Ex Commentario in II Sententiarum. EDITIO VATICANA Dist. 1, part. 1, art. 2, q. 1. An res productae sint in esse a pluribus principiis. (In conclus.) Caput autem et principium erroris omnis damnat philosophia, quod duo sint rerum principia * prima: tum quia ordo universi destruitur hoc posito tum quia divina potentia limitatur ex hoc ut non possit corporalia producere: tum etiam quia... CODEX F Caput autem et principium erroris damnat omnis philosophia, quod scilicet duo sint rerum principia, cum omnia sint ordinatissima ut patet, quia motus inferiorum est a motu superiorum, et motus superiorum a motu intelligentiarum, et unus sine altero esse non possit. Hic ordo ex propriis naturis esse non potest propter diversitatem et oppositionem earum, quae magis facerent distinctionem quam unionem, ut a diversis principiis et contrariis ordinantibus, quia non intenderent unum ordinem ex seipsis sive finem; ergo oportet quod reducantur ad unum principium ordinans omnia ad unum finem, aut quod hic ordo sit per accidens; sed per accidens esse non potest cum non possit abesse, sed habeat semper esse; ergo etc. Item in quolibet genere mu'titudo reducitur ad unum illius generis; ergo cum omnia in esse conveniant, oportet esse unum ens principinm omnium a quo dependeant, tum quia ordo umversi destruitur hoc posito, tum etiam quia à vina potentia limitatur ex hoc quod non possit corporalia producere: tum etiam quia... EDITIO VATICANA Dist. 30, art. 1, q. 1. An corruptio humanae naturae insit a sui conditione, vel ex peccati merito. (In objectorum solutione.) Ad illud ergo quod primo obijcitur, quod Deus fecit passibilem ovem quae tamen non peccavit, dicendum quod non est simile de homine et de ove: homo enim qui rationis particeps est, capax est beatitudinis et justitiae, et per oppositum culpae et miseriae. Unde sicut in homine obliquari culpa est, sic et pati poena est; in ove autem neutrum contingit reperiri, ideo passibilitas ovis nihil facit ad ordinem nec contra ordinem divinae justitiae, cujus est considerare meritorum exigentiam, non sic autem est de passione in humana natura *. Ad illud quod objicitur... CODEX F Ad illud ergo quod primo objicitur, quod Deus fecit passibilem ovem quae tamen non peccavit, dicendum quod non est simile de homine et de ove; homo enim qui rationis particeps est, capax est beati tudinis et justitiae, et per oppositum culpae et miseriae. Unde sicut in homine obliquari culpa est, sic et pati poena est; in ove autem neutrum contingit reperiri, ideo passibilitas ovis nihil facit ad ordinem nec contra ordinem divinae justitiae, cujus est considerare meritorum exigentiam, non sic autem est de passione in humana natura. Vel dicendum quod poena non dicitur inesse alicui, nisi quod natus est cognoscere justum et injustum, bonum et malum, poenam et gloriam: sed ovis non est hujusmodi; ideo patet. Vel sicut in sequenti auctoritate dicitur, ovis non habet formam incorruptibilem sicut homo, sed potius corruptibilem, ideo debet esse corruptibilis ut proportio salvetur. In homine autem aliter; quia incorruptibilis est forma, incorruptibile debet esse formatum. Ad illud quod objicitur... EDITIO VATICANA CODEX F Dist. 36, art. 3, q. 2. An omnis poena sit a Deo. (In fundam.) Amissio sive expoliatio gratuitorum est quaedam poena; sed haec non est a Deo, imo potius a diabolo secundum quod dicitur de homine descendente a Hierusalem in Jericho, qui a latronibus fuit vulneratus et spoliatus; ergo non omnis poena est a Deo. Quod autem imaginis deformatio non sit a Deo apparet, quoniam... Amissio sive expoliatio gratuitorum est quaedam poena; sed haec non est a Deo, imo potius a diabolo, secundum quod dicitur de homine descendente a Jerusalem in Jericho, qui a latronibus fuit vulneratus et spoliatus; ergo non omnis poena est a Deo. Quod autem expoliatio gratuitorum non sit a Deo, apparet per hoc quod dicit Anselmus, quod homo non habet gratiam, non quia Deus non dat, sed quia ipse non recepit. Item imaginis deformatio est quaedam poena; sed Deus imaginem suam nullo modo deformat, imo indignatur cum deformata est; ergo non omnis poena est a Deo. Quod autem imaginis deformatio non sit a Deo apparet, quoniam... |