, ne forte honoratior te sit invitatus ab illo: et veniens is qui te et illum vocavit, dicat tibi: Da huic locum; et tunc incipias cum rubore novissimum locum tenere. Sed cum vocatus fueris, vade, recumbe in novissimo loco: ut cum venerit qui te invitavit, dicat tibi: Amice, ascende superius. Tunc erit tibi gloria coram simul discumbentibus: quia omnis qui se exaltat humiliabitur, et qui se humiliat exaltabitur.

DOMINICA DECIMA OCTAVA POST TRINIT.

Collecta.

RATIAM eam populo tuo concede quæsumus,

Domine, qua mundi, carnis, et Diaboli tentationibus resistere, et te solum verum Deum puro affectu puraque mente sectari possit, per Jesum Christum Dominum nostrum. Amen.