XXXIII. Ubi angelus Petrum de carcere producit.

XXXIIII. Ubi perturbati milites quidnam de Petro factum fuisset. XXXV. Ubi in ecclesia quae erat Anthiociae prophetae et doctores convenerant: et de Barjesu pseudopropheta.

XXXVI. Ubi Paulus navigans veniens Anthiociam evangelizavit ibi Christum Iesum filium dei vivi.

XXXVII. Ubi Iudaei repleti zelo contradicebant his quae a Paulo dicebantur, et gentes audiebant eum.

XXXVIII. Ubi Paulus et Barnabas venientes Iconio et praedicantes in synagoga, crediderunt Iudaeorum et Grecorum copiosa multitudo.

XXXIX. Ubi Paulus in Lystris claudum ex utero matris curavit, et ubi Paulum Mercurium vocaverunt et Barnabam Iovem.

XL. Quidam descendentes de Iudaea docebant Nisi circumcidamini, non potestis salvi fieri: unde facta seditione Paulo et Barnabae ascenderunt Hierosolymam, ubi erant Petrus et alii apostoli videre de verbo hoc.

XLI. Ubi placuit apostolis et senioribus

elegere viros et mittere

Anthiociam cum Paulo et Barnaban scribentes epistulas.

XLII. Ubi Paulus quendam discipulum nomine Timotheum secum voluit proficisci, circumcidit eum.

XLIII. Transeuntes autem Frygiam et Galatiam vetati sunt ab spiritu sancto loqui verbum in Asia, et temtabant ire Bythiniam, non permisit eos spiritus Iesu.

XLIIII. Ubi quaedam mulier nomine Lydia intendebat in his quae dicebantur a Paulo.

XLV. Ubi Paulus spiritum pithonis a puella expulit, et dum missi fuissent Paulus et Silas in carcerem, custos carceris credidit et baptizatus est.

XLVI. Ubi Paulus et Silas venerunt Tessalonicam, adaperiens de scripturis et insinuans quia Christum oportuit pati, et zelantes Iudaei tenuerunt Iasonem.

XLVII. Ubi Paulus veniens Athenis et Epicurei et Stoici philosophi disserebant cum eo.

XLVIII. Egressus Paulus ab Athenis venit Corinthum ad quendam Iudaeum nomine Aquilam.

XLIX. Ubi Gallio proconsul noluit audire Iudaeos accusantes Paulum. L. Ubi Apollo veniens Efesum praedicabat Christum, et superveniens Paulus Efesum et baptizavit ibi in nomine Iesu Christi qui baptismum Iohannis acceperant.

LI. Ubi temtaverunt quidam de circueuntibus Iudaeis spiritus malos in nomine domini Iesu eicere et confusi sunt.

LII. Ubi Demetrius faciens aedes argenteas Deanae.

LIII. Ubi Paulus vale faciens discipulis profectus est Macedonia, et ubi puerum qui somno gravi per fenestram ceciderat mortuum resuscitavit.

LIIII. Ubi Paulus per navigium circuiens VIIII civitates venit in domum Philippi evangelistae, cui erant filiae IIII prophetantes. LV. Ubi prophetavit Agabus Paulo quod in Hierusalem persecutionem a Iudaeis pateretur pro Christo.

LVI. Ubi Paulus Hierusalem ascendit, deinde Hierosolymam ad fratres. LVII. Ubi Paulus purificans se intravit templum et Iudaei iniecerunt in eum manus, et exposuit illis Paulus quomodo vocasset eum dominus Christus et baptizasset eum Annanias.

LVIII. Ubi quaerebant Iudaei occidere Paulum et dixit se civem ro

manum esse.

LIX. Ubi Paulus maledixit Annaniam principem eo quod percusserit maxillam eius, et insidias Iudaeorum ut Paulum occiderent. LX. Et ubi Claudus Lysias scripsit Felici praesidi Caesarea et commendat Paulum.

LXI. Ubi milites secundum praeceptum duxerunt Paulum Caesaream. LXII. Ubi post V dies ascendit Annanias princeps ut accusarent Paulum Caesari Felici.

LXIII. Ubi Felix Caesar distulit accusationes illorum.

LXIIII. Item ubi Festus Agrippae regi rationem de Paulo reddit eo quod a Iudaeis accusaretur.

LXV. Agrippa rex ait Paulo Loquere pro te, et Paulus dicit rationem. LXVI. Ubi Festus ait Insanis Paule.

LXVII. Ubi datus est Paulus cuidam centurioni nomine Iulio in custo

diam, qui et navigavit cum eo.

LXVIII. De afflictione Pauli et centurionis qui cum eo erat, ieiunantes in navigio.

LXIX. Ubi Paulus viperam de igne manu pendentem protraxit et barbari putabant eum homicidam esse, et ubi patrem Publi febribus sanavit.

LXX. Ubi Paulus iterum navigans per Alexandrinam venit Roma, ubi mansit adductum.

I.

6

10

Primum quidem sermonem feci de omnibus, o Theophile, quae coepit Iesus facere et docere, usque in diem qua praecipiens apostolis per spiritum sanctum quos elegit adsumtus est: 3 quibus et praebuit se ipsum vivum post passionem suam in multis argumentis, per dies quadraginta apparens eis et loquens de regno dei: et convescens praecepit eis ab Hierosolymis ne discederent, sed expectarent promissionem patris quam audistis per os meum, 5 quia Iohannes quidem baptizavit aqua, vos autem baptizamini spiritu sancto non post multos hos dies. Igitur qui convenerunt interrogabant eum dicentes Domine, si in tempore hoc restitues regnum Israhel? 7 Dixit autem eis Non est vestrum nosse tempora vel momenta quae pater posuit in sua potestate, 8 sed accipietis virtutem supervenientis spiritus sancti in vos, et eritis mihi testes in Hierusalem et in omni Iudaea et Samaria et usque ad ultimum terrae. 9 Et cum haec dixisset, videntibus illis elevatus est, et nubes suscepit eum ab oculis eorum. Cumque intuerentur in caelum euntem illum, ecce duo viri adstiterunt iuxta illos in vestibus albis, 11 qui et dixerunt Viri Galilaei, quid statis aspicientes in caelum? hic Iesus qui adsumtus est a vobis in caelum, sic veniet quemadmodum vidistis eum euntem in caelum. 12 Tunc reversi sunt Hierosolymam a monte qui vocatur oliveti, qui est iuxta Hierusalem sabbati habens iter. 13 Et cum introissent in cenaculum, ascenderunt ubi manebant Petrus et Iohannes, Iacobus et Andreas, Philippus et Thomas, Bartholomeus et Matheus, Iacobus Alfei, Simon Zelotes et Iudas Iacobi: "hi omnes erant perseverantes unanimiter in oratione cum mulieribus et Maria matre Iesu et fratribus eius. 15 In diebus illis exsurgens Petrus in medio fratrum dixit: erat autem turba hominum simul fere centum viginti: 16 Viri fratres, oportet impleri scripturam quam praedixit spiritus sanctus per os David de Juda, qui fuit dux eorum qui conprehenderunt Iesum, qui

17

21

connumeratus erat in nobis et sortitus est sortem ministerii huius. 18 Et hic quidem possedit agrum de mercede iniquitatis, et suspensus crepuit medius, et diffusa sunt omnia viscera eius: et notum factum est omnibus habitantibus Hierusalem, ita ut appellaretur ager ille lingua eorum Acheldemac, hoc est ager sanguinis. 20 Scriptum est enim in libro psalmorum Fiat habitatio eius deserta, et non sit qui inhabitet in ea et Episcopatum eius accipiat alter. Oportet ergo ex his viris qui nobiscum congregati sunt in omni tempore quo intravit et exivit inter nos dominus lesus, 22 incipiens a baptismate Iohannis usque in diem qua adsumtus est a nobis, testem resurrectionis eius nobiscum fieri unum ex istis. 23 Et statuerunt duos, Ioseph qui vocatur Barsabba, qui cognominatus est Iustus, et Mathiam. Et orantes dixerunt Tu domine, qui corda nosti omnium, ostende quem elegeris ex his duobus unum, accipere locum ministerii huius et apostolatus, de quo praevaricatus est Judas ut abiret in locum suum. 26 Et dederunt sortes eis, et cecidit sors super 'Mathiam, et adnumeratus est cum undecim apostolis.

3

4

8

24

II.

7

25

Et cum complerentur dies pentecosten, erant omnes pariter in eodem loco. 2 Et factus est repente de caelo sonus tamquam advenientis spiritus vehementis, et replevit totam domum ubi erant sedentes, et apparuerunt illis dispertitae linguae tamquam ignis, seditque supra singulos eorum, et repleti sunt omnes spiritu sancto, et coeperunt loqui variis linguis prout spiritus sanctus dabat eloqui illis. 5 Erant autem in Hierusalem habitantes Iudaei, viri religiosi ex omni natione quae sub caelo est: facta autem hac voce convenit multitudo et mente confusa est, quoniam audiebat unusquisque lingua sua illos loquentes. Stupebant autem omnes et mirabantur dicentes Nonne omnes ecce isti qui loquuntur Galilaei sunt? et quomodo nos audivimus unusquisque lingua nostra in qua nati sumus, 9 Parthi et Medi et Elamitae, et qui habitant Mesopotamiam et Iudaeam et Cappadociam, Pontum et Asiam, 10 Frygiam et Pamphyliam, Aegyptum et partes Lybiae quae est circa Cyrenen, et advenae Romani, "Iudaei quoque et proselyti, Cretes et Arabes, audivimus loquentes eos nostris linguis magnalia dei? 12 Stupebant autem omnes et mirabantur ad invicem dicentes Quidnam vult esse? 13 Alii autem inridentes dicebant quia musto pleni sunt isti. Stans autem Petrus cum undecim levavit vocem suam et locutus est eis Viri Iudaei et qui habitatis Hierusalem universi, hoc vobis notum sit, et auribus I, 18 II, 14.

18

23

15

26

24

percipite verba mea. Non enim sicut vos aestimatis hi ebrii sunt, cum sit hora diei tertia, 16 sed hoc est quod dictum est per prophetam Iohel 17 Et erit in novissimis diebus, dicit dominus, effundam de spiritu meo super omnem carnem, et prophetabunt filii vestri et filiae vestrae, et iuvenes vestri visiones videbunt, et seniores vestri somnia somniabunt: et quidem super servos meos et super ancellas meas in diebus illis effundam de spiritu meo, et prophetabunt. 19 Et dabo prodigia in caelo sursum et signa in terra deorsum, sanguinem et ignem et vaporem fumi. 20 Sol convertetur in tenebras et luna in sanguinem ante quam veniat dies domini magnus et manifestus. 21 Et erit, omnis quicumque invocaverit nomen domini salvus erit. 22 Viri Israhelitae, audite verba haec. Iesum Nazarenum, virum adprobatum a deo in vobis virtutibus et prodigiis et signis, quae fecit per illum deus in medio vestri, sicut vos scitis, hunc definito consilio praescientia dei traditum per manus iniquorum adfigentes interemistis: quem deus suscitavit solutis doloribus inferni, iuxta quod inpossibile erat teneri illum ab eo. 25 David enim dicit in eum Providebam dominum coram me semper, quoniam a dextris est mihi, ne commovear: propter hoc delectatum est cor meum et exultavit lingua mea, insuper et caro mea requiescit in spe, 27 quoniam non derelinques animam meam in inferno, nec dabis sanctum tuum videre corruptionem. 28 Notas mihi fecisti vias vitae, replebis me iucunditate cum facie tua. 29 Viri fratres, liceat audenter dicere ad vos de patriarcha David, quoniam et defunctus est et sepultus est, et sepulchrum eius est apud nos usque in hodiernum diem. 30 Propheta igitur cum esset et sciret quia iureiurando iurasset illi deus de fructu ventris eius sedere super sedem eius, 31 providens locutus est de resurrectione Christi, quia neque derelictus est in inferno neque caro eius vidit corruptionem. Hunc Iesum resuscitavit deus, cuius omnes nos testes sumus. 33 Dextera igitur dei exaltatus et promissione spiritus sancti accepta a patre effudit hunc quem vos videtis et auditis. 3 Non enim David ascendit in caelos: dicit autem ipse Dicit dominus domino meo Sede a dextris meis 35 donec ponam inimicos tuos scabillum pedum tuorum. 36 Certissime ergo sciat omnis domus Israhel quia et dominum eum et Christum deus fecit, hunc Iesum quem vos crucifixistis. 37 His autem auditis conpuncti sunt corde et dixerunt ad Petrum et ad reliquos apostolos Quid faciemus, viri fratres? Petrus vero ad illos Paenitentiam, inquit, agite, et baptizetur unusquisque vestrum in nomine domini Iesu Christi in remissionem peccatorum vestrorum, et accipietis donum sancti spiritus: 39 vobis enim est repromissio et filiis

32

38