INCIPIT ARGUMENTUM AD EOSDEM SECUNDAE. Ad Thessalonicenses secundam scribit epistulam et notum facit eis de temporibus novissimis et de adversarii detectione. Scribit hanc epistulam ab Athenis. EXPLICIT ARGUMENTUM. INCIPIUNT CAPITULA. I. De persecutione, quod exemplum sit iusti iudicii dei, et persecutorum supplicio sempiterno. II. De discessione et antichristo. III. De sanctis, quod a domino elegantur. IIII. De apostolica traditione. V. De apostolo praedicante quod non est omnium fides. VI. De sanctis, quod ex omnibus malis a domino liberentur. VII. De separatione sanctorum ab eis qui contra vivunt: et quod VIII. De non operantibus et curiose agentibus. EXPLICIUNT CAPITULA. 6 INCIPIT EPISTULA AD THESSALONICENSES II. 7 I. 1 (1) Paulus et Silvanus et Timotheus ecclesiae Thessalonicensium in deo patre nostro et domino Iesu Christo. 2 Gratia vobis et pax a deo patre nostro et domino Iesu Christo. 3 Gratias agere debemus deo semper pro vobis, fratres, ita ut dignum est, quoniam supercrescit fides vestra et abundat caritas uniuscuiusque vestrum in invicem, ita ut nos ipsi in vobis gloriemur in ecclesiis dei pro patientia vestra et fide in omnibus persecutionibus vestris et tribulationibus quas sustinetis 5 in exemplum iusti iudicii dei, ut digni habeamini regno dei, pro quo et patimini; si tamen iustum est apud deum retribuere tribulationem his qui vos tribulant et vobis qui tribulamini requiem nobiscum in revelatione domini Iesu de caelo cum angelis virtutis eius in flamma ignis dantis vindictam his qui non noverunt deum et qui non oboediunt evangelio domini nostri Iesu Christi; 9qui poenas dabunt in interitum aeternas a facie domini et a gloria virtutis eius, 10 cum venerit glorificari in sanctis suis et admirabilis fieri in omnibus qui crediderunt, quia creditum est testimonium nostrum super vos in die illo. 11 In quo etiam oramus semper pro vobis, ut dignetur vos vocatione sua deus et impleat omnem voluntatem bonitatis et opus fidei in virtute, 12 ut clarificetur nomen domini 'Iesu Christi in vobis et vos in illo secundum gratiam dei nostri et domini Iesu Christi. II. 1 (2) Rogamus autem vos, fratres, per adventum domini nostri lesu Christi et nostrae congregationis in ipsum, ut non cito moveamini a vestro sensu neque terreamini, neque per spiritum neque per sermonem neque per epistulam tamquam per nos, quasi instet dies domini. 3 Ne quis vos seducat ullo modo, quoniam nisi venerit discessio primum et revelatus fuerit homo peccati, filius perditionis, 14 6 qui adversatur et ex 8 tollitur supra omne quod dicitur deus aut quod colitur, ita ut in templo dei sedeat ostendens se tamquam sit deus. 5 Non retinetis quod cum essemus apud vos haec dicebamus vobis? Et nunc quid detineat scitis, ut reveletur in suo tempore. Nam mysterium iam operatur iniquitatis, tantum ut qui tenet nunc teneat donec de medio fiat. Et tunc revelabitur ille iniquus, quem dominus Iesus interficiet spiritu oris sui et destruet inlustratione adventus sui, eum cuius est adventus secundum operationem satanae in omni virtute, signis et prodigus mendacibus, in omni seductione iniquitatis his qui pereunt, eo quod caritatem veritatis non receperunt ut salvi fierent. 11 Ideo mittit illis deus operationem erroris, ut credant mendacio, 12 ut iudicentur omnes qui non crediderunt veritati sed consenserunt iniquitati. 13 (3) Nos autem debemus gratias agere deo semper pro vobis, fratres dilecti a deo, quod elegerit nos deus primitias in salutem in sanctificatione spiritus et fide veritatis, in qua et vocavit vos per evangelium nostrum in quisitionem gloriae domini nostri Iesu Christi. 15 (4) Itaque, fratres, state, et tenete * traditionis quas didicistis sive per sermonem sive per epistulam nostram: ipse autem dominus noster Iesus Christus et deus et pater noster, qui dilexit nos et dedit consolationem aeternam et spem bonam in gratia, exhortetur corda vestra et confirmet in omni opere et 16 sermone bono. III. 1 (5) De cetero, fratres, orate pro nobis, ut sermo dei 'currat et clarificetur sicut et apud vos, et ut liberemur ab inportunis et malis hominibus; non enim omnium est fides. 3 (6) Fidelis autem dominus est, qui confirmavit vos et custodiet a malo. Confidimus autem de vobis in domino, quoniam quae praecipimus et facitis et facietis. 5 Dominus 4 autem dirigat corda vestra in caritate dei et patientia Christi. 6 (7) Denuntiamus autem vobis, fratres, in nomine domini nostri Iesu Christi, ut subtrahatis vos ab omni fratre ambulante inordinate et non secundum traditionem quam acceperunt a nobis. Ipsi scitis quemadmodum oporteat imitari nos, quoniam non inquieti fuimus inter vos, neque gratis panem manducavimus ab aliquo, sed in labore et fatigatione nocte et die operantes, ne quem vestrum gravaremus; non quasi non habuerimus potestatem; sed ut nosmet ipsos formam daremus vobis ad imitandum nos. 10 Nam et cum essemus apud vos, hoc denuntiabamus 9 11 (8) Audimus vobis, quoniam si quis non vult operari, nec manducet. enim inter vos quosdam ambulantes inquiete, nihil operantes sed riose agentes: 12 his autem qui eiusmodi sunt denuntiamus et obsecramus in domino Iesu Christo, ut cum silentio operantes suum panem manducent. 13 (9) Vos autem, fratres, nolite deficere bene facientes. 14 Quod si quis non oboedit verbo nostro per epistulam, hunc notate et non conmisceamini cum illo, ut confundatur: 15 et nolite quasi inimicum existimare, sed corripite ut fratrem. Ipse autem dominus pacis det vobis pacem sempiternam in omni loco. Dominus cum omnibus vobis. 17 Salutatio mea manu Pauli, quod est signum in omni epistula: ita scribo. 18 Gratia domini nostri Iesu Christi cum omnibus vobis, amen. 16 EXPLICIT AD THESSALONICENSES SEC. INCIPIT ARGUMENTUM AD THIMOTHEUM. Timotheum instruit et docet de ordinatione episcopatus et diaconii et omnis ecclesiastice disciplinae, scribens ei a Machedonia. EXPLICIT ARGUMENTUM. INCIPIUNT CAPITULA. I. De fabulis et genealogiis et doctoribus vanis ac perversa doctrina et plenitudine sanae doctrinae. II. De lege, quod iustis posita non sit sed iniustis et omnibus sceleratis: et de apostoli vita pristina, et de misericordia dei super ignorantiam pro gratia. III. De domino, quod salvare peccatores in saeculum venerit: et de apostolo ad exemplum credentium misericordiam consecuto. IIII. De Hymeneo et Alexandro traditis satanae. V. De orationibus pro hominibus universis: et quod omnes homines velit salvos fieri deus. VI. De 'deo quod unus est, et de domino quod mediator dei et hominum unus est, homo Christus Iesus'. VII. De libertate virorum ac mulierum orandi in omni loco, et habitu feminarum. VIII. De episcoporum et coniugum 'formulam, et diaconorum: et quod aliquando idem episcopi qui et praesbyteri dicebantur. IX. De mysterio pietatis. X. De spiritu sancto novissima tempora et simulatores et infidelium perfidiam per apostolum praedicante. XI. De profanis et anilibus fabulis, et corporali exercitio et exer citio pietatis. XII. De labore sanctorum. XIII. De doctorem, quod se ipsum discipulis formulam bonis operi bus in omnibus debeat exhibere. XIIII. De doctore, quod nihil aliud quam doctrinam et iustitias domini semper debeat meditari. XV. De senioribus non increpandis. |