sumque in perpetuum esse volo portiones meas in loco nuncupato ill. sitas in pago ill. quae mihi tam de alode quam de comparato vel de quolibet adtracto advenit, vel legibus advenire potest, in supra memorato loco, tam terris, domibus, aedificiis, mancipiis, libertis, accolabus, merito accolonorum, vineis, silvis, pratis, pascuis, campis, cultis, incultis, aquis, aquarumve decursibus, mobilibus et immobilibus, cum omnibus adiacentiis et appendiciis vel colonicis ad me pertinentibus, vel omni integritate, vel superposito, quicquid dici aut nominari potest in supra memorato pago vel loco supra nominato vel utique de supradictis portionibus tenere visus sum, totum et ad integrum à die praesente ad iam memoratum Monasterium vel ad ipsos Monachos ibi consistentes perpetualiter trado atque transfundo de meo iure in eorum dominationem ad possidendum, ut quicquid à die praesente exinde facere voluerint, liberam ac firmissimam in omnibus habeant potestatem faciendi. Si quis vero, quod fieri non credo, in futurum, sive ego ipse, aut ullus de heredibus vel proheredibus meis, ant ulla emissa vel opposita persona, vel quislibet, qui contra hanc cessionem meam, quam ego bona voluntate fieri et adfirmare rogavi, venire, agere, aut resultare, vel quibuscunque modis repetere aut infrangere conatus fuerit, nec hoc valeat vindicare quod repetit, et insuper partibus supra memorati Monasterii vel Monachis ibi consistentibus duplum tantum quantum ipsae res eo tempore melioratae valuerint componat, et insuper socio fisco multa auri libram unam coactus exsolvat, et haec cessio omni tempore firma permaneat, stipulatione subnexa. Actum loco illo, Donatio ad casam Dei. XVIII. Ille bene possidet res in seculo qui sibi de terrenis seu de caducis rebus comparat praemia sempiterna. Quapropter ego in Dei nomine ille, necnon et coniux mea, ambo pariter cogitantes de Dei timore vel aeterna retributione, propterea donamus, tradimus aliquas res nostras ad Monasterium quod dicitur ill. quod dedicatum esse dinoscitur in honorem Sancti illius, ubi venerabilis vir ille Rector pracesse videtur. Donamus igitur et donatum in perpetuo esse volumus hoc est, in pago ill. nuncupato ill. fluvio ill. mansos tantos, cum hominibus ibidem commanentibus vel aspicientibus ill, vel ill. cum domibus, acdificiis, curtiferis, cum wadris, campis, terris, tam cultis quam et incultis, silvis, pratis, pascuis, et farinariis, cum inviis, perviis, aquis, aquarumque discursibus, mobilibus et immobilibus, praesidiis, peculiis, pecoribus, omne et ex omnibus, quicquid in ipso loco nostra videtur esse possessio vel dominatio, rem exquisitam, totam et ad integrum, tam de alode quam et de comparato seu de quolibet adtractu, quicquid ad nos ibidem noscitur pervenisse, de nostro iure in ius et dominationem iam dicti Monasterii per hanc chartulam donationis sive per festucam atque per andelangum à die praesente donamus, tradimus, atque perpetualiter in omnibus transfirmamus. In ea vero ratione ut pars praedicti Monasterii ab hac die hoc habeat, teneat, atque possideat, vel quicquid exinde facere voluerit, liberam ac firmissimam Christo propitio, in omnibus habeat potestatem. Et si quis deinceps, quod futurum esse non credimus, si nosmetipsi, quod absit, aut ullus quislibet de heredibus nostris, seu ulla quaelibet extranea persona contra hanc donationem venire aut eam calumniari praesumpserit, si se exinde non correxerit, à liminibus sanctae Ecclesiae excommunicatus et sequestratus appareat, et insuper ante tribunal Christi hac de causa se iudicatum iri cognoscat. Cui vero calumniam intulerit, auri uncias tant. argenti libras tant. coactus exsolvat, et quod repetit nullo modo evindicare praevaleat; sed praesens donatio haec nostris et nobis rogantibus bonorum hominum manibus roborata, quorum nomina vel signacula subter tenentur inserta, stipulatione nostra posita, diuturno tempore maneat inconvulsa. Actum. Et reliqua. Precaria ad casam Dei. XIX. Domino venerabili et in Christo patri ill. Episcopo de Monasterio illo, quod est constructum infra muros illius civitatis iuxta fluvium ill. etc. Igitur ego in Dei nomine ille. Dum non est incognitum qualiter omnem rem portionis meae in pago ill. in loco nuncupato ill. super fluvio ill. et in illo loco qui dicitur ill. id est mansos tantos, cum domibus, aedificiis, curtiferis, cum wadris, silvis, terris arabilibus, campis, pratis, pascuis, cum inviis, perviis, et mancipiis ibidem commanentibus vel adspicientibus, quantacunque in ipsis locis mea fuit possessio vel dominatio, vobis ad ipsum Monasterium superius nominatum ad opus Sancti ill. tradidi atque transfirmavi. Sed postea mea fuit petitio, et vestra non denegavit voluntas, ut ipsam rem, dum advixero, per vestrum beneficium usufructuario mihi praestitissetis ad habere. Quod ita et fecistis. Simili etiam modo expetivi à vobis aliquam rem vestram in pago illo, in loco nuncupato ill, super fluvio illo illam videlicet rem quam quondam ille homo per vestrum beneficium tenere visus est, ut eam mihi in usum concedere dignaremini. Et pro ipso usu censivi vobis annis singulis denarios seu solidos tantos, ut ipsos ad festi vitatem Sancti illius, die mensis illius, exolvere facerem. Et si de ipso censu tardus aut negligens apparuerim, fidem exinde faciam, et contra ipsam casam Dei componere debeam. Et sic nobis complacuit atque convenit ut ipsas res nec vendere, nec donare, nec concambiare, nec in allum quodlibet naufragium imponere licentiam non habeam, nisi tantum, dum advixero, usitare et meliorare faciam. Et post meum ex hac luce discessum, filius meus nomine ill. in ipsa precaria vel in ipso censu adstare debeat. At post eius discessum ipsas res cum omni supraposito, quicquid ibidem adtractum emelioratumque repertum fuerit, vel transitus eius ibidem dereliquerit, absque ullius contradictione vel iudiciaria consignatione revocare faciatis in vestrum dominium. Et ut haec precaria firmior habeatur, de quinquennio in quinquennium sit renovata sic semper permanere valeat in effectum, stipulatione interposita. Actum. Et reliqua, Praestaria ad casam Dei. quatenas ܕ XX. Ego in Dei nomine ille, Abba de Monasterio illo quod est constructum in honore Sancti illius, dilecto amico nostro nomine ill. et uxori suae nomine ill. Dum non est incognitum qualiter aliquas res vestras in pago illo, in loco nuncupato illo, super fluvio illo, hoc est, mansos tantos, cum domibus, aedificiis, curtiferis, cum wadris, campis, terris, pratis, pascuis, cum inviis, perviis, et mancipiis ibidem commanentibus vel adspicientibus his nominibus ill. et ill. vel quantacunque in ipso loco vestra fuit possessio vel dominatio, nobis ad iam dictum Monasterium ad opus Sancti ill. tradidistis atque confirmastis. Sed postea vestra fuit petitio, et nostra non denegavit voluntas, ut ipsas res, dum advixeritis, usufructuario iure praestitissemus ad habere. Quod ita et fecimus. Et pro ipso usu censistis nobis singulis annis denarios tantos, ut ipsos ad festivitatem Sancti ill. die mensis ill. exolvere faciatis. Et si de ipso censu tardi aut negligentes apparueritis, fidem exinde faciatis, et contra ipsam casam Dei componere debeatis. Et sic nobis complacuit atque convenit, ut ipsas res nec vendere, nac donare, nec alienare, nec concambiare, nec in ullum quodlibet naufragium ponere licentiam non habeatis; nisi tantum, dum advixeritis, usitare et meliorare faciatis; et post vestrum amborum discessum ipsas res emelioratas absque ullius contradictione vel iudiciaria assignatione revocare faciamus in nostrum dominium. Et haec praestaria de quinquennio in quinquenni um sit renovata, quatenus permanere valeat in effectum, stipulatione composita, diuturno tempore inconvulsa. Aotum. Et reliqua. Donatio ad casam Dei. XXI. Domino vere sancto ac reverendissimo Monasterii illius, etc. ut supra pag. 362. Precaria ad casam Dei. XXII. Dominis vere sanctis Monasterii in honorem sanctae Mariae et sancti Petri et sancti Pauli, Principum Apostolorum, constructi in pago Wastinensi, ubi illustris Abbatissa ill. custrix praeesse videtur, una cum norma plurima ancillarum ibidem consistentium, ego illa femina. Dum non habetur incognitum, sed plurimis est manifestum, quod ego res proprietatis meae in loco qui dicitur ill. per epistolam donationis ad ipsum Monasterium vestrum delegavi. Propterea expetii à vobis, et vos petitionem meam non denegastis, ut ipsas res, quandiu advivo, sub usu beneficii vestri tenere et usuare debeam, et aliubi ipsas res alienare pontificium non habeam, et post meum quoque discessum cum omni re emeliorata ad ipsum Monasterium absque ulla expectata traditione vos vel Rectores ipsius Monasterii in eorum faciant revocare potestatem et dominationem. Et ut in postmodum aliquod praeiudicium ex hoc generare non debeam, propterea hanc precariam vobis vel ipsi Monasterio vestro emittendam decrevi, ut neque ego neque ullus de heredibus meis, quamvis per longinqua spatia, ipsas res repetere non debeamus. Quod qui fecerit, inferat vobis vel partibus ipsius Monasterii suisque Rectoribus auri libram unam argenti pondo duo, et praesens precaria firma permaneat. Et ut aliae praccariae de quinquennio in quinquennium renovantur, istam vero non sit necesse renovare, sed per semetipsam omni tempore obtineat firmitatem, cum stipulatione subnexa. Actum. Et reliqua. Praestaria. XXIII. Dulcissimae feminae ill. ego illa Abbatissa. Dum non est incognitum qualiter tu ante hos dies rem proprietatis tuae in pago ill. in loco qui dicitur ill. ad Monasterium sanctae Mariae adfirmasti, unde precariam à nobis vel ab ipso Monasterio petiisti, propterea has litteras in te adfirmavimus, ut dum advivis usualiter ipsam rem tenere et dominare debeas, et aliubi ipsam alienare pontificium non habeas, et si hoc conatus eris facere, ipsam rem à die praesente perdas. Et ut has litteras firmiores obtineas, manu nostra subter adfirmavimus, cum stipulatione subnexa. Actum. Et reliqua, Traditoria de terra. XXIV. Notitia qualiter et quibus praesentibus veniens homo aliquis Advocatus Sancti illius, etc, ut supra. pag. 364. Precaria de ipsa villa dum vivit. eo XXV. Domino venerabili in Christo Patri Domno ill. Abbati de Monasterio ill. vel omni congregationi Monachorum in Monasterio illo, quod est in pago illo, in honorem Sanctorum illorum constructo, ibidem Deo deservienti, ego enim ille. Dum non habetur incognitum, sed inter plures cognoscitur, quod ego res meas iuris ac proprietatis meae, quae sunt in pago illo et illis conditis vel finibus illis, villas et loca nuncupata ill. et ill. cum omni merito vel termino suo, cum omni integritate vel appendiciis, vel adiacentiis, vel suprapositis, seu servos et ancillas, accolas, libertos, libertas, cum omni peculiari et merito eorum, ad iam dictum Monasterium à die praesenti per meam epistolam confirmavi, et vos omnia supra memorata vel quantum ipsa epistola commemorat, per meam traditionem ad partem iam dicti Monasterii in vestro iure vel potestate recepistis; sed dum postea mea fuit petitio vel supplicatio, et vestra praestitit bona voluntas, ut ipsas res quandiu advixero, per vestrum praestitum beneficium tantummodo usufructuario ordine habeam vel possideam, videlicet modo ut quicquam exinde minuendi aut distrahendi aut alienandi non habeam potestatem. Quod si fuerit, quod absit, aut ego ipse, aut aliquis de heredibus meis vel quislibet qui in aliqua contrarietate aut diminutione seu calumnia orta fuerit, aut surrexerit, aut adesse conatus fuerit, in primis ipsas res amittat, et Abbas Monasterii vestri eas ad integrum recipiat, insuper et alias tantas res partibus ipsius Monasterii componere et adimplere faciat. Et quia censistis me annis singulis pro ipsis rebus in festo Sancti ill. argentum vel quidlibet solvere faciam, si de ipso censu ad eum placitum negligens fuero, spondeo ut ipsum in duplum solvam. At dum haec omnia supra memorata inlibata servavero, nec vos nec iuniores aut successores vestri de ipsis rebus ullam diminutionem vel contrarietatem, si spatium vitae Dominus mihi prolongare dignatus fuerit, facere praesumatis. Post meum quoque discessum omnes ipsas res, cum omni addita melioratione vel om. nibus suprapositis, cum omnibus rebus atque corporibus, opibus atque praesidiis, absque ullius iudicis aut heredum meorum expectata consignatione aut traditione vos aut agentes vestri iam dicti monasterii vestri in eorum faciant revocare vel recipere dominationem vel potestatem, sicut corum continet epistola, perpetualiter faciendo quod egerint, |