dum spiritum, quæ sunt spiritus sentiunt. Nam prudentia carnis mors est; prudentia autem spiritus, vita et pax ; quoniam sapientia carnis inimica est Deo; legi enim Dei non est subjecta: nec enim potest. Qui autem in carne sunt, Deo placere non possunt.

R-Lucia virgo, quid a me petis, quod ipsa poteris præstare continuo matri tuæ? Nam et fides tua illi subvenit, et ecce salvata est; quia jucundum Deo in tua virginitate habitaculum præparasti.

V. Sicut per me civitas Catanensium sublimatur a Christo, ita per te Syracusana civitas decorabitur. Quia.

LECTIO II.

Vos autem in carne non estis, sed in spiritu; si tamen spiritus Dei habitat in vobis. Si quis autem spiritum Christi non habet; hic non est ejus. Si autem Christus in vobis est corpus quidem mortuum est propter peccatum; spiritus vero vivit propter justificationem. Quod si spiritus ejus, qui suscitavit Jesum a mortuis, habitat in vobis: qui suscitavit Jesum Christum a mortuis vivificabit et mortalia corpora vestra propter inhabitantem spiritum ejus in vobis.

R. — Rogavi Dominum meum Jesum Christum, ut ignis iste non dominetur mei* Et impetravi a Domino inducias martyrii mei.

V. - Pro eo ut me diligerent, detrahebant mihi : ego autem orabam. Et impetravi.

LECTIO III.

Ergo, Fratres, debitores sumus non carni, ut secundum carnem viva mus. Si enim secundum carnem vixeritis, moriemini; si autem spiritu facta carnis mortificaveritis vivetis. Quicumque enim Spiritu Dei aguntur, ii sunt filii Dei. Non enim accepistis spiritum servitutis iterum in timore, sed accepistis spiritum adoptionis filiorum in quo clamamus: Abba (Pater). Ipse enim spiritus testimonium reddit spiritui nostro quod sumus Filii Dei.

R. Gratia facta est a Domino in certamine, quia apud Deum et apud homines glorificata est; in conspectu principis loquebatur sapientiam : Et Dominus omnium dilexit eam.

v. — Adjuvabit eam Deus vultu suo Deus in medio ejus, non commovebitur. Et. Gloria patri. Et.

ANT. I.

Deus tuus.

IN II NOCTURNO.

Concupivit Rex decorem tuum, quoniam ipse est Dominus

Psalm. de communi virginum.

ANT. 2. Deus in medio ejus non commovebitur : adjuvabit eam Deus vultu suo.

ANT. 3.

Deus suscepit eam : ipsi videntes admirati sunt, conturbati sunt, commoti sunt.

Lucia virgo Syracusana, genere et christiana fide ab infantia nobilis. una cum matre Eutychia, quæ sanguinis fluxu laborabat, Catanam ad venerandum corpus beatæ Agathæ venit: quæ ad ejus sepulcrum cum suppliciter orasset, Agatha intercessione matri sanitatem impetravit. Statim vero matrem exoravit, ut quam dotem sibi datura esset, Christi pauperibus tribui pateretur. Ut igitur Syracusas rediit, omnem pecuniam, quam ex facultatibus venditis redegerat, pauperibus distribuit.

R.

Mulier innupta et virgo cogitat quæ Domini sunt : Ut sit sancta corpore et spiritu.

Manum suam Lucia virgo misit ad fortia: Gustavit et vidit, quia bona est negotiatio ejus. Ut sit.

LECTIO V.

Quod, ubi rescivisset is, cui eam parentes contra virginis voluntatem desponderant, apud Paschasium præfectum Luciam, quod christiana esset, accusavit. Quam ille cum nec precibus nec minis ad cultum idolorum posset perducere imo tanto magis incensam videret ad celebrandas christianæ fidei laudes, quanto magis ipse eam a sententia avertere conabatur : Cessabunt, inquit, verba, cum ventum erit ad verbera. Cui virgo: Dei servis verba deesse non possunt ; quibus a Christo Domino dictum est: cum steteritis ante reges et præsides, nolite cogitare quomodo aut quid loquamini, dabitur enim vobis in illa hora quid loquamini, non enim vos estis qui loquimini, sed Spiritus Sanctus, qui loquitur in vobis.

V. Dum steteritis ante reges et præsides, nolite cogitare quomodo aut quid loquamini : * Dabitur enim vobis in illa hora quid loquamini.

V.

Non enim vos estis qui loquimini, sed Spiritus Patris vestri qui loquitur in vobis. Dabitur.

LECTIO VI.

Quam cum Paschasius interrogasset: Estne in te Spiritus Sanctus? respondit: Caste et pie viventes templum sunt Spiritus Sancti. At ille : Jubebo te ad lupanar duci, ut te Spiritus Sanctus deserat. Cui virgo: Si invitam jusseris violari, castitas mihi duplicabitur ad coronam. Quare Paschasius ira inflammatus, Luciam eo trahi jussit, ubi ejus virginitas violaretur; sed divinitus factum est, ut firma virgo ita consisteret, ut nulla vi de loco dimoveri posset. Quamobrem Præfectus, circum ipsam, pice, resina, ac

ferventi oleo perfusam, ignem accendi imperavit; sed eam ne flamma quidem eam læderet, multis tormentis excruciatæ guttur gladio transfigitur. Quo vulnere accepto, Lucia prædicens ecclesiæ tranquillitatem, quæ futura erat, Diocletiano et Maximiano mortuis, idibus decembris spiritum Deo reddidit. Cujus corpus Syracusis sepultum, deindè Constantinopolim, postremo Venetias translatum est.

R.

Circumdederunt me undique, et non erat qui adjuverat. * Memorata sum misericordiæ tuæ, Domine, * et operationis tuæ quæ a sæculo

sunt.

y. Liberasti me a rugientibus præparatis ad escam, et corpus meum a perditione. Memorata. Gloria patri. Et.

ANT. I.

IN III NOCTURNO.

Confessio et pulchritudo in conspectu ejus, sanctimonia et magnificentia in sanctificatione ejus.

Psalm. de communi Virginum.

ANT. 2.

toris liberavit.

ANT. 3.

Custodivit Dominus animam ancillæ suæ de manu pecca

Mirabilia fecit Dominus in conspectu gentium, ut revelaret justitiam ancillæ suæ.

y.

R.

Qui confidunt in Domino sicut mons Sion.

Non commovebitur in æternum qui habitat in Jerusalem.

LECTIO SANCTI EVANGELII SECUNDUM MATTHÆUM.
LECTIO VII (Matth. X).

In illo tempore: Dixit Jesus discipulis suis: Estote prudentes sicut serpentes, et simplices sicut columbæ. Et reliqua.

HOMILIA SANCTI JOANNIS CHRYSOSTOMI (Homil. 24 in Matth.) Cum tradent vos, nolite solliciti esse, quomodo aut quid loquamini. Mea est enim causa. Deus humano auxilio non indiget. Ideo vos tantummodo mihi personam præstate, et ego vobiscum sum. Nam sollicitum esse ante judicium, non est præparatio rei, sed desperatio de Deo. In illis enim rebus potest esse desperatio de Deo, in quibus potest esse consideratio. Puta, si propter aliquem actum iter facturus es, consideras qualitatem actuum et quantitatem itineris, et secundum eas, præparas tibi expensas. Aut si demum ædificare proponas, consideras qualia ædificia et talia præparas instrumenta.

R. Perfice gressus meos in semitis tuis : * Ut non moveantur vestigia mea.

Qui tribulant me, exultabunt si mota fuero : ego autem in misericordia tua speravi. Ut non.

LECTIO VIII.

In judicio autem quomodo potest præparari responsum? Numquid scis, qualis sit interrogatio futura? Minime. Cum in judicio tali non judices a semetipsis loquuntur, sed diabolus in judicibus. Si ergo homo hominis cogitationem non solum futuram, sed nec præsentem cognoscit; quomodo potest cognoscere consilium inimici? Quia nemo hominum scit, quæ sunt hominis, nisi Spiritus qui est in eo.

R.

Dominus virtutem populo suo dabit. * Dominus benedicet populo suo in pace.

V.

Tu exurgens, Domine, misereberis Sion, quia tempus miserendi ejus, quia venit tempus, Dominus benedicet. Gloria Patri. Dominus benedicet.

LECTIO IX.

Si ergo ex vobis loquamini, secundum verbum respondebitis : si autem Dei spiritu, secundum cogitatum eorum. Sinite ergo in causa sua loquatur Deus in vobis, qui conscientiam interrogantis agnoscit. Non enim possibile est, ut rex qui milites suos mittit ad bellum non illis præstet arma adversus hostes. Qui ergo sollicitus est quid loquatur, in sua sapientia sperat, quæ est prima causa ruinæ. Nam in persecutionibus virtus Dei non requiritur nisi præcesserit fides.

TE DEUM.

AD LAUDES.

Antiph. et Capitulum dicuntur ut in primis Vesperis.

AD BENEDICTUS, ANTIPH. — Columna es immobilis, Lucia sponsa Christi; quia omnis plebs te expectat, ut accipias coronam vitæ, alleluia.

ORATIO.

Deus, qui beatam Luciam virginem tuam veræ fidei claritate illuminare, ac martyrii corona decorare dignatus es: concede, nobis famulis tuis, ut, ejus intercessione, ab omni mentis et corporis cæcitate liberati, facilius cœlestia suspicere mereamur. Per Dominum.

*

R. br. Manum suam aperuit inopi. Manum. extendit ad pauperem. Aperuit.

v. Et palmas suas

V. Gloria Patri. Manum.

Adjuvabit eam Deus vultu suo.

Deus in medio ejus non commovebitur.

Vos in carne non estis, sed in spiritu : si tamen spiritus Dei habitat in

Si spiritus ejus, qui suscitavit Jesum a mortuis habitat in vobis; qui suscitavit Jesum Christum à mortuis vivificabit et mortalia corpora vestra propter inhabitantem spiritum ejus in vobis.