hanc a me provinciam suscipi voluisti, et periculum facere, utrum mihi melior quam ceteris (1) sors obtingeret in ea perlustranda. Utque animum mihi adderes, socios dedisti complures, qui huic labori suppetias ferrent. Licet vero ornandae hujusmodi spartae me imparem sentirem, ac simul onus pergrave suspicerem, renuere tamen ac tuae non obsequi voluntati, religio mihi fuisset; non modo ob vinculum quo teneor monasticae obedientiae, verum etiam ob amorem quo prosequor Seraphicum Doctorem, atque in Te grati animi sensum, cui profecto debeo si sera

(1) Venetis nempe editoribus, atque aliis de quibus infra cap. 2 et 3.

phicae doctrinae studio vel a primis theologicae palaestrae rudimentis addictus fui. Opus ita mihi demandatum, Reverendissime Pater, sic coepi, sic prosequutus sum, ut pro ingenii mei tenuitate, tuis illud gestiret satisfacere votis: nullumque propterea itineribus agendis, provinciis ac regnis obeundis, bibliothecis perlustrandis, manuscriptis codicibus aliisque cujuscumque generis monumentis ad rem facientibus perquirendis et expendendis finem fecerim, quo minus illud in dies proveheretur: siquidem laboris immensitas lente agere me prohibuit ac prohibet.

Nihilo tamen secius, quod in omnium fuisset votis, primum novae editionis volumen, festiva

die sexti ab obitu S. Bonaventurae elapsi saeculi, quam centenariam vocant, hoc anno recurrente, prodire nequit in lucem: obsistente ad id praecipue nimia manuscriptorum monumentorum in bibliothecis ac tabulariis latentium multitudine, quae opus meum praeter expectationem retardavit, impedivitque quominus lustrare persolverim omnes totius Europae bibliothecas. Quoniam vero incongruum videretur et foret, in tanta Ordinis Minoritici ac totius christiani orbis, quam affert dies decima quarta mensis Julii hujus anni, laetitia, multis e nostratibus atque ex exteris in honorem S. Bonaventurae loquentibus, eum silere qui ad rem nisi omnia nove saltem aliqua nova

proferre potest; ideo per aliquot hebdomadas ab itineribus desistendo atque aliis quibuscumque sepositis curis, haec pauca scripsi quae operis nostri causas ac rationem ostendunt; atque dein in parte altera de quibusdam manuscriptis operibus egi, ex iisque excerpta non pauca attuli, tribus (1) e meis sociis ad ea citius paranda mihi opitulantibus, quae varia exhibent sive editorum sive anecdotorum specimina operum, brevibus, prout temporis brevitas et libelli hujus natura permiserunt, a me praemissis praefationibus, quibus singulorum ratio pateret. Ac tandem

(1) Patres Basilius ab Arupino, Elpidius a Montejovio, Ludovicus a Pedavena.

pro tertia parte catalogum contexui aliorum pene omnium quae hucusque reperi Doctori nostro in mss. codicibus tributa, et necdum ejus sub nomine impressa.

Cuinam porro haec pauca, quaecumque ea sint, dicabo, nisi mei meorumque sociorum patrono benevolentissimo SERAPHICO nempe DOCTORI S. BONAVENTURAE ? ac Tibi dein, Reverendissime Pater, qui nedum ejus es cultor eximius, et in generali Ordinis praefectura successor dignissimus, verum etiam quod exigua haec in illius honorem nunc potius quam serius prodeant, auctor fuisti? Aspiciat proinde Seraphicus Doctor e coelo, ubi Doctorum aureola circumamictus refulget, bonam