tiam qua justitiam fideliter administrent, pacemque sequantur: ac populo tuo tuam benedictionem. Tribue agonizantibus veram contritionem, tuumque amorem; inimicis meis tuam charitatem ac dulcedinem; amicis, benefactoribus et consanguineis tuam dilectionem : nosque et omnia nostra dirige, ut cultus tuus semper et ubique vigeat et perseveret. 102. Obsecratio pro peccatoribus. Æterne rerum omnium effector Deus, memento abs te animas peccatorum esse procreatas, easque ad imaginem et similitudinem tuam conditas. Ecce, Domine, in opprobrium tuum, his ipsis infernus impletur. Memento Jesum Filium tuum pro illorum salute atrocissimam subiisse necem. Noli, quæso, Domine, ultra permittere ut isti in iniquitatibus suis perseverantes, Filium tuum omnium Salvatorem contemnant: sed precibus sanctorum tuorum, et sanctissimæ Ecclesiæ ejusdem Filii tui sponsæ placatus, recordare misericordiæ tuæ: et oblitus inobedientiæ et prævaricationis eorum, effice ut et ipsi tandem ex toto corde convertantur ad eum quem misisti, Dominum nostrum Jesum Christum, per quem salvati et liberati sumus, cui sit gloria per infinita sæcula sæculorum. Amen. 103. Conclusio. Adjuvet nos gratia tua, omnipotens Deus, ut qui officium sacerdotale suscepimus, digne et devote tibi cum omni puritate et in conscientia bona famulari valeamus. Et si non possumus in tanta innocentia vitæ conversari, ut debemus, concede nobis tam digne flere mala quæ gessimus, ut in spiritu humilitatis, ac bonæ voluntatis proposito, tibi ferventius deservire valeamus. Amen. |