bus, et perjuriis viam aperiunt, et sacris scripturis adversantur. 65. Qui mediante commendatione, vel munere, ad magistratum vel officium publicum promotus est, poterit cum restrictione mentali præstare juramentum, quod de mandato regis à similibus solet exigi, non habito respectu ad intentionem exigentis; quia non tenetur fateri crimen occultum. 28 Innoc. Cens. Lovan. 1657. Prop. 19. CENSURA. Hæc propositio scandalosa est, perniciosa, patrocinatur humanæ ambitioni, perjuria excusat, publicæ potestati contra Dei mandatum adversatur. 66. Patriarchæ et prophetæ, angeli, ipse Christus, nedum viri justi et sancti, æquivocationibus, sive amphibologiis, et restrictionibus mentalibus usi sunt. CENSURA. Hæc propositio scandalosa est, temeraria: mysticè, parabolicè, sive œconomicè ad insinuandam altiùs veritatem dicta, vel tacita, cum vulgaribus gestis confundit: SS. Patrum acta ludibrio vertit, ipsis etiam angelis injuriosa, erga Christum contumeliosa et impia. XIII. De calumnid. 67. Probabile est non peccare mortaliter, qui imponit falsum crimen alicui, ut suam justitiam et honorem defendat; et, si hoc non sit probabile, vix ulla erit opinio probabilis in theologia. 44 Innoc. Cens. Præd. Apolog. Lovan. 1657. Prop. 3. CENSURA. Hujus propositionis doctrina falsa est, temeraria, scandalosa, erronea, spatiosam calumniatoribus et impostoribus portam aperit, et clarè detegit, quàm nefaria placita probabilitatis nomine inducantur. XIV. De adjuvantibus ad flagitia. 68. Famulus, qui submissis humeris scienter adjuvat herum suum ascendere per fenestras ad stuprandam virginem, et multoties eidem subservit deferendo scalam, aperiendo januam, aut quid simile cooperando, non peccat mortaliter, si id faciat metu notabilis detrimenti puta ne à domino malè tractetur, ne torvis oculis aspiciatur, ne domo expellatur. 51 Innoc. Cens. Vicar. Gener. Paris. adversùs Apol. pag. 15. CENSURA. , Hæc propositio scandalosa est, perniciosa, verbis dominicis et apostolicis apertè contraria, et hæretica. Quam enim dabit homo commutationem pro anima sua (1)? et, Digni sunt morte, non solùm qui ea faciunt, sed etiam qui consentiunt facientibus (2). XV. De simonid, et beneficiis conferendis. 69. Non est contra justitiam beneficia ecclesiastica non conferre gratis, quia collator conferens illa beneficia ecclesiastica, pecuniâ interveniente, non exigit illam pro (1) Matth. XVI, 26. - (3) Rom. 1. 32. collatione beneficii, sed veluti pro emolumento temporali, quod tibi conferre non tenebatur. 22 Alex. Cens. Præd. Apol. et Guim. pag. 7. 70. Dare temporale pro spirituali non est simonia, quando temporale non datur tanquam pretium, sed duntaxat tanquam motivum conferendi, vel efficiendi spirituale; vel etiam quando temporale fit solùm gratuita compensatio pro spirituali, aut è contrario. 45 Innoc. Cens. Lovan. 1657.Prop. 15. 71. Et id quoque locum habet, etiamsi temporale sit principale motivum dandi spirituale, imò etiamsi sit finis ipsius rei spiritualis, sic ut illud pluris æstimetur, quàm res spiritualis. 46 Innoc. et prædicta Censura. CENSURA. Hæ propositiones temerariæ sunt, scandalosæ perniciosa, erronea; hæresim simoniacam, sacrâ scripturâ, canonibus et pontificiis constitutionibus reprobatam, mutato tantùm nomine per fallacem mentis sive intentionis directionem inducunt. 72. Cùm dixit concilium Tridentinum, eos alienis peccatis communicantes mortaliter peccare, qui non, quos digniores et Ecclesiæ magis utiles ipsi judicaverint, ad ecclesias promovent concilium, vel primò videtur per hoc, digniores, non aliud significare velle nisi dignitatem eligendorum, sumpto comparativo pro positivo: vel secundò, locutione minùs propriâ, ponit digniores, ut excludat indignos, non verò dignos: vel tantùm loquitur tertiò, quando fit concursus. 47 Innoc. Conc. Trid. Sess. 24. cap. 1 de Refor. CENSURA. Hæc propositio concilio Tridentino contraria est, Ecclesiæ utilitati, ac saluti animarum, quæ à pastorum delectu præcipuè pendet, adversatur. XVI. De Missæ sacrificio, et sacra communione. 73. Satisfacit præcepto Ecclesiæ de audiendo sacro, qui duas ejus partes, imò quatuor, simul à diversis celebrantibus audit. 53 Innoc. Cens. Lovan. 1657. Prop. 17. et Senon. pag. 19. CENSURA. Hæc propositio absurda est, scandalosa, illusoria, communique christianorum sensui repugnat. 74. Eidem præcepto satisfit per reverentiam exteriorem tantum, animo licet voluntariè in alienâ, imò et pravâ cogitatione defixo. Cens. Vic. Gen. Paris. pag. 18 et 19. 75. Præcepto communionis annuæ satisfit per sacrilegam corporis Domini manducationem. 55 Innoc. CENSURA Doctrina his duabus propositionibus contenta, temeraria est, scandalosa, erronea, impietati et sacrilegio favet, et præceptis Ecclesiæ illudit. 76. Frequens confessio et communio, etiam in his qui gentiliter vivunt, est nota prædestinationis. 56 Innoc. CENSURA. Hæc propositio temeraria est, scandalosa, erronea, impia, et sacris litteris contraria. XVII. De Missa parochiali. 77. Nullus in foro conscientiæ parochiæ suæ interesse tenetur, nec ad annuam confessionem, nec ad Missas parochiales, nec ad audiendum verbum Dei, divinam legem, fidei rudimenta, morumque doctrinam, quæ ibi in catechesibus annuntiantur, et docentur. Prop. 4 inter sex damnatas in Comitiis generalibus Cleri Gallicani an. 1656, pag. 412 du Procès-Verbal. 78. Talem legem in hac materia, nec episcopi, nec concilia provinciarum nec nationum sancire; nec delinquentes aliquibus pœnis, aut ecclesiasticis censuris mulctare possunt. Prop. 5 ex sex præd. 79. Plebs virtute concilii Tridentini cogi non potest censuris et pœnis ecclesiasticis, ut eat ad suam parochiam diebus dominicis ad audiendam missam (parochialem scilicet.) CENSURA. Harum propositionum doctrina falsa est, temeraria, scandalosa, jam à clero Gallicano graviter condemnata, sacris canonibus, concilio Tridentino (1), et apostolicæ traditioni contraria, dicente Apostolo non deserentes collectionem nostram, sicut consuetudinis est quibusdam (2). XVIII. Circa confessionem sacramentalem. 80. Peccata in confessione omissa seu oblita ob instans (1) Concil. Trid. Sess. xx11. Decret. de observ. etc. Sess. XXIV. cap. IV. -(2) Heb. x. 25. periculum |