Page images
PDF
EPUB

Postea fiat benedictio salis, aquæ, cinerum, et vini. Finita benedictione, si ecclesia sit, circumeat episcopus tribus vicibus intrinsecus, ter spargendo aquam benedictam cum sale, cinere, et vino primo per pavimentum : secundo in medio; tertio, in summitate parietis, ut supra in dedicatione ecclesiæ, ac præcipue in loco contaminato, incipiens qualibet vice ab occidente per boream ad partem orientalem, usque dum redeat per sinistram in occidentem, ad locum quo inceperit. Eodem modo fiat extrinsecus. Si fuerit cœmeterium, primo de remotiori parte, secundo in medio, tertio juxta ecclesiam circumeundo, et maxime in loco delicti, spargat aquam benedictam. Interim cantetur hæc antiphona a choro.

Antiphona.

Asperges me, Domine, hyssopo et mundabor: lavabis me, et super nivem dealbabor.

Psalmus.

Gloria Patri.

Miserere mei Deus. Et dicatur sine,

Et post unumquemque versum repetatur antiphona, Asperges me.

Deinde rediens ad locum primum ubi litaniam dixerit, dicat istam orationem, sine Oremus.

Oratio.

Deum indultorem criminum, Deum sordium mundatorem, Deum qui concretum originalibus peccatis mundum adventus sui nitore purificavit, supplices deprecemur, ut contra diaboli furentis insidias fortis nobis pugnator assistat, et quicquid ejus virosa calliditate quotidianisque infestationibus maculatum hic corruptumque fuerit, efficiatur cœlesti sanctificatione ac mundatione purgatum; quia sicut illius est solidum perfectumque quassare, ita auctoris nostri est lapsa restaurare et corrupta purgare; cujus majestatem precamur, ut hic locus fiat ab omni pollutione purga

tus, et sanctificatus, atque in priorem statum restitutus, et reconciliatus, ac sacratus: terminando submisse, per eum, qui in Trinitate perfecta vivit, et gloriatur, Deus : Per omnia sæcula sæculorum. Amen.

Dominus vobiscum.

Et cum spiritu tuo.

Sursum corda.

Habemus ad Dominum.

Gratias agamus Domino Deo nostro.
Dignum et justum est.

Vere dignum et justum est, æquum et salutare, nos tibi semper et ubique gratias agere, Domine sancte, Pater omnipotens, æterne Deus. Cujus bonitas* nec principium nec finem habet, cujus est polluta purgare, neglecta restaurare, ædificia reædificare: exaudi orationes nostras, ut hujus loci receptaculum placatus accipias: et altare tuum vel ecclesiam tuam, vel cœmeterium tuum, quod infestantis diaboli fraude est pollutum, per infusionem gratiæ cœlestis sanctifices, purifices, purificatumque possideas. Nihil hic, quæsumus Domine, postmodum noceat præteriti culpa contagii, nihil sit quod maneat inimici fraude pollutum. Resurgat vero hujus loci pura simplicitas, et candor innocentiæ pristinæ immaculatus, et dum recipit gratiam, revertatur ad gloriam. Quatenus hic populorum turba conveniens, dum petitionis ingerit vota, votorum se sentiat obtinuisse suffragia: Terminando secrete, Per Dominum nostrum, Jesum

4 The proper preface appointed in the Bangor and Exeter pontificals is different from this, and much longer and both those manuscripts agree in saying, "Cujus bonitas, &c." not as a

preface, but as a prayer: the Bangor after and the Exeter before, the preface.

The pontificals vary also in their arrangement of the prayers which succeed.

Christum, Filium tuum, qui tecum vivit et regnat in unitate Spiritus Sancti, Deus, per omnia sæcula sæculorum.

Resp. Amen.

Postea circumeat episcopus ecclesiam intrinsecus ter cum incenso, eodem modo incensando quo asperserit aquam, incipiens qualibet vice ab occidente per boream ad partem orientalem, usque dum redeat per sinistram in occidentem ad locum ubi inceperit. Si fuerit cœmeterium, ter circumeat episcopus cum incenso, primo in remotiori parte, secundo in media, tertio juxta ecclesiam et maxime in loco delicti.

Interim cantetur hæc antiphona a choro:

Exurgat Deus, ad nostri famulatus obsequium, et in loco sancto ejus fiat benedictionis augmentum. Psalmus. Exurgat Deus.

Totus psalmus dicatur, et repetatur antiphona post unumquemque versum psalmi, si necesse fuerit.

His peractis, eat episcopus ad primum locum, et ibidem stando dicat hanc orationem :

Deus qui in sanctis habitans, supernæ moderamine pietatis, terram mundus mundam formasti, quam etiam primi prævaricatoris de supernis ejecti sedibus suggestione maculatam priscis misertus paradisi quos creasti accolis, pii effusione cruoris ac proprii ab omni antiquæ prævaricationis contagio mundare et abstergere dignatus es: quæsumus immensam pietatem tuam, ut hanc ecclesiam, vel, ut hoc cœmeterium, quod, vel, quam, prius tua sanctificatione sanctificare voluisti, quamvis jam ejusdem nævo prævaricatoris maculatam, tua cœlesti benedictione bene dicas: ut qui sub timore et amore tui nominis, ad hoc oratorium pro impetranda suorum venia peccatorum convenerint, vel, in hoc cœmeterio sepulti fuerint, se in perpetuum om

nium veniam peccatorum impetrare gaudeant, et gaudia percipere sempiterna lætentur. Per Dominum.5

Deinde eat pontifex in ecclesiam, et ibidem cantetur hæc antiphona, licet cœmeterium tantum sit reconciliatum.

[blocks in formation]

"Donec perveniant ad ostium. Hic ante ingressum ecclesiæ habeat pontifex ad ostium, facto silentio, verbum ad plebem, de honore ecclesiastico, de decimis, et oblationibus ecclesiarum : ac de ipsius ecclesiæ reconciliatione. Ipse autem dominus et constructor ipsius ecclesiæ admoneatur de dote illius, et qualem honorem ecclesiæ et presbyteris debeat exhibere. Illo autem profitente se jussa pontificis impleturum, dicat pontifex præ foribus hanc orationem, signans ostium, et ecclesiam :

"Domum tuam, quæsumus Domine, clementer ingredere: et in tuorum cordibus fidelium perpetuam construe mansionem: et præsta, ut domus hæc quæ tua subsistit reconciliatione solemnis, tua fiat habitatione sublimis. Per.”

A certain number of antiphons are then appointed to be sung, until the procession reaches the altar: where the relics are directed to be again deposited by the bishop, with the usual prayThen succeeds the prayer "Deus, qui ecclesiam :" followed by another, (the Preface repeated) "Deus, cujus bonitas," with which the Office in that manuscript concludes.

ers.

Confirma hoc, Deus, quod operatus es in nobis, a templo sancto tuo quod est in Jerusalem.

Psalmus. Narrabo nomen tuum fratribus meis: in medio ecclesiæ laudabo te.

Qui timetis Dominum, laudate eum: universum semen Jacob glorificate eum.

Timeat eum omne semen Israel: quoniam non sprevit neque despexit deprecationem pauperis.

Nec avertit faciem suam a me: et cum clamarem ad eum exaudivit me.

Gloria Patri.

Repetatur antiphona.
Oremus.

Deus, qui ecclesiam tuam de omnibus mundi finibus congregatam, per tui lateris admirabile sacramentum cunctarum gentium matrem esse dixisti, quam etiam populorum varietate depictam martyrum tuorum meritis decorasti: benedic, Domine quæsumus, sanctorum tuorum opitulante suffragio, tam altare quod eorum exornatur, te juvante, reliquiis, quam ecclesiam, atque fidelium tuorum vota offerentium sanctifica: qui vivis.

Sequitur benedictio elevata manu, per longum et latum loci, dicens:

Benedictio Dei Patris omnipotentis, ingeniti Filiique ipsius unigeniti, necnon Sancti Spiritus Paracliti ab utroque procedentis, maneat jugiter super ecclesiam istam, vel, cœmeterium istud, in sæcula sæculorum. Amen.

Postea dicat episcopus missam de reconciliatione. Si cæmeterium sit, dicatur missa:

Requiem æternam.

Si ecclesia sit, dicatur hæc missa.
Officium.

« PreviousContinue »