Page images
PDF
EPUB

miserationum tuarum. Non sumus digni qui micas colligamus sub mensa tua. Tu vero idem es Dominus cujus proprium est semper misereri. Nobis igitur concede, Domine misericors, carnem Filii tui dilectissimi Jesu Christi sic comedere, sicque sanguinem illius bibere, ut corpora nostra peccatis inquinata, munda fiant per illius corpus, et animæ nostræ abluantur in pretioso ipsius sanguine, utque perpetuo in ipso habitemus, et ipse in nobis. Amen.

Quum Presbyter stans ante Mensam Domini, Panem et Vinum ita disposuerit, ut expeditius ac decentius possit Panem frangere coram Populo, et Calicem in manus sumere; dicit Orationem Consecrationis, prout sequitur.

OMNIPOTENS Deus, Pater noster coœlestis, qui

ex immensa tua misericordia Jesum Christum Filium tuum unicum dedisti, ut mortem crucis subiret pro redemptione nostra; qui ibi (unica sui ipsius oblatione semel facta) plenum, perfectum, et sufficiens sacrificium obtulit, oblationem et satisfactionem pro peccatis totius mundi; et instituit præcepitque nobis in sancto Evangelio suo perpetuam memoriam pretiosæ suæ mortis celebrare, usque dum redeat; Exaudi nos quæsumus supplices, Pater misericors, et concede ut nos sumentes has creaturas tuas panem et vinum, juxta sanctam institutionem Filii tui Servatoris nostri Jesu Christi,

F

in memoriam mortis ac passionis illius, participes fiamus beatissimi illius Corporis ac Sanguinis: qui ea nocte qua tradebatur accepit a Pa

a Hic Presbyter ac

nem; et cum gratias egisset, illum cipit Patenam in manus. bfregit, ac dedit discipulis suis, di

b Hic autem frangit Panem.

c Hic manu porrecta

fuerit.

Hic calicem manu prehendit.

cens: Accipite, comedite, choc est Corpus meum quod pro vobis datur; tangit quicquid Panis ibi Hoc facite in meam commemorationem. Similiter postquam cœnatum est daccepit Calicem; et postquam gratias egisset, dedit illis, dicens: Bibite ex hoc omnes, "hic est enim Sanguis meus Novi Testa- gene), in quibus est Vimenti, qui pro vobis et pro multis num consecrandum, tangit porrecta manu. effunditur in remissionem peccatorum. Hoc facite, quotiescunque biberitis, in meam commemorationem.

Et hic vasa omnia (sive sint Calices sive La

Tunc Minister primus sacram Communionem sumit ipse sub utraque specie; tum pergit eam porrigere Episcopis, Presbyteris et Diaconis, eodem modo, si qui adfuerint; postea vero etiam plebi in manus ordine, singulis humiliter in genua provolutis. Unicuique autem Panem porrigens dicit,

CORPUS Domini nostri Jesu Christi, quod pro te

traditum est, corpus et animam tuam servet in vitam æternam. Accipe et comede hoc, in memoriam quod Christus mortuus est pro te, et fide illo vescitor in corde tuo, cum gratiarum actione.

Minister Calicem porrigens unicuique, dicit,

ANGUIS Domini nostri Jesu Christi, qui pro te

effusus est, corpus et animam tuam servet in vitam æternam. Bibe hoc in memoriam quod Sanguis Christi pro te effusus est, et gratias age.

Si quantum Panis aut Vini consecratum fuerat, id totum absumptum est priusquam omnes communicaverint; Presbyter majorem copiam consecrat juxta prius præscriptam formulam; incipiens a verbis (Servator noster Christus eadem nocte qua, &c.) ad benedicendum Pani; et ab his (Similiter postquam cœnatum) ad benedicendum Calici.

Postquam omnes communicaverint, Minister redit ad Mensam Domini, et reverenter super ea reponit quicquid superfuerit ex consecratis Elementis, illud cooperiens mundo linteo.

Tum Presbyter recitat Orationem Dominicam, populo unamquamque petitionem post ipsum iterante.

PAT

Fiat

ATER noster qui es in cœlis, Sanctificetur Nomen tuum. Adveniat regnum tuum. voluntas tua, sicut in cœlo, et in terra. Panem nostrum quotidianum da nobis hodie. Et dimitte nobis debita nostra, sicut et nos dimittimus debitoribus nostris. Et ne nos inducas in tentationem. Sed libera nos a malo. Quia tuum est regnum, potentia et gloria, in sæcula sæculorum. Amen.

[ocr errors]

Deinde dicitur, ut habetur in sequentibus.

DOMINE ac Pater cœlestis, nos humiles famuli rogamus supplices paternam tuam bonitatem, ut hoc laudis et gratiarum actionis sacrificium

clementer accipias, humillime supplicantes, ut propter merita et mortem Filii tui Jesu Christi, et per fidem in illius sanguinem, concedas, ut nos cum universa Ecclesia peccatorum nostrorum remissionem, cæteraque omnia beneficia passionis illius, consequamur. Hic autem offerimus ac præsentamus tibi, O Domine, nos ipsos, animas nostras et corpora, tibi hostiam rationalem, sanctam et vivam; submisse rogantes, ut quotquot participes sumus hujus sanctæ Communionis, tua gratia et cœlesti benedictione repleamur. Et quanquam indigni sumus ob multiplicia peccata nostra, qui tibi ullum sacrificium offeramus, attamen te rogamus supplices, ut acceptum habeas hoc debitum obsequium ac hunc cultum nostrum, non intuendo merita nostra, sed condonando delicta, per Jesum Christum Dominum nostrum, per quem et cum quo, in unitate Spiritus Sancti, tibi sit, Pater Omnipotens, omnis honor et gloria, in sæcula sæculorum. Amen.

G

LORIA in excelsis Deo, et in terra pax, bona voluntas hominibus. Te laudamus, tibi benedicimus; te adoramus, te glorificamus; tibi gratias agimus, propter summam gloriam tuam, Domine Deus, Rex cœli, Deus Pater Omnipotens.

Domine Fili unigenite Jesu Christe, Domine Deus, Agnus Dei, Filius Patris qui tollis peccata mundi, miserere nostri. Qui tollis peccata mundi, miserere nostri. Qui tollis peccata mundi, suscipe orationem nostram. Qui sedes ad dexteram Dei Patris, miserere nostri.

Quoniam tu solus sanctus, tu solus Dominus, tu solus, O Christe, cum Spiritu Sancto, altissimus in gloria Dei Patris. Amen.

AX Dei, quæ superat omnem intellectum, servet corda vestra et mentes vestras in cognitione et amore Dei, et Filii ejus Jesu Christi Domini nostri : et favor Omnipotentis Dei, Patris, Filii, et Spiritus Sancti, vobis adsit semperque vobiscum maneat. Amen.

« PreviousContinue »