Catholicam et Apostolicam Ecclesiam. Confiteor unum Baptisma in remissionem peccatorum: Et expecto Resurrectionem mortuorum, Et vitam venturi sæculi. Amen.

Tum Presbyter ad Mensam Domini revertitur, et Offertorium incipit, una aut altera aut etiam pluribus harum sententiarum recitatis.

IC luceat lux vestra coram hominibus, ut videant opera vestra bona, et glorificent Patrem vestrum qui in cœlis est. s. Matth. v. 16.

Nolite thesaurizare vobis thesauros in terra; ubi ærugo et tinea demolitur, et ubi fures effodiunt et furantur. Thesaurizate autem vobis thesauros in cœlo; ubi neque ærugo neque tinea demolitur, et ubi fures non effodiunt nec furantur. S. Matth. vi. 19, 20.

Hoc autem dico, Qui parce seminat, parce et metet; et qui seminat in benedictionibus, de benedictionibus et metet. Unusquisque prout destinavit in corde; non ex tristitia, aut ex necessitate. Hilarem enim datorem diligit Deus. 2 Cor. ix. 6, 7.

Non enim injustus Deus, ut obliviscatur operis vestri, et dilectionis quam ostenditis in nomine ipsius, qui ministrastis sanctis, et ministratis. Heb. vi. 10.

Beneficentiæ autem et communionis nolite oblivisci. Talibus enim hostiis promeretur Deus. Heb. xiii. 16.

Beatus vir qui intelligit super egenum et pauperem; in die mala liberabit eum Dominus.

Tum dicit Presbyter,

Psal. xli. I.

Oremus pro universo statu Ecclesiæ Christi hic in terra militantis.

OMNIPOTENS et æterne Deus, qui per sanctum

Apostolum tuum nos docuisti orare, obsecrare, deprecari, et gratias agere pro omnibus hominibus; Te rogamus supplices ut clementer (eleemosynas atque oblationes nostras accipias, et) has nostras orationes quas Divinæ Majestati tuæ offerimus, exaudias; supplicantes, ut Spiritum veritatis, unitatis ac concordiæ, universæ Ecclesiæ tuæ inspires. Concede etiam ut quotquot sanctum Nomen tuum confitentur, ii omnes in sancti Verbi tui veritate consentiant, vivantque inter se in charitate concordes. Insuper te rogamus supplices, ut omnes Reges, Principes ac Dynastas, Christum profitentes, serves ac tuearis: imprimis autem famulam tuam Victoriam Reginam nostram, ut sub ea pie et tranquille vivamus. Da etiam Consiliariis ipsius universis, singulisque magistratu aliquo sub ipsa fungentibus, ut recte ac sine personarum acceptione jus dicant; nequitiam et vitia coercendo, et veram Dei religionem et virtutem tuendo et propagando. Eam autem gratiam Episcopis ac Ministris omnibus largire, qua cum moribus tum doctrina, Verbum tuum vivum patefaciant, promoveant et illustrent, et recte riteque Sacramenta tua sancta administrent. Et populo tuo universo, huic autem cœtui præsertim, concede ut animo miti ac debita reverentia, sanctum Verbum tuum audiant ac excipiant, tibi vere servientes in sanctitate et justitia, omnibus diebus vitæ suæ. Maxime insuper cum animi demissione te rogamus, Domine, pro benignitate tua, ut eos omnes consoleris et adjuves, qui angustiis, doloribus, inopia, morbo, aliisve rebus adversis premuntur. Atque sancto Nomini tuo benedicimus pro omnibus famulis tuis, qui in fide ac

timore tuo ex hac vita migrarunt; suppliciter te rogantes, ut gratia nobis concedatur, qua eorum exempla bona sequuti, una cum illis regni tui cœlestis fiamus participes. Hæc nobis concede, Pater, propter Jesum Christum, Mediatorem et Advocatum nostrum unicum. Amen.

Tum Presbyter ad accipiendam sacram Communionem accedentibus dicit,

OS quos vere et serio peccatorum vestrorum

pœnitet, quique proximos vera charitate complectimini, et vitam novam instituere decrevistis ; mandatis Dei obsequendo, et in viis ejus sanctis posthac ambulando; Cum fide accedite, et hoc sanctum Sacramentum accipite in solatium vestrum : atque Omnipotenti Deo magna cum animi demissione confitemini, in genua modeste provoluti.

Tum hæc generalis Confessio eorum omnium noinem quibus propositum est sacram Communionem accipere, fit ab aliquo Ministrorum, ipso et Populo universo in genua humiliter provolutis, ac dicentibus.

MNIPOTENS Deus, Pater Domini nostri Jesu

Christi, rerum omnium Conditor, hominum omnium Judex, confitemur ac deploramus multiplicia peccata et scelera nostra, quæ subinde flagitiose admodum commisimus, cogitatione, verbo, et opere, contra Divinam tuam Majestatem; iram atque indignationem tuam adversus nos justissime provocantes. Serio nos pœnitet, et ex animo dolemus ob ejusmodi delicta nostra: eorum recordatio nobis

acerba est, onus intolerabile. Miserere nostri, miserere nostri, Pater summe misericors. Propter Filium tuum Jesum Christum Dominum nostrum, præteritorum omnium veniam concede: da etiam ut in posterum semper tibi serviamus, et placeamus in novitate vitæ ; ad Nominis tui honorem et gloriam, per Jesum Christum Dominum nostrum. Amen.

Tum Presbyter (aut Episcopus si adsit) erigit se, et conversus ad Populum hanc absolutionem pro

nuntiat.

OMNIPOTENS Deus Pater noster cœlestis, qui

ex summa misericordia peccatorum remissionem promisit, iis omnibus qui serio atque ex animo pœnitentes cum vera fide ad eum se convertunt, vestri misereatur ; peccata vestra vobis omnia condonet, ab iisque vos liberet; vos confirmet et roboret in omni bono, vosque perducat ad vitam æternam, per Jesum Christum Dominum nostrum. Amen.

Deinde Presbyter dicit,

Audite suavissima verba Christi Servatoris nostri, ad consolandum eos omnes qui ad ipsum revera convertuntur.

ENITE ad me omnes qui laboratis atque onerati estis, et ego reficiam vos. S. Matth. xi. 28.

Sic Deus dilexit mundum, ut Filium suum unigenitum dederit; ut omnis qui credit in eum non pereat, sed habeat vitam æternam. S. Joan. iij. 16.

Audite etiam quid dicat Sanctus Paulus.

Fidelis sermo, et omni acceptione dignus, quod Christus Jesus venit in hunc mundum peccatores salvos facere. 1 Tim. i. 15.

Audite etiam quid dicat Sanctus Joannes.

Si quis peccaverit, Advocatum habemus apud Patrem, Jesum Christum justum, et ipse est propitiatio pro peccatis nostris. 1 S. Joan. ij. 1.

Post quæ pergit Presbyter, dicens,

Sursum corda.

Resp. Elevamus ad Dominum.

Presb. Gratias agamus Domino Deo nostro.
Resp. Dignum et justum est.

V

Tum Presbyter ad mensam Domini conversus dicit, ERE dignum et justum est, et indispensabili officio tenemur, tibi semper et ubique gratias agere, Domine, Sancte Pater, Omnipotens, Æterne Deus.

1

DEO cum Angelis, et Archangelis, cumque omni militia cœlestis exercitus, gloriosum Nomen tuum laudamus et magnificamus; te sine fine celebrantes, ac dicentes, Sanctus, Sanctus, Sanctus Dominus Deus Sabaoth, pleni sunt cœli et terra gloria tua; Osanna tibi in excelsis, Deus. Amen.

Tum Presbyter in genua provolutus ad Mensam Domini, hanc sequentem Orationem dicit eorum omnium nomine qui sunt communicaturi.

N

ON ideo ad hanc mensam tuam audemus acce

dere, Domine misericors, quod in nostra justitia confidamus; sed in multitudine ac magnitudine